ديش کي ڇڏ

[جاويد نواز]

غزل
ديش کي ڇڏ ڌاري لئي دڙڪو ڪافي آ
دشمن جي دهمان لئي ڪڙڪو ڪافي آ

پاڻهي دشمن جي دل ٿي پرزا پوندي
ديش جي پرچم جو هي ڦڙڪو ڪافي آ

ڪنڌ کڻي سامهون بيهي ۽ گهوري ڏسي
ڀنڃ دشمن جو مڻڪو مڻڪو ڪافي آ

ڌارين جي تون ڀلجان فوج ئي ٺاهه کڻي
پنهنجي امڙ لئي پنهنجو ٻچڙو ڪافي آ

ٻين نعارن سان منهنجو ڇا جاويد وڃي
مون لئي جيئي سنڌ جو نعارو ڪافي آ

جاويد نواز
دعائن ۾ ياد​

 

[عاشق سولنگي]

جواب: ديش کي ڇڏ

ٻين نعارن سان منهنجو ڇا جاويد وڃي
مون لئي جيئي سنڌ جو نعارو ڪافي آ


بيشڪ۔۔سائين تمام بهترين۔۔خيال

 

[نثارابڙو]

جواب: ديش کي ڇڏ

سهڻا دوست جاويد نواز! بيشڪ اوهان جون ڳالهيون سچيون ۔۔۔ فڪر به موجود آهي، نعرو به موجود آهي، قوم به موجود آهي، قوم جا گڻ اوگڻ به موجود آهن ۔۔۔

پر اها ڪهڙي شئي موجود ناهي جو سنڌ جي سماج جي حالت ڏينهن در ڏينهن پوئتي پوندي وڃي ۔۔۔ ٻيو ته ٺهيو سنڌ جي ڳالهه ڪندڙ ، سنڌ جي آزاديءَ ۽ انجي خوشحاليءَ جي ڳالهه ڪندڙن جي حالت سنڌي سماج کان به وڌيڪ پوئتي پوندي وڃي ۔۔۔

هن وقت اسين پاڻکي قومپرست، حب الوطن سڏرائيندڙ سڀ جا سڀ هڪ هنڌ گڏ ٿي ڪو ممڻ مچائي نٿا سگهون ۔۔۔ سنڌ جي ڳالهه منهنجي منهن مان خراب ٿي لڳي پر اها ئي ڳالهه ٻي جي منهن مان ڀلي ۔۔۔ ائين ڇو ۔۔۔؟

اچو ته ان ڳالهه تي سوچيون ۽ پنهنجن نوجوانن سميت پوري قوم کي دڳ لايون ۔۔۔

لک شاباسون اوهانکي جو اوهان ايترو سهڻو قومي جذبي سان ٽمٽار گيت چيو آهي ۔۔۔ اهو گيت ڪنهن سرمد، ڪنهن احمد يا سڄڻ کي ڳائڻ کپندو آهي جو اوهانجي هن گيت جي رواني ۽ رڌم ڳائڻ وٽآن آهي ۔۔۔

ٿورا ناهن ٿورا ۔۔۔​

 

[جاويد نواز]

جواب: ديش کي ڇڏ

ٻين نعارن سان منهنجو ڇا جاويد وڃي
مون لئي جيئي سنڌ جو نعارو ڪافي آ


بيشڪ۔۔سائين تمام بهترين۔۔خيال

ادا عاشق اوهانجي مهرباني لک لائق۔

 

[جاويد نواز]

جواب: ديش کي ڇڏ

سائين نثار صاحب اوهان جي وڏي مهرباني پسند ڪرڻ جي باقي جيڪا اوهان ڳالهه ڪئي آهي سا سو فيصد سچ آهي سائين جڏهن شاهه سائين جي هن شعر تي عمل ٿيو ان ڏينهن سنڌ جا ٻيڙا پار هوندا۔

اندر ڪارو ڪان ٻاهر ٻولي هنج جي
اهڙو ڪنو ٿان ڀڃي ڀورا ڇو نه ڪجي
شاهه

 

[عبدالڪريم چانڊيو]

جواب: ديش کي ڇڏ

ادا ڀاوءُ !
رڳو نعرن ھڻڻ ۽ جھمريون پائڻ سان سنڌ نه آزاد ٿيندي ۽ نه وري جي سگھندي۔
اتر ۽ ڪاڇو ويا ھو ڀيلي ، اسان اڃان به لٻاڙ ھيٺان۔
سنڌ کي آزاد ڪرائڻ ۽جيارڻ لاءِ علم ، ھنر ،حوصلي ، ھمت ،سائنسي کوجنا ، بي غرض قيادت ٻڌي ۽ وقتائتي فيصلن ڪرڻ جي ضرورت آھي ۽ اڇي اُ جري ڪردار جي ضرورت آھي جنھن تي سڄي قوم اعتبار ڪري سگھي ۔ آزادي ڪو ھڪڙو فرد وٺي ڪونه سگھندو پر جيسين تائين سڄي قوم پنھنجو ڪو قومي ڪردار ادا نه ٿي ادا ڪري۔
سڄو ڏيھ ڏاٽا ڪري جي اُ ڀا ، لکين عيد جا چنڊ اُ ڀري پون ۔

 

[جنيداحمدکوسو]

جواب: ديش کي ڇڏ

ڌارين جي تون ڀلجان فوج ئي ٺاهه کڻي
پنهنجي امڙ لئي پنهنجو ٻچڙو ڪافي آ

واه سائين جاويد نواز واه

 

[ڦلپوٽو فقير]

جواب: ديش کي ڇڏ

بهترين شيئرنگ آهي ادا جاويد احمد

 

[IMRAN KHAN]

جواب: ديش کي ڇڏ

جاويد ادا مهرباني ونڊ ڪرڻ جي
عمران

 

[و حيد کوسو بلوچ]

جواب: ديش کي ڇڏ

واه سائين جاويد تمام سهڻا خيال تمام بهترين شاعري

 

[جاويد نواز]

جواب: ديش کي ڇڏ

ادا ڀاوءُ !
رڳو نعرن ھڻڻ ۽ جھمريون پائڻ سان سنڌ نه آزاد ٿيندي ۽ نه وري جي سگھندي۔
اتر ۽ ڪاڇو ويا ھو ڀيلي ، اسان اڃان به لٻاڙ ھيٺان۔
سنڌ کي آزاد ڪرائڻ ۽جيارڻ لاءِ علم ، ھنر ،حوصلي ، ھمت ،سائنسي کوجنا ، بي غرض قيادت ٻڌي ۽ وقتائتي فيصلن ڪرڻ جي ضرورت آھي ۽ اڇي اُ جري ڪردار جي ضرورت آھي جنھن تي سڄي قوم اعتبار ڪري سگھي ۔ آزادي ڪو ھڪڙو فرد وٺي ڪونه سگھندو پر جيسين تائين سڄي قوم پنھنجو ڪو قومي ڪردار ادا نه ٿي ادا ڪري۔
سڄو ڏيھ ڏاٽا ڪري جي اُ ڀا ، لکين عيد جا چنڊ اُ ڀري پون ۔

سائين الله اهڙو ڏينهن ضرور آڻيدو۔

هٿ کان جو وٺي هلندا کڻي ديش جو هي پرچم
هٿ ڪهڙو ڇڏائيندو تن ديش جي جوڌهن کان​

 

[رياض حسين گلال]

جواب: ديش کي ڇڏ

ادا تمام بهترين ونڊ آهي .