جيئن ته ڪرڪيٽ جي عالمي ڪَپ لاءِ مقابلا زور شور سان هلي رهيا آهن، ۽ سڄي دنيا جا ماڻهو ٽي وي سامهون ويهي، انهيءَ راند مان لطف اندوز ٿي رهيا آهن، پر هتي اسان وٽ بجليءَ جي لوڊ شيڊنگ سبب اسان مئچ ڏسي نٿا سگهون. خاص ڪري جنهن ڏينهن پاڪستان جو وارو هوندو آهي، انهيءَ ڏينهن ته حيسڪو وارا ڪرڪيٽ جي شائقين کي خاص پئڪيج ڏين ٿا، يعني سڄو ڏينهن بجلي بند ۽ رات جو وري نائيٽ پئڪيج- اڌ رات بجلي بند ۽ پوءِ وري رات جو جيڪا حالت مڇر ڪندا آهن، سڄي ڏينهن جي ڪم جي ”ٿڪاوٽ“ لهي ويندي آهي. انهيءَ مهل دلين مان حيسڪو وارن لاءِ ايڏيون ته ”دعائون“ نڪرنديون آهن، جو ڇا لکان! سڄو ورلڊ ڪپ ته ائين ئي گذري ويو، هاڻ سيمي فائنل ۽ فائنل جو سلسلو شروع ٿيڻ وارو آهي ۽ اسان جي ملڪ جي ٽيم به ڪوارٽر فائنل تائين پهچڻ ۾ ڪامياب ٿي وئي آهي، انشاء الله ورلڊ ڪپ کٽي هن قوم کي خوشيون ڏيندي، ۽ حيسڪو وارا اسان کي ورلڊ ڪپ جي انهن آخري مئچن ڏسڻ جو موقعو ڏيندا ته سندن هن قوم تي مهرباني ٿيندي.[/b] جليل احمد کوسو/اڏيرو لال اسٽيشن
