مناظره ڏونجهه السلام عليڪم ورحمة الله وبرڪاتہ، ڏونجهه جو مناظرو ٿرپارڪر جي تعلقي مٺيءَ جي هڪڙي ڳوٺ ”ڏونجهه“ ۾ 14، 15 ۽ 16 ڊسمبر 1943ع ۾ ٿيو. هن مناظري ۾ هڪ طرف سنڌ جا پير ۽ مولوي هيا، جن ۾ (1) پيرغلام مجدد شڪارپوري، (2) مولوي ملا ڪاتيار وارو، (3) مولوي ڊينسير اسٽيٽ وارو ۽ (4) مولوي عبدالغفور ڪنري وارو مشهور آهن ته ٻئي طرف سنڌ جا مشهور عالم (1) مولوي عبدالرحيم صاحب ڪڇ وارو، (2) مولوي محمد عمر جوڻيجو ڏيپلائي ۽ (3) شيخ عبدالعزيز صاحب عرب هئا. مناظري جا موضوع هي هئا: (1) حياة النبي صه، (2) مئلن کان مدد وٺڻ، (3) مري ويلن جو ٻڌڻ. جيئن ته هي مناظرو ٿر جي هڪڙي ننڍڙي ڳوٺ ڏونجهه ۾ ٿيو هيو، انهيءَ ڪري انهيءَ نالي سان هن مناظري کي ياد ڪيو وڃي ٿو. هن مناظري کي قلم بند ڪرڻ وارو سيٺ حاجي صاحبڏنو ولد علي محمد ميمڻ ڏيپلائي آهي. جنهن اهڙي ته بهترين منظر ڪشي ڪئي آهي جو پڙهندڙ کي معلوم ٿيندو ته جهڙوڪ هو پاڻ ان مناظري ۾ موجود آهي. هي مختصر ڪتابڙو پڙهڻ وٺان آهي. اميد ته دوستن کي هي ڪتابچو ضرور پسند ايندو. [SCRIBD]24403848&access_key=key-wojnlf2ijl3ftzxhg4f&page=1&version=1&viewMode=[/SCRIBD]
ادا ابو زين اميد ته جڙيل هوندي ... ادا سائين ڪتاب ڪجه پڙهيو آهي ۽ ڪجه باقي آهي ... پر تنهن هوندي به ڳالهه سمجه ۾ اچي وئي آهي ... هڪ ڳالهه ته ڪتاب انتهائي معلوماتي ۽ اهم آهي اسان سڀني کي پڙهڻ گهرجي ته جيئن اهڙن گناهن کان بچي سگهجي جي اسين ڄاڻي اڻڄاڻي ڪندا رهونٿا ... ٻي ڳالهه ته هن ڪتاب ۾ اڃان ڪٿي ڪٿي حرف ونحو جون غلطيون رهجي ويون آهن سي درست ڪرڻ گهرجن ته جيئن پڙهڻ آساني ٿئي ... سڀ کان وڏي ڳالهه ته اوهانجون مهربانيون جو اهڙيون قيمتي لکڻيون اسان سان ونڊ ڪندا رهوٿا ... جزاڪ الله خئير
مهرباني سائين، دراصل ڪتاب اڃان پروف ريڊنگ ٿيل نه آهي. ڪمپوزنگ ۾ ڪافي غلطيون ضرور رهجي ويون هونديون. پروف ريڊنگ کان پوءِ فائنلي ڪتاب کي ٻيهر شيئر ڪندس. اميد ته غلطيون ڪنهن حد تائين درست ٿي چڪيون هونديون. انشاء الله.
