استاد بخاري جي شاعري ڏاڍا اوکا ويڙها آهيون، دريا خان ۽ دودا آهيون، جوٽي ڏيندا جھيڙا آهيون، ڏاڍا اوکا ويڙها اهيون. هوشو جيئرو جوش ڏئي ويو، هيمون آجو هوش ڏئي ويو، دوَر نئين جا دودا آهيون، ڏاڍا اوکا ويڙها آهيون. اڳتي وڌندو، پرتي ڪِرندو، دشمن ڇهندو، ڇهندي ٻرندو، بجلي وارا جھٽڪا آهيون، ڏاڍا اوکا ويڙها آهيون. سورهن آنا سچ ته آهيون، شاهه، سچل جو مَچَ ته آهيون، طوفانن ۾ ٻرندا آهيون، ڏاڍا اوکا ويڙها آهيون. ماضي جا مهمان نه آهيون، آئيندي جا اعلان آهيون، تازا توانا تجلا آهيون، ڏاڍا اوکا ويڙها آهيون. تحريڪن جي طوفانن ۾، آزاديءَ جي ايوانن ۾، ڳاڙها جھنڊا ڦڙڪيا آهيون، ڏاڍا اوکا ويڙها آهيون. جرڪي جرڪي جئيندا آهيون، مُرڪي مُرڪي ملهندا آهيون، جيئرا هياسين، جيئرا آهيون، ڏاڍا اوکا ويڙها آهيون. دِلوارن لئه موتئيءَ ٽاري، دوڌارن لئه ڪات، ڪٽاري، بلڪِ بخاري، ڀالا آهيون، ڏاڍا اوکا ويڙها آهيون.
جواب: استاد بخاري جي انقلابي شاعري تحريڪن جي طوفانن ۾، آزاديءَ جي ايوانن ۾، ڳاڙها جھنڊا ڦڙڪيا آهيون، ڏاڍا اوکا ويڙها آهيون. واه سائين لاجواب
جواب: استاد بخاري جي انقلابي شاعري تمام بهترين چونڊ استاد جي شاعريء جي ڇا تعريف ڪجي جيڪو چوي ٿو هڪ ٽانڊو منهنجي دل ۾ رک ، هڪ ٽآنڊو منهنجي اک ۾ رک اها باه سهي مان ويندس پر هڪ غير نه هن محفل ۾ رک
جواب: استاد بخاري جي انقلابي شاعري ادا سليمان وساڻ واقعي اوهان سچ چيو استاد جي شاعري جي ڇا ڳالهه ڪجي ۔۔۔۔ حوصلا افزائي جي مهرباني۔۔۔۔۔۔
دِلوارن لئه موتئيءَ ٽاري، دوڌارن لئه ڪات، ڪٽاري، بلڪِ بخاري، ڀالا آهيون، ڏاڍا اوکا ويڙها آهيون واھ استاد واھ ، استاد جي انقلابي شاعريءَ ۾ به هڪ گهرو ڇلندڙ سمنڊ ۽ موجن ڀريو مهراڻ سمايل آهي ، جيڪو رهزنن جي ايوانن کي ٽڪرا ٽڪرا ڪري ڇڏي ٿو ! اي ڪاش هر سنڌ جو سڏائيندڙ عاشق سچو ٿي پئي ۽ استاد جي انقلابي شاعري تي عمل ڪندي پنهنجي سونهاري سنڌ کي هر قسم جي نقصان کان بچائي ، دهشت ۽ چالاڪيءَ بجاءِ استاد وانگر محبت جي پچار ڪري ته جيڪر سنڌ جرڪِي پئي !
