جاويد نواز
سينيئر رڪن
غزل
نيهن کان ناتو ڪٽڻ ڀي آ ڏکيو
محب کان منهڙو مٽڻ ڀي آ ڏکيو
حسرتن جو لاش ڪُلهڙن تي کڻي
هيڪلو دلبر هلڻ ڀي آ ڏکيو
ڪم پتنگ جو آ پچڻ پچندو پيو
ائين مگر ٻئي لئي پچڻ ڀي آ ڏکيو
ٻئي ڪري بند نيڻ ڪنهن ٻئي غير تي
ڀروسو ايڏو ڪرڻ ڀي آ ڏکيو
گولو تنهنجي در جو هان ڪنهن وقت کان
هاڻي تنهنجو در ڇڏڻ ڀي آ ڏکيو
جي ڀڄي پيو بند نيڻن جو اگر
بند سو جلدي ٻڌڻ ڀي آ ڏکيو
سونهن جي ۽ سنڌ جي جت ڳالهه ٿئي
جاءِ تنهن کان جهٽ اُٿڻ ڀي آ ڏکيو
حق تي گر جاويد آ ان کي مڃون
ڪنهن کي ائين ناحق مڃڻ ڀي آ ڏکيو
جاويد نواز
دعائن ۾ ياد
