فورم جي منتظمين، سڀني ساٿي ميمبرن ۽ سنڌ جي سمورن ماروئڙن ۽ چاهيندڙن کي منهنجي طرفان کوڙ سارا سارا سلام قبول هجن۔ سنڌ سان پيار ته هر سنڌي کي آهي ۽ هجڻ به گهرجي ڇو ته حب الوطني به ايمان جو جزو آهي۔ محترم يونس ملڪاڻي صاحب جن ٻڌايو ته سنڌ سلامت فورم منهنجي شرڪت ٿيڻ گهرجي حالانڪه آئون هن سنڌي فورم کان واقف هجڻ باوجود به مصروفيتن جي ڪري شرڪت نه ڪري سگهيو هيس۔ پر سچ پڇو ته تمام گهڻي خوشي جو احساس هو ۽ آهي ته سنڌي ۾ ڪو فورم آهي۔ جنهن فورم تي تحريرن، مضمونن سان گڏو گڏ سنڌي ماڻهن جي اصلاح ۽ ڄاڻ ۾ واڌ جي ڪافي سارو مواد مهيا ٿيل آهي۔ پيارا ساٿيو! منهنجو تعلق لاڙ جي ان شهر سان آهي جيڪو تيل ۽ گيس جي لحاظ کان پنهنجي نوعيت جو هڪ وڏي اهميت رکندڙ شهر آهي۔ ڪڙيو گهنور جيڪو ضلع بدين جي تعلقه گولاڙچي ۾ واقع آهي۔ چڱو پنهنجي شهر ۽ ان جي باري ۾ وڌيڪ توهان کي اڳيان هلي پنهنجي ٻين تحريرن ۾ ٻڌائيندس، ۽ ها آئون سنڌ جي اندر تعليم جي فروغ جي لحاظ کان به تحريرون هن فورم ۾ پوسٽ ڪرڻ جو خواهشمند آهيان جيڪي جلد کان جلد پوسٽ ڪندس۔ سنڌ جي ترقي لا سوچيندڙ ۽ ساڃاهوند ڌرين کي اپيل ٿو ڪريان ته سنڌ جي ٻهراڙين ۽ شهرن ۾ تعليم جي فروغ کي هٿي وٺرائڻ لا ڪوششون ڪيون وڃن ۽ سنڌ جي ڪنڊ ڪڙڇ ۾ تعليم کي عام ڪرڻ لا جدوجهد ڪئي وڃي ته جيئن سنڌي ”جهالت“ واري داغ کان صاف ٿي دنيا سان ڪلهو ڪلهي ۾ ملائي پنهنجي تخليقي سوچ جو آزادانه اظهار ڪري سگهن۔
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ ادا شڪيل اوهان کي هن سٿ ۾ شامل ٿيڻ تي دل جي گهرائن سان ڀليڪار
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ سائين محترم شڪيل احمد شاه صاحب، سنڌ سلامت جي انتظاميه ۽ سنڌ سلامت جا سڀ دوست اوهانکي پرخلوص ڀليڪار چون ٿا ۔۔۔ سچ پڇو ته جڏهن ڪڌهن ڪو سنڌ دوست اسانجي هن ننڍڙي قافلي ۾ شريڪ ٿيندو آهي ته اسانجي سگهه ۾ اضافو ٿي ويندو آهي ۽ اسين پاڻ کي ٻلوان سمجهندا آهيون، ڇاڪاڻ سچا دوست سگهه هوندا آهن، رهنمائي هوندا آهن ۽ منزل تي پهچڻ جي پڪ هوندا آهن ۔۔۔ اوهان جي هن پياري ڀرئي تعرف مان خبر پوي ٿي ته اوهان پنهنجي علائقي سان گڏ سنڌ ۽ سنڌ جي تعليم لا ڪيترا دردوند آهيو ۔۔!! اوهانجو سڀ لکڻيون اسانجي اکين تي ۽ انتظار رهندو ۔۔۔ گولاڙچي جي سون ورني ڌرتي مٿان ويٺل سنڌ دوست کي دل جي گهراين سان ڀليڪار، اميد ته اسانجو ساٿ پائدار ۽ توڙ رسندو ۔۔۔ لاڙ جا ته هونئن به وفادار ۽ پيارا سنڌي آهن، جيڪي پنهنجي عقل ۽ فهم سان سنڌ جي خدمت ڪن ٿا ۔۔۔ دوست وڌن ۔۔۔ ميلا لڳن ته هو جمالا ڳائجن اميد ته ڀيرو نه ڀڃندا ۔۔۔ پنهنجي قيمتي وقت مان ڪجهه گهڙيون ڪڍي ايندا رهندا سنڌ سلامت ساٿ سلامت
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ ادا شڪيل اوهان کي هن سٿ ۾ شامل ٿيڻ تي دل جي گهرائن سان ڀليڪار
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ سائين شڪيل شاه صاحب سنڌ سلامت جي هن محبتي ميڙ ۾ شامل ٿيڻ تي اوهان کي دل جي گهراين سان ڀليڪار چئون۔ سائين يونس ملڪاڻي جا به ٿورا جنهن اسان جي هن محفل ۾ اوهان جهڙي دوست جو اضافو ڪيو اسان کي اوهان جي سٺين لکڻين جو شدت سان انتظار رهندو
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ جواب : سنڌ جي پيارن ماروئڙن کي پيار ڀريو سلام قبول پوي ۔۔۔۔ قبله شڪيل احمد شاه صاحب توهان کي سنڌ سلامت فورم ۾ دل جي گهراين سان ڀليڪار چئون ٿا ۔ فقط قبله جن هڪ لطف ڪندا ته پنهنجو مڪمل تعارف ڪرائيندا ته مهرباني ٿيندي
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ ادا شڪيل احمد شاه اوهان کي هن سهڻي اڱڻ تي اچڻ تي دل جي گهرائن سان ڀليڪار ڪجي ٿو۔ اميد آهي ته اوهان کي هن فورم ۾ سٺا دوست ۽ علمي جاڻ ملندي ۽ اسان کي به پنهنجي مضمونن سان مستفيد ڪندا رهندا، انشاء الله! ساٿ هلندو رهندو ، سدائين گڏ
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ مهرباني افتخار صاحب، توهان جهڙن ساٿين جو ساٿ گهرجي۔ ساٿ سلامت ۔۔۔ سنڌ سلامت
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ پيارا، آئون سمجهان ٿو تعارف لا اهو سڀ ڪجهه ضروري هوندو آهي جيڪو مون لکيو، پر جيڪڏهن توهان کي ڪجهه پڇڻو آهي ته بلڪل پڇو توهان ساٿين جي ساٿ سان ته زندگي جا رنگين لمحا يادگار بڻبا آهن۔۔۔!! مهرباني۔
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ محترم دوست شڪيل احمد شاهه صاحب اوهان کي سنڌ سلامت جي سهڻي فورم تي ڀليڪار ٿا ڪيون تمام گهڻي خوشي ٿي جو اوهان پنهنجي سنڌ سلامت فورم جا ساٿي بڻيا آهيو جيڪو اسان سڀني سنڌين جو گڏيل فورم آهي ۽ اها اميد ته اوهان سٺا ليک ۽ نيون نيون ڳالهيون فورم تي شيئر ڪندا رهندا۔ ادا يونس ملڪاڻي ۽ ادا حفيظ لغاري به اوهان جي ئي علائقي جا آهن جيڪي پڻ گهڻو سرگرم آهن۔ اميد ته اوهان پنهنجي لکڻين سان فورم جي سونهن ۾ اضافو ڪندا رهندا ۽ اسان جو ساٿ اوهان سان هر دم گڏ هوندو۔
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ ادا شڪيل احمد شاه اسان اوهان کي سنڌ سلامت فورم تي خوش آمديد ٿا چئون اميد ته فورم جو ڀيرو ڪندا رهندا سدائين گڏ
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ سائين شڪيل احمد شاهه صاحب! اوهان کي سنڌ سلامت جي پيار ۽ محبت سان سجايل اڱڻ تي دل جي گهرائين سان ڀليڪار ٿو چئجي، سنڌ سلامت جو اڱڻ اوهان دوستن جي ساٿ سان انشاءَ الله روز بروز ترقي ڪندو۔ هن محبتي ويب سائيٽ تي اوهان جهڙن دوستن جي ساٿ جي ضرورت آهي، اوهان جي تعارفي ليک مان خبر پوي ٿي ته اوهان جو علم سان چاهه آهي ۽ اوهان جي هٿان اسان کي ڪيتريون ئي علمي لکتون ملنديون۔۔۔ ڪڙيو گهنور هڪ بهترين شهر آهي، منهنجو اتي ٻه ڀيرا اچڻ ٿيو آهي، ڪو وڏيرو هو سهتو ذات جو جنهن جو نالو مون کي ياد ناهي، ان جي پلاٽ ۾ يوفون جو ٽاور لڳڻو هو انهن ڏينهن ۾ مان يوفون ۾ انٽرنشپ ڪندو هئس۔ ان ڪري اتي وڃڻ ٿيو هو۔۔۔ تمام پيارو شهر آهي، ٻه ٽي ڀيرا وري اتان گذر ٿيو آهي پر شهر وڃڻ نه ٿيو آهي۔۔۔۔ اميد ته توهان سنگت سان ساٿ نڀائيندا۔۔
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ سائين توهان کي هن سنڌ جي محبتي اڱڻ اچڻ تي ڀليڪار چئون ٿا ۔ توهان جي سهڻين لکڻين جو انتظار رهندو ۔
جواب: سنڌ جي پيارن ماروئڙن کي پيار ڀريو سلام قبول پوي ۔۔۔۔ ادا هن اڱڻ تي دل جي گهرائين سان ڀليڪار [/center][/img]
