امام غزالي جو ڪتاب ”ڪيمياء سعادت“ انسان جي رهبري لاء بهترين ڪتاب شمار ٿئي ٿو۔ هن ڪتاب جو سنڌي ترجمو پروفيسر غلام حسين جلباڻي ڪيو آهي، جڏهن ته پهرين حصي جي اِي بوڪ جي ايڊيشن لاء ڪمپوزنگ محترم عبدالرحيم نظاماني جي آهي ۽ سائين عبدالماجد ڀرڳڙيء پاران سنڌي ڪمپيوٽنگ جي ويب تان متعارف ڪيو ويو آهي۔ هتي ڪلڪ ڪري ڪتاب ڊائونلوڊ ڪيو
جواب: ڪيمياء سعادت - حصو پهريون (امام غزالي) سائين مھرباني اھڙي ڪتاب کي ھن فورم تي رکيو اٿو۔ھي ڪتاب منھنجو پڙھيل آھي ۽ تمام گھڻو ڪارائتو آھي۔آئون پنھنجي ڀائرن کي صلاح ڏيندس ته ھن ڪتاب کي شوق سان پڙھن ۽ ٻين کي به ٻڌائين۔
جواب: ڪيمياء سعادت - حصو پهريون (امام غزالي) مهرباني سائين بلڪل اوهان صحيح فرمايو۔ هي هڪ ناياب ۽ ڪارائتو ڪتاب آهي۔ سڀني دوستن کي هي ڪتاب پڙهڻ جي دعوت ڏجي ٿي
جواب: ڪيمياء سعادت - حصو پهريون (امام غزالي) اسلام اعليڪم ! ماشاء الله! تمام سٺو ڪتاب آهي۔ هي ڪتاب مون وٽ پهرين اردو ۾ ڊائون لوڊ ٿيل هو پر ان کي مون پڙهيو ڪون هو۔ انشاء الله هاڻي هن کي غور سان پڙهندس۔
جواب: ڪيمياء سعادت - حصو پهريون (امام غزالي) ادا سليمان وساڻ صاحب۔جنهن ماڻهون به امام غزالي رحمته الله عليه جي ڪتاب ڪيمياء سعادت کي چڳي طر ح پڙهي ان تي عمل ڪيو ته سمجهو ته هن کي هن دنيا ۽ آخرت ۾ ڪاميابي ملي ويئي ۽ ان جي منزل بهشت ۾ اوچي جڳھ تي هوندي۔هن قسم جي ڪتابن کي اسان جي محبتي اوطاق تي رکي توهان تمام وڏو نيڪ ڪم ڪيو آهي۔هن ڪتاب جي پڙهڻ سان نه رڳو ايمان تازو ٿو ٿئي پر انسان کي پنهنجي اصلاح جو به موقعو ٿو ملي۔
هي ڪتاب منهنجو به پڙهيل آهي ، تمام ڪارائتو ڪتاب آهي ، زندگي جي هر پهلو تي واضح طرح تمام پياري ۾ لکيل آهي ، اگر هن هڪ ڪتاب کي ئي ماڻهون کڻي چڱي نموني سمجهي ان مطابق پنهنجي زندگي گذاري ته دارين ۾ ڪامياب ٿيندو
جڏهن نيڪ نظر ڪري پوئتي نهارجي ٿو ته پروڙ پوي ٿي ته هن دنيا جي گولي تي ڪيترائي اهل دل صوفي علم جا مبلغ عالم ملندا، جن مان حضرت امام محمد غزالي رح به هڪ عالم اهل الله، صوفي درويش شخص ٿئي گذريو آهي، سندس نالي ۽ علمي خدمتن کي شايد ئي ڪو علم رکندڙ واقف نه هجي، امام غزالي جنهن کي حجته ال اسلام جو لقب مليل آهي،امام صاحب جو نالو ته محمد هو مگر پاڻ امام غزالي جي نالي سان مشهور آهن، امام صاحب جي ولد جو نالو محمد بن احمد هو، امام صاحب جي خاندان جو ڪاروبار ڪپهه جو ڪاروبار هو جنهن جي ڪري کيس غزالي چيو ويندو آهي، ۽ غزالي عربي زبان جو الفاظ آهي، امام صاحب جو والد بلڪل پڙهيل نه هو ۽ لکڻ پڙهڻ بلڪل نه ڄاڻندو هو مگر ان پنهنجي پٽ تي پڙهائڻ لاء تمام گهڻو زور ڏنو، جنهن جي نتيجي ۾ امام صاحب جو نالو اسان وٽ پهتو۔امام غزالي صاحب نيشاپور واري مدرسي مان 400 شاگردن مان نمبر هڪ شاگرد هو۔ امام صاحب هڪ ئي وقت عالم دين ، مبلغ، محدث، هو ته وري ٻئي طرف عارف صوفي ۽ درويش پڻ هو، جيڪا خوبي تمام گهٽ عالمن ۾ ملي ٿي، اڪثر ائين ڏٺو ويو آهي ته صوفي رڳو صوفي ئي رهندا آهن، ۽ عالم عالم ئي رهندا آهن۔غزالي جا هن ڪتاب کان علاوه ٻيا به تمام بهترين ۽ مشهور ڪتاب آهن جن مان احياء العلوم هڪ مشهور ڪتاب آهي جنهن لاء اهيو چيو ويندو آهي ته اگر دنيا ۾ ٻيو علم غائب ٿئي وڃي ته هي ڪتاب احياء العلوم ان علم لاء ڪافي آهي۔ امام غزالي جو هي برقي ڪتاب ڪيمياء سعادت جو پهريون حصو آهي، جيڪو هڪ بهترين ڪوشش ۽ ڪاوش آهي، ۽ هن ڪتاب تي دوست محترم عبدالرحيم نظاماني ڪمپوزنگ ڪئي آهي ۽ سنڌي ترجمو محترم دوست غلام حسين جلباڻي ڪري اسان سنڌين تي احسان آهن، مگر اهيو پڻ ارمان آهي ته هن قيمتي ڪتاب جا باقي حصا برقي صورت ۾ اچي نه سگهيا آهن، منهنجي خوشنصيبي آهي جو هي ڪتاب مڪمل مون وٽ موجود آهي۔ جيڪو سنڌيڪا وارن ڇپرايو آهي۔ مان محترم دوست سليمان وساڻ صاحب جو به ٿورائتو آهيان جو هن قيمتي ۽ بهترين ڪتاب کي به سنڌ سلامت ڪتاب گهر ۾ شامل ڪري سنڌ سلامت جي فورم جي ساٿين لاء بهترين سرمايو مهيا ڪري ڏنو آهي۔
لک قرب دوستن جا۔۔۔ سچ پڇو ته اهڙا قيمتي ڪتاب پڙهي ايمان تازو ٿي ويندو آهي ۽ چڱائي ڪرڻ جا سبب مهيا ٿي ويندا آهن۔ اوهان دوستن جو ساٿ رهيو ته سنڌ سلامت ڪتاب گهر کي اڃان به وڌائيندا رهنداسين۔
ادا ڪيميائي سعادت واقعي ڪيميا آھي . حجةالاسلام حضرت امام محمد غزالي رحه جي بهترين تصنيف آھي .انهي ڪتاب جو ترجمون جيڪو شمس العلما مرزا قليچ بيگ رحه ڪيو آهي تمام بهترين آھي. هي ڪتاب بيشڪ ماڻهو کي حقيقي معنيٰ ۾ انسان بنائي ٿو،
