جواب: اسان زندهه رهنداسين (ليلى خالد) سنڌي ترجمو : زيب سنڌي
هي ڪتاب اسين ان دور ۾ پڙهيو هيو جڏهن پاڻ اڃان ڦوهه جواني ۾ حب الوطني جي جذبي تحت محترم سائين جي ايم سيد جي رهبري هيٺ ڪم ڪري رهيا هياسون، اهي ڏينهن هڪ ته جواني سبب اتساهيندڙ هئا، مٿان وري جي ايم سيد جهڙي شخصيت جو سايو سر تي هيو ۽ ٻيو ته ان وقت اڃان قومي ڪارڪنن ۾ سچائي موجود هئي ۔۔۔ انڪري جڏهن اهڙا ڪتاب پڙهندا هئاسون ته سيني ۾ غيرت ۽ بهادري ڀرجي ويندي هئي ۽ مٺ ۾ سگه اچي ويندي هئي ۔۔۔
پر اڄ، اهي ڪتاب پڙهي اکين مان ڳوڙها وهي نڪرن ٿا ۽ افسوس ٿئي ٿوته پنهنجي جواني به هلي وئي، محترم جي ايم سيد به هليو ويو ۽ قومي ڪارڪنن ۾ به اهي افعال ناهن رهيا ۽ قومي طور تي به اڳي کان وڌيڪ غلامي جا زنجير جڪڙبا وڃن ٿا ۽ قوم آهي جو سندس ڪنن تي جون به نٿي چري ۔۔۔ انهن حالتن ۾ قومي درد رکندڙ ماڻهون روئي اکيون آليون نه ڪندو ته ٻيو ڇا ڪري سگهندو۔۔۔۔
اتسهائيندڙ ڪتاب ۽ انقلابي جذبو اڀاريندڙ ڪتاب آهي ۔۔۔ سلام آهي انهن انسانن کي جي پنهنجي قوم خاطر پنهنجا سر قربان ڪيا ۽ تڪليفون برداشت ڪري مثال قائم ڪري ويا ۔۔۔ ليلا خالد پڻ اهڙي ئي حب الوطن عورت هئي جنهن پنهنجي قوم خاطر هر ڏکئي ڪم کي سر انجام ڪرڻ جو وچن ڪيو هو ۔۔۔
” جيڪڏهن ڪا قوم پنهنجي ملت ۽ پياري وطن خاطر حفاظت لا تيار ٿي وڃي ۽ کيس پنهنجي غلامي جو سچو احساس هجي ۽ هو غلامي جون سڀ عيش عشرتون ڇڏي ڏي، انجي بجا حريت ۽ عزت واري زندگي کي ترجيح ڏئي، ته پو ڪابه مشڪلات هن جي رستي جي رڪاوٽ ڪونه بڻبي ۽ ڪوبه ڪم هن لا مشڪل نه رهندو“
حوالو ابوالڪلام آزاد ” ڪتاب آزادي، مترجم نور محمد سنڌي
