السلام عليڪم دوستو۔۔۔۔ ڪافي وقت کانپو منهنجو سنڌ سلامت تي اچڻ ٿيو آهي۔۔۔ اڄ مون کي ايم ايس ايڪسل ۾ ڪرڻو پئجي ويو۔۔۔ ڪافي ڪم ڪري چڪو آهيان پر جڏهن اهو ڪم پنهنجي باس کي ڏيکاريم ته انهن مونکي وڌيڪ فڪر ۾ وجهي ڇڏيو ۽ حڪم ڏنائين ته ڪيل ڪم کي يعني ايم ايس ايڪسل ۾ موجود ٽيڪسٽ کي اپر ڪيس ۾ تبديل ڪرڻو آهي ۔۔۔ ايم ايس ورڊ ۾ ته اهي آپشن تمام سولو هئو اتي تمام ٽيڪسٽ کي سليڪٽ ڪري شفت ايف ٿري سان اپر ڪيس ۾ تبديل ٿي ويندو هئو پر ايم ايس ايڪسل ۾ مون کان اهو ڪم نٿو ٿئي مهرباني ڪري ڪو به دوست انهي جو حل ٻڌائي۔۔۔ يا وري ڪا انهي جي شارٽ ڪٽ ڪمانڊ هجي ته به هتي ونڊ ڪري۔۔۔۔۔
جواب: منهنجي مدد ڪريو وعليڪم السلام ايڪسل ۾ Case تبديل ڪرڻ جا ٻه طريقا مون کي سمجهه ۾ اچن ٿا، پهريون طريقو آهي هيٺين فارمولن تي عمل ڪريو: اپر ڪيس لاءِ: =Upper(A1) لوور ڪيس لاءِ: =Lower(A1) ٽائٽل ڪيس لاءِ: =Proper(A1) ڏنگين ۾ سيل نمبر (جنهن جو ڪيس تبديل ڪرڻ چاهيو ٿا) ڏيڻو پوندو. البته هن طريقي تي عمل ڪرڻ لاءِ توهان کي الڳ ڪالم ايڊ ڪرڻا پوندا. يقينا سموري سيٽنگ خراب ٿي ويندي ۽ تمام گهڻي محنت ڪرڻي پوندي. ٻئين طريقي لاءِ هيٺ ڏنل سافٽويئر انسٽال ڪريو. Excel Change Case to Proper, Upper, Lower & Sentence Software سافٽويئر انسٽال ڪرڻ کان پوءِ ايڪسل کي کوليو ۽ ٽول ۾ مائيڪرو سيڪيورٽي کي ميڊيم رکو. هاڻي ايڪسل کي بند ڪريو ۽ ٻيهر ايڪسل کوليو. هن ڀيري Enable جي آپشن کي سليڪٽ ڪريو. ائين ڪرڻ سان ايڪسل ۾ هيلپ کان پوءِ هڪڙي ٽول بار ظاهر ٿيندي. جنهن ذريعي بغير ڪو ڪالم ايڊ ڪندي، توهان سنئون سڌو ٽيڪسٽ کي اپر ڪيس، لوور ڪيس يا ڪنهن ٻئي ڪيس ۾ تبديل ڪري سگهو ٿا.
جواب: منهنجي مدد ڪريو فقير سائين خوش آمديد شڪر ڪيون جو توهان سان ڪو مسئلو پيش آيو ان بهاني ئي ديدار ته ڪرايو ادا ابو زين جا ٻڌايل طريقا به لاجواب آهن پر مون کي ادا سليمان وساڻ جا ٻڌايل طريقو صفا اصل آسان آهي ٻيو حڪم فقير سائين سدائين گڏ
جواب: منهنجي مدد ڪريو ادا زاهد سلام دوستن توهان جي مسئلي کي حل ڪرڻ جا طريقا ته خوب ٻڌايا۔۔۔ پر مون کي توهان جي قابليت کي زنگ لڳڻ جو ڏک ٿين لڳو آهي۔۔۔ توهان جي نوڪري جي نوعيت ڇا تبديل ٿي توهان ته نيٽ (سنڌ سلامت) ۽ ڪمپيوٽر فيلڊ کان ئي پري ٿي ويو۔۔۔ جيتري قدر توهان جي مسئلي جو تعلق آهي ته بهترين حل ته مٿي دوستن موڪليا آهن۔۔۔ انهن جي مقابلي هڪ ننڍڙو ۽ آسان حل مون وٽ به آهي پر اهو ايڪسل ۾ موجود توهان جي ڪم تي منحصر آهي۔۔۔ بحرحال حل مطابق سڀ کان پهريان ايڪسل مان اهي سيل سليڪٽ ڪريو جن کي توهان کي اپر ڪيسز ۾ تبديل ڪرڻو آهي۔۔۔ انهن جي ڪاپي ڪريو۔۔۔ ۽ ورڊ پروگرام ۾ وڃي پيسٽ ڪريو۔۔۔ جتان توهان سمورن اکرن کي آرام سان اپر ڪيسز ۾ تبديل ڪري سگهو ٿا۔۔۔ جنهن کان پوءِ ساڳين کي ٻيهر ڪاپي ڪريو۔۔۔ ۽ ٻيهر ايڪسل پروگرام ۾ پيسٽ ڪريو۔۔۔ ان کي چئبو آهي تڪڙي حل لاءِ ”جڳاڙ“۔۔ ڪيئن رهيو۔۔؟
جواب: منهنجي مدد ڪريو آئون ادا ذاهد سومري جو شڪر گزار آهيان جنهن جي هڪ سوال جي ڪري ڪيتري نه گهڻي معلومات اسان کي ملي ويئي. خاص انهن دوستن جو به شڪر گزاز آهيان جنهن اسان کي پنهنجي علم مان ڪجھ اسان کي به سيکاريو. مهربانيون.
جواب: منهنجي مدد ڪريو فقير سائين زاهد پيارا آهيو ڪٿي نه ڪو سلام نه ڪو ڪلام هڪ ٻه دفعو فون به ڪئي آهي اٽينڊ ئي ڪو نه ٿا ڪيو لڳي ٿو ته تمام مصروف آهيو۔ بهرحال الله تعالى توهان کي خوش رکي اميد ته سڀني دوستن جي ڀرپور مدد سان اوهان جو مسئلو حل ٿي ويو هوندو۔
جواب: منهنجي مدد ڪريو مان تمام دوستن جو شڪر گذار آهيان جن منهنجي ننڍڙي عرض تي ايتري محنت ڪئي ۽ مسئلي جو حل ٻڌايو۔۔۔۔۔۔۔۔ بلخصوص فقير ڦلپوٽو صاحب جن ۽ سائين محترم مولوي رحيم بخش صاحب جن جو شڪر گذار آهيان جن مون سان رابطي ۾ رهڻ جي تمام گهڻي ڪوشش ڪئي۔۔۔ پر افسوس جو مان سندن سان رابطي ۾ نه رهي سگهيس۔۔۔۔۔۔ دوستن کي عرض ڪندو هلان ته مان گرمين جي موڪلن تي ڳوٺ ويل هيس تازو ئي ڪراچي واپس آيو آهيان اميد ته دوستن سان رابطا قائم رهندا۔۔۔۔۔۔۔۔
