ادا اهو عشق آهي

[ڏاڏل شينو]

ادا اهو عشق آهي

سياڻن چريو چوائي
هٿان لوڪ کلائي
ماري مور نه پرچائي
ڪُڏي ڪنڌ ڪپائي
ادا اهو عشق آهي

مري ٿو ته به مُرڪي
کائي گهاءُ ڪي نه ڪُرڪي
نگاه نرمل ڏي سِرڪي
اکيون اکين ۾ ملائي
ادا اهو عشق آهي

سمجهي سڀ راز
محبوب جا جي ناز
قربت جا ڳولي جواز
جيت کي هارائي
ادا اهو عشق آهي

جت محبوب جو راز
اتي پهچي ٿي شهباز
ڪُڏي ڪپجڻ عجب انداز
موت کان مور نه لنوائي
ادا اهو عشق آهي

موت کي ڏئي موت
جوت کي ڏئي جوت
هوت سان رهي هوت
جيئن چوي تيئن چوائي
ادا اهو عشق آهي

ڏاڏل سلي نه سک
توڙي مري بک
ڪروڙين نه لک
هي دولت ڇا آهي
ادا اهو عشق آهي
​

 

[رحيم بخش]

جواب: ادا اهو عشق آهي

سياڻن چريو چوائي
هٿان لوڪ کلائي
ماري مور نه پرچائي
ڪُڏي ڪنڌ ڪپائي
ادا اهو عشق آهي​

ادا اها ڪهڙي شيء آهي جو اوهان کي ٿي شاعري تي هرڪائي
لڳي ٿو اهو عشق آهي۔
سائين خوش طبعي معاف ڪندا

 

[ڏاڏل شينو]

جواب: ادا اهو عشق آهي

سياڻن چريو چوائي
هٿان لوڪ کلائي
ماري مور نه پرچائي
ڪُڏي ڪنڌ ڪپائي
ادا اهو عشق آهي​

ادا اها ڪهڙي شيء آهي جو اوهان کي ٿي شاعري تي هرڪائي
لڳي ٿو اهو عشق آهي۔
سائين خوش طبعي معاف ڪندا

سائين مذاح جا ڪروڙين قرب

​