هڪ استاد ڏهين ڪلاس جي شاگردن کي جنس کي سمجهڻ بابت سيکاري رهيو هيو ته ” هر ”اسم“ کي سمجهن لاءِ انهن کي جنسن ۾ ورهائبو آهي ۔۔۔ جهڙوڪ ۔۔۔ ”قلم“ کي ”نر“ جڏهن ته ”پينسل“ کي مادي سڏبو۔۔۔ “ اچانڪ هڪ ڇوڪري پڇيو ته ”سائين ڪمپيوٽر کي ڇا سڏبو۔۔۔۔؟“ جواب ڏيڻ بجاءِ استاد شاگردن کي ٻن مختلف گروپن ۾ ورهايو۔۔ ڇوڪرن جو الڳ گروپ ۽ ڇوڪرين جو الڳ گروپ ۔۔۔ جنهن کان پوءِ کين هدايت ڪئي ته توهان ٻئي گروپ الڳ الڳ سوچي ٻڌايو ته ڪمپيوٽر کي ”نر“ يا وري ”مادي“ سڏبو۔۔۔۔ پر ياد رهي ته هر گروپ پنهنجي جواب جي وضاحت پڻ ڏيندو۔۔۔۔ ٿوري دير کان پوءِ استاد شاگردن جي گروپ ليڊرس کي گهرايو ۽ سندن جواب پڙهيا۔۔۔ ڇوڪرن جي گروپ فيصلو ڪيو هو ته ڪمپيوٽر ”مادي“ آهي۔۔۔ جو۔۔ ٺاهيندڙ کان سواءِ اڃان تائين ڪو کيس سمجهي ئي نه سگهيو آهي۔۔۔ جيڪا ٻولي رابطي لاءِ هڪ ڪمپيوٽر سان استعمال ڪبي آهي ٻيو ان کان وانجهيل هوندو آهي۔۔۔ معمولي غلطي به پاڻ وٽ محفوظ ڪري رکندو آهي ۔۔۔ جنهن سان اڳتي هلي سڌرڻ جا امڪان هجن۔۔۔ جيڪڏهن هن کي حاصل ڪرڻ جو فيصلو ڪجي ته هن جي بقايا ايسيسريز خريد ڪرڻ تي به ڪافي خرچ اچيو وڃي۔۔۔ جڏهن ته ڇوڪرين جي گروپ فيصلو ڪيو ته ڪمپيوٽر دراصل ”نر“ جنس آهي۔۔ ڇو جو۔۔۔ ڪجهه به ڪرڻ لاءِ سڀ کان پهريان هن کي ”آن“ ڪرڻو پوندو آهي۔۔۔۔ پاڻ وٽ کوڙ ساري ڊيٽا محفوظ رکي ٿو پر پوءِ به پاڻ بابت ڪجهه نه ٿو ڄاڻي۔۔۔۔ اسان جا مسئلا اڪثر حل ڪرڻ ۾ مددگار هوندو آهي پر اڌ کان به گهڻو وقت پنهنجي مسئلن ۾ الجهيل هوندو آهي۔۔ هڪ دفعو هن کي حاصل ڪرڻ جو فيصلو ڪجي ته ڪجهه ئي وقت ۾ احساس ٿي پوندو آهي ته جي انتظار ڪجي ها ته اڃان بهتر ماڊل ملي سگهي ها۔۔۔ ته پوءِ دوستو ۔۔۔ ! ڀلا توهان ڇا سوچيو ته ڪمپيوٽرجنسي طور ”نر“ آهي يا ”مادي“۔۔۔ ؟
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ ها ها ها سوال ته دلچسپ آهي پهريائين ڏسو ته ڪهڙو دوست ٿو جواب ڏي ؟ بهترين سوال آهي سدائين گڏ
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ ادا ڪمپيوٽر ”مڙس ماڻهو“ آهي زالن جهڙو ته هڪ به افعال نه اٿس
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ لفظي تحقيق ۾ اهي دوست بهتر جواب ڏئي سگهن ٿا جن سنڌي ۾ ايم اي ڪئي هجي۔۔۔
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ ادو طاهر ۽ فقير ته ڪنڌ ڪڍائي ويا آهن۔۔۔ وڏي چالاڪي سان ۔۔۔ پر خئير آ ٿو اوهانکي ٻڌايان ته ڪمپيوٽر نر به آهي مادي به آهي، اوهان چوندا ته اهو وري ڪيئن؟ ٻڌو ڀلا ۔۔۔ آ جڏهن موڪل تي آيس ته هڪ ڏينهن گهڻي دير ڪمپيوٽر تي ويٺل هيس، مون واري پتني گهمندي رهي، مون کيس لفٽ ئي نه ڪرائي ۔۔۔ آخر کيس ڪاوڙ آئي ته چئي ڏنائين۔ ” اڙي سائين ڀلا منهنجي پهاڄ کان واندو ٿئين ته، مونکي به ٿورو توجهه ڏي“ سو ظاهر ٿيو ته جڏهن مرد وٽ ڪمپيوٽر آهي ته ” مادي“ ٿيو پوي۔ مون هڪ ڏينهن پنهنجي دوست کي پنهنجي زال سان مخاطب ٿيندي ٻڌو ۔۔۔“ يار تون ته سڄو ڏينهن ڪمپيوٽر تي ويٺي آهين، مونکان ڀلا نصيب ته ڪمپيوٽر جا“ ان مان ثابت ٿيو ته جڏهن ڪمپيوٽر عورت جي هٿ ۾ هجي ته “ نر“ ٿي پوي ٿو ۔۔۔ ڪيئن دوستو! آهي نه پتي جي ڳالهه۔ وڌيڪ دوستن جا جواب ڏسجن ته ڇا ٿا اچن؟
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ سائين مون واري پتني به ان کي پهاڄ ئي چوندي آهي ۔۔۔۔۔۔۔۔۔۔۔۔۔۔۔۔۔۔۔۔ پر مونکي لڳي ٿو ته هي نه نر آهي نه مادي ۔۔۔۔۔۔۔۔۔۔۔۔۔؟؟؟؟؟؟
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ سائين نثار جن جي ڳالهه وانگر ته ففٽي ففٽي باقي حقيقت جي لحاظ سان ڪمپيوٽر جو لفظ سنڌي ۾ مذڪر آهي انگريزي ۾ Nuter gender آهي وڌيڪ ٻين دوستن جي جواب جو انتظار ڪجي ته ڪهڙو ٿو علمي جواب اچي خاص ڪري سائين علي علي جن جو جواب بهتر هوندو۔
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ هاها ها۔۔۔۔۔۔ سائين نثار جو جواب لاجواب آهي۔مونکي به اهائي ميار ملندي آهي ته تنهنجي شادي ڪراچي، ڪتاب ۽ ڪمپيوٽر سان ٿيل آهي۔
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ ڪمپيوٽر نر آهي يا مادي ۔۔۔۔۔۔۔۔۔۔۔۔ اهو سوچ تي دارومدار رکي ٿو باقي دنيا ۾ ڪمپيوٽر هڪ ڪمال جي ايجاد آهي جنهن سموري دنيا کي سسپينس، انٽرٽينمينٽ، الجهنون ، سلجهنون، دوستيون، دشمنيون ،پيار، پنهنجائپ، خواري، مشهوري، بدنامي، معلومات ۔۔۔۔۔۔۔۔۔۔۔۔۔۔ سچ ته سڀ ڪجهه ڏنو آهي۔ باقا جي چاچي ڪريم يا جهوني علي علي کان پڇندا ته هنن لاء ته ڪمپيوٽر مادي آهي ۔۔۔۔۔۔۔۔۔۔
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ ادا سگهرا سڀ دوست اهو ئي چون پيا ته ڪمپيوٽر سندن زال جي لاءِ پهاڄ آهي يعني مائي آهي، مطلب ته مادي آهي۔۔۔ بهرحال جي اهڙن سوالن ۾ پياسين ته پوءِ ته بس۔۔۔۔۔۔ ههههههه سائين ڪمپيوٽر لفظي حساب سان ڏسجي ته نر آهي ۽ ان ۾ استعمال ٿيندڙ پرزا هارڊ ڊسڪ، ريم، مادي جڏهن ته سي ڊي روم وري نر آهي۔۔۔۔ هاڻي فيصلو پاڻ ئي ڪريو
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ سائين مست، مطلب ته نالو مرداڻو ۽ ٽپڙ زنانا ۔۔۔ لڳي ٿو ته وچين جنس آهي ، مطلب ”کدڙو“ آهي؟ جيئن سائين رحيم بخش چيو آهي ته انگريزي ۾ نيوٽرل جينڊر آهي ۔۔۔ ( نه هيڏانهن نه هوڏانهن) پر پو به مون واري گهر واري لا سندس پهاڄ آهي انجي پڪ سائين طاهر ۽ فقير به ڪئي آهي ۔۔۔ خئير ڏسجي ته اٺ ڪهڙي پاسي ٿو ليٽي ۔۔۔؟؟؟
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ سلام سنڌ سلامت سنگت جواب ته سڀني دوستن سٺا ڏنا پر حتمي فيصلو نه ٿي سگهيو ته ڪمپيوٽر نر آهي يا وري مادي
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ سائين بلڪل صحيح سمت ۾ سوچيو اٿوَ۔۔۔ ڪمپيوٽر جي دنيا آرٽيفيشل آهي پر وڏي دنيا آهي، اسان جهڙن کي چريو ٿي ڪري وجهي۔۔۔ پوءِ زال لاءِ پهاڄ ٿي لڳي ته وري دوستن لاءِ ڏچو۔۔۔ بهرحال جي ڪمپيوٽر ٽئين جنس آهي ته سندس حق آهي ته اسان سندس خيال رکيون۔۔ هههه
جواب: ڪمپيوٽر جنسي طور ”نر“ آهي يا ”مادي“۔۔۔۔ هڪ اهم سوال؟ هر ٻولي ۾ جينڊر جا پنهنجا پيمانا ۽ قانون آهن۔جيئن اسان وٽ انٽرنيٽ مادي آهي ته اردو ۾ نر۔ اسان وٽ بس مادي آهي ته اردو ۾ نر۔ سو ڪمپيوٽر اردو ۽ سنڌي ۾ ته نر آهي ۽ انگلش ۾ نيوٽرل۔ ٻين ٻولين جي خبر انهن کي هوندي۔
