هارڊ ويئر سبق پنجون (پراسيسر انسٽال ڪرڻ )

السلام عليڪم سنڌ سلامت فورم جا دوستو

اڄ اسان هارڊ ويئر جي سبق کي اڳتي وڌائينداسين سنڌ سلامت فورم جا معزز دوستو جيئن ته اسان گذريل
سبق ۾ VGA ڪارڊ لڳائڻ سکيا هئاسين اڄ مان اوهان کي پراسيسر کي مدر بورڊ مان ڪڍڻ وري واپس ان کي لڳائڻ بابت ڄاڻ ڏيندس

سڀ کان پهريائين ته توهان پنهنجي ڪمپيوٽر جي ڪيسنگ کولي ڪري الڳ ڪريو ڪور لاهڻ کان
پو۽ توهان مدر بورڊ تي سڀ کان وڏي چپ جيڪا پراسيسر هوندي آهي ان کي ڳولهڻ شروع ڪريو
دوستو هڪ ڳالهه مان اوهانکي ٻڌائيندو هلان ته پراڻن ڪمپيوٽرن ۾ پراسيسر هڪ ZIP پلاسٽڪ ساڪيٽ نموني هولڊر ۾ هوندي آهي اڪثر ڪمپيوٽرن ۾ اها ڊسڪ ڊرائيو جي هيٺيان لڪيل هوندي آهي سو پريشان ٿيڻ جي ضرورت بلڪل نه آهي توهان کي ڊسڪ ڊرائيو ريموو ڪري انکي ڪڍڻو پوندو هڪ ڳالهه جو خاص خيال ڪندا ته ڪا به تار يا ڪو پرزو ريموو ڪرڻ وقت ان ڳالهه کي ياد ڪندا ڪريو ته جيڪا تار توهان لاٿي آهي اها وري اتي ئي لڳائڻي به آهي

هاڻي توهان ڏسو ته توهان وٽ ڪهڙو پراسيسر لڳل آهي pv ,piii ۽ ان جي اسپيڊ ڪيتري آهي اهو سڀ ڪجهه پراسيسر جي مٿان لکيل هوندو آهي ڪافي پراسيسرس جي مٿان وري فين لڳل هوندو آهي يا وري هيٽ سنڪ لڳل هوندي آهي ان جو ڪم صرف پراسيسر جي گرمائش کي جذب ڪرڻ هوندو آهي بهتر قسم جو ڪمپيوٽر خريد ڪرڻ وقت ان جي پراسيسر جي باري ۾معلومات حاصل ڪرڻ ضروري هوندي آهي (ائين سليمان وساڻ وانگر نه ٿئي جو ڪمپيوٽر گهر کڻي اچي وتو دوستن کان پڇائون ڪرائيندا ته ادا هن ۾ ڪهڙو پراسيسر لڳل آهي :rofl::rofl

پراسيسر کي مدر بورڊ مان ڪڍڻ ۽ وري واپس لڳائڻ جو طريقو

جيڪڏهن توهان جو مدر بورڊ زپ ساڪيٽ جو آهي ته ان جي پراسيسر کي ڪڍڻ سيڪنڊن جو ڪم آهي زپ پراسيسر کي مدر بورڊ مان ڪڍڻ لا۽ ان جي ليور کي پڪڙي ڪري ٿورو ٻاهر طرف ڪريو ته اهو ان لاڪ ٿئي ويندو ان جون پنيون ڍليون ٿئي وينديون پو۽ پراسيسر کي پڪڙي ڪري آهستگي سان مٿي ڪري ڪڍي وٺو ۔

جيڪڏهن توهان جو پراسيسر زپ ساڪيٽ جو نه آهي يا وري ان جي مٿان فين لڳل آهي ته ان جي فين کي پڻ هڪ ليور هوندو آهي ان کي ٿورو ٻاهر طرف ڇڪي ڪري فين لاهي وڏي آساني سان پراسيسر کي ٻاهر ڪڍي سگهو ٿا هاڻي پراسيسر کي ڪڍي ڪري ان جي طرف غور سان ڏسندو ته ان جي چئني ڪنڊن کان هڪ ڪنڊ مختلف هوندي اهڙي ئي نموني سان ساڪيٽ جي ڪنڊ پڻ اهڙي ئي نموني جي هوندي آهي هاڻي توهان ڪاميابي سان پراسيسر ڪڍي ورتو آهي سو انکي هوا وغيره هڻي ڪري انکي واپس پنهنجي ساڪيٽ ۾ لڳايو صرف اهو خيال رکڻو آهي ته صرف ڪنڊان سيٽنگ سان رکڻيون آهن جيڪڏهن توهان ڪنڊان درست طريقي سان نه ويهاريندو ته توهان جي مدر بورڊ کي نقصان پهچي سگهي ٿو



دوستو توهان کي هي ڪلاس ڪيئن لڳو توهان جي راين جو شدت سان انتظار رهندو




سدائين گڏ​

 

جواب: هارڊ ويئر سبق پنجون (پراسيسر انسٽال ڪرڻ )

فقير سائين ڪلاس بهترين هليو ليڪن هي ڪم تمام ڌيان طلب ۽ نازڪ آهي سو بهتر آهي ته ڪو به دوست پهريان تجربي ڪرڻ کان اڳ ڪنهن ڄاڻو کان ان کي پريڪٽيڪلي سکي ائين نه ٿئي ته مون وانگر کولي ته وڃي پر پوء انتظار ۾ هجي ته هاڻي فقير سائين جڏهن موري اچي ته ان کان سيٽ ڪرائڻ لاء رکي ڇڏي طريقو ته بالڪل اهوئي آهي ليڪن هاڻي نوان پروسيسر ٻڌو آهي ته پن ليس اچن ٿا اگر ان متعلق ڪجهه ٻڌائيندا مهرباني ۽ ڪن ڪن بورڊن ۾ پروسيسر فڪس ٿيل هوندا آهن يعني نڪري نه سگهندا آهن متان ڪو دوست اهڙي بورڊ کي تجربي هيٺ هاڻي ان جو به خيال ڪجو بهرحال تمام بهترين معلومات آهي مون کي لڳي ٿو ڪافي دير سان ڪلاس هليو آهي يا مان غير حاضر رهيو آهيان۔ بهرحال اوهان جي احسانن جو ڪهڙو بيان ڪجي گهر ويٺي پيا تربيت ڏيو اڃا ڇا گهرجي الله تعالى توهان کي توهان جي اهل و عيال کي شاد و آباد رکي اوهان جي علم ۾ مزيد اضافو فرمائي۔ آمين۔

 

جواب: هارڊ ويئر سبق پنجون (پراسيسر انسٽال ڪرڻ )

پاڻ ته ڪمپيوٽر کي کولڻ يا ان کي ٺاهڻ جي جرآت ڪون ڪيون پر فقير جو ڪلاس قيمتي آهي ۽ سندس استادي به واهه جي آهي، باقي جيڪڏهن رشيد سمون منهنجي ڪلاس ۾ هجي ها ته اسانجو روز جهيڙو ٿئي ها، ڇاڪاڻ ته رشيد سوال ڪري ها ۽ استاد اڃان ڪلاس ۾ وقت وٺي ها، انڪري هميشه جهيڙو ٿي ها ۔۔۔

فقير سائينءَ جا لک لائق جو اسانجهڙن جڏن شاگردن جا ڪلاس وٺندو رهي ٿو ۔۔۔

 

جواب: هارڊ ويئر سبق پنجون (پراسيسر انسٽال ڪرڻ )

واليڪم السلام سائين

سائين پن ليس پراسيسر بلڪل آهن پر انهن کي پڻ آساني سان کولي سگهجي ٿو پر سنڌ سلامت فورم تي مون جي ڪوشش اها آهي ته

مان صرف اهڙين شين بابت ڄاڻ ڏيان جيڪي ڪامن هجن سو ان ڪري مون فين وارو پراسيسر يا زنڪ هيٽ لڳل پراسيسر جو ذڪر ڪيو آهي

ته جيئن دوستن کي سهولت ملي جيڪڏهن هر ڪنهن شي جو ايترو باريڪي سان ذڪر ڪنداسين ته دوست منجهي پوندا

جڏهن ته مون جو مقصد صرف اهو آهي ته ڪامن شين جون ذڪر ڪرڻ ۽ انهن جي باري ۾ معلومات ونڊ ڪرڻ

مهرباني سائين

سدائين گڏ

 

جواب: هارڊ ويئر سبق پنجون (پراسيسر انسٽال ڪرڻ )

واليڪم السلام ادا رشيد

سڀ کان پهريائين ته وڏي مهرباني جو توهان فقير جي ٿريڊ کي نه صرف ڏٺو پر ان ۾ ريپلائي پڻ ڪئي ڏاڍي خوشي ٿئي ان نموني سان همت افزائي

جاري رکجو

پراسيسر کي ٻن صورتن ۾ کولبو آهي

هڪ ته ان کي تبديل ڪرڻ خاطر يعني اسان پنهنجو پراسيسر کي وڌائڻ چاهيو ته ان کي کولي ڪري ان جي جڳهه تي ٻيو پراسيسر لڳائبو آهي

نمبر ٻه ان صورت ۾ کولبو آهي ته ڪمپيوٽر بند ٿئي وڃي يا بلڪل به نه هلي ته پراسيسر کي کولي ڪري ان کي صاف ڪري وري ٻيهر لڳائبو آهي


ڪمپيوٽر ڪهڙو به هجي ڪو ٽو ڊو هجي يا ڊوئل ڪور پراسيسر ته ڪامن آهي ان کان سوا۽ ڪمپيوٽر ته هلي ئي نه ٿو سگهي ۔

پراسيسر ڪيِشي

سينٽرل پراسيسنگ يونٽ ۾ جيڪا ميموري جي ايوريج ٽائيم هوندو آهي ان کي ڪنٽرول ڪندي آهي ڪيشي هڪ تيز رفتار ميموري آهي

جيڪا پنهنجي ڊيٽا مين لوڪيشن فولڊر ۾ محفوظ ڪندي اهي ۔

سدائين گڏ

 

جواب: هارڊ ويئر سبق پنجون (پراسيسر انسٽال ڪرڻ )

سائين زبردست ۔