ڪالهه اوچتو دوست سليمان وساڻ مونڏانهن سائين شمشير جو گيت موڪليو ٻڌڻ لاءِ، گيت ڇا موڪليو منهنجي اندر جي حساس ۽ عاشق دل کي جهنجهوڙي وڌو ۔۔۔ بس پوءِ سڄو ڏينهن ان گيت نه فقط سرور ادا ڪيو، پر جيڪو اکين ۾ ڪجر هو سو جر جي سبب ڌوپي صاف ٿي ويو ۔۔۔ دوستو! محترم سائين شمشير الحيدري اڄڪلهه بيمار به رهي ٿو ۽ سندس عمر به 80 جي ڏهاڪي ۾ آهي، هن شينهن مرد نه ته ڪڏهن وقت کان مات کاڌي آهي ۽ نه ڪڏهن ڪنهن فطري حادثن کان پر ٻه ڏينهن اڳ سندس ڪمزوري ڏسي ۽ مٿان وري هي گيت ٻڌي، الائجي ڇو اکين مان نير وهندا رهندا ۔۔۔ دوستن کي عرض آهي ته سندس جي صحتيابي لاءِ ڌنيءَ در دعاڳو ٿين ۔۔۔ شمشير الحيدريءَ جو گيت تون ياد وري آئين، 1 دل درد سان ڀرجي وئي، اکين ۾ اٿل آئي تون ياد وري آئين، تون ياد وري آئين 2 چپڙن جي ڪنارن تي، ڄڻ باهه ٻري آئي تون ياد وري آئين، تون ياد وري آئين 3 انگ انگ ۾ اٿيا اڌما، لونءَ لونءَ ۾ وره وائي تون ياد وري آئين، تون ياد وري آئين 4. الفت جي اسيرن کي، ماري وئي تنھائي تون ياد وري آئين، تون ياد وري 5. رڳ رڳ ۾ هلي هوريان، احساس جي ڪتڪائي تون ياد وري آئين تون ياد وري آئين
جواب: تون ياد وري آئين دل درد سان ڀرجي وئي، اکين ۾ اٿل آئي تون ياد وري آئين، تون ياد وري آئين سائين بيشڪ تمام بهترين ڱيت ڪل مان پاڻ پنهنجي ڪم ۾ مصروف هيس ته سائين جن فيس بوڪ تي هن ڱيت جي لنڪ ڏني ۽ مون پڻ اھو ڱيت ٻُڌو، تمام بهترين
جواب: تون ياد وري آئين سائين نثار سلام ننڍي هوندي ريڊيو تي مهجبين قزلباش جي آواز ۾ هي ڪلام ٻڌندا آياسين۔ ڪالهه سنڌ سلامت ٽيوب تي وڊيوز اپلوڊ ڪندي جڏهن هي ڪلام ٻڌم جنهن ۾ آواز ته مهجبين قزلباش جو ئي آهي پر سونيا ڪنول تي فلمايل لڳو۔ هي ڪلام ٻڌندي اوهان ڏانهن لنڪ ڇا موڪلي ڄڻ اوهان جي دل جي تارُن کي جهنجهوڙي ڇڏيو۔ چپڙن جي ڪنارن تي، ڄڻ باهه ٻري آئي تون ياد وري آئين، تون ياد وري آئين الفت جي اسيرن کي، ماري وئي تنھائي تون ياد وري آئين، تون ياد وري سچ ته لاجواب شاعري آهي۔ سائين شميشير جي صحتيابيء لاء ڌڻيء در دعاگو آهيون ته رب پاڪ کين جلد صحتياب ڪري۔ سائين شمشير هڪ خود دار شخص آهي جيڪو 80 جي عمر ۾ هوندي به پاڻ اخبار ۾ ڪم ڪري ٿو پر ڪڏهن حڪومت کان يا ڪنهن اداري کان مدد گهرڻ ۾ عيب محسوس ٿو ڪري۔ ڪلام جي وڊيو لنڪ به حاضر آهي۔
