ٿيا جن جي سونهن کي سئو سجدا ٿيا جن جي سونهن کي سئو سجدا سي ساهه سهارا ڇڏڻا پيا هن ڏاڍ ڏمر سان ويڙهه ڪندي ڪي پنهنجا پيارا ڇڏڻا پيا اي ساقي تنهنجي ساغر ۾ والله ڪوئي وِهه شامل آ جنهن سرڪ ڀري تنهن کي مسجد مندر ۽ منارا ڇڏڻا پيا جي ماڪ ۾ وهنتل مکڙيون ٿيون ڀئونرن جي جياپي جو ڪارڻ سي روپ نه روح کي راس آيا رنگين نظارا ڇڏڻا پيا جن محبوبن جي محبت م مون دين دنيا ٻئي ترڪ ڪيا پر ڀٽ ڌڻيءَ جي ڀونءِ سڏيو ڀورل سي ڀلارا ڇڏڻا پيا نڪي ڄام ڪلهي ڄارو ئي رهيو نڪي ناز نماڻي نوريءَ جا هئهِ هئهِ ته ڪري ڪنهن هنج چيو ڪينجهر جا ڪنارا ڇڏڻا پيا محبوب جڏهن مرڪيو ته ڏٺم، هي سورج سورج ڪين رهيو ان وقت کانپوءِ روشن روشن هي چنڊ ستارا ڇڏڻا پيا اڄ موت به سيال حيات اڳيان آ بيٺو ٻيجل روپ وٺي اڄ ٻيهر ڏياچ کي سورٺ جا سڀ انگل آرا ڇڏڻا پيا سيال حيات
جواب: ٿيا جن جي سونهن کي سئو سجدا۔۔۔۔۔سيال حيات نڪي ڄام ڪلهي ڄارو ئي رهيو نڪي ناز نماڻي نوريءَ جا هئهِ هئهِ ته ڪري ڪنهن هنج چيو ڪينجهر جا ڪنارا ڇڏڻا پيا تمام سٺي شاعري ۔۔۔۔۔ لفظن جو سٽاء به لاجواب آهي ۔۔۔۔۔
