ملهار چانڊيو جي شاعري

[سليمان وساڻ]

ملهار چانڊيو جو تعلق لاڙڪاني سان آهي۔ نوجوان شاعر جنهن پنهنجي غزلن ۽ واين سبب پاڻ مڃايو آهي۔ فيسبوڪ جي سرگرم دوستن مان هڪ ۽ سڌ جو اونو رکندڙ ملهار چانڊيو جي چونڊ شاعري پيش آهي۔​

غزل

بيخودي ، بيخودي
پيار جي مئڪشي

موت جهڙِي لڳي
تو سوا زندگي

آهي دل جي پڪي
درد سان دوستي

خوف ۾ مبتلا
آدمي آدمي

لڙڪ ملهار جا
ٿي پيا شاعري

زندگي ڀر ،چپ رهيس
اي ستمگر! چپ رهيس

ٺوڪرون وک وک مليون
بڻجي پٿر، چپ رهيس

آهي قاتل سوچ ۾
زير خنجر، چپ رهيس

هو متل طوفان ڪو
منهنجي اندر ،چپ رهيس

ڪنهن سڏيو هن ڀر ملهار
آنءُ هن ڀر،چپ رهيس

وائي

ڏسندي پنهنجو پاڻ
شيشي ۾ گم ٿي وئي !

ڇوريءَ سان گڏ ٿي ويا
جذبا جوان جماڻ
شيشي ۾ گم ٿي وئي !

دل ڌڙڪائي ٿي ڇڏي
ڇاتين جي ڇڪتاڻ
شيشي ۾ گم ٿي وئي !

ڪيڏا رنگ کڻي لٿي
جوڀن جي رت هاڻ
شيشي ۾ گم ٿي وئي !

​

 

[سليمان وساڻ]

جواب: ملهار چانڊيو جي شاعري

وائي

تو جو آڇيو پيار
مرڪي پئي زندگي!

جهونڪي سان ٻکجي وئي
گل گل جي هٻڪار
مرڪي پئي زندگي!

سپنن جا موتي کڻي
پويا نيڻن هار
مرڪي پئي زندگي!

پياسي ڌرتي جي مٿان
برسيو ميگه ملهار
مرڪي پئي زندگي!

غزل

اوهان جو ڪرم آ
مليو غم ئي غم آ

خيالن ڏنا پر
گگن تي قدم آ

لکون لفظ ڳوڙها
اکين جو قلم آ

رهو اوپرا ٿا
وڏو هي ستم آ

نه ملهار لڇ پڇ
جي رکڻو ڀرم آ

 

[سليمان وساڻ]

جواب: ملهار چانڊيو جي شاعري

فيسبوڪ جي سنڌي شاعري ڪارنر گروپ ذريعي شاعرن کي پليٽ فارم مهيا ڪندڙ ۽ شاعرن جي هر فورم ۾ پيش پيش رهندڙ ملهار پنهنجي، غزل، وائي،گيت ۽ نظم کي لاجواب انداز ۾ پيش ڪيو آهي۔​

 

[عاشق سولنگي]

جواب: ملهار چانڊيو جي شاعري

سائين ملھار جن واقعي ۾ سٺي شاعري لکندا آھن۔۔سائين جن جي لکڻ کي مان به تمام گھڻو پسند ڪندو آھيان۔۔۔اوھان سان جن جي شاعري کي سنڌسلامت تي سھيڙي تمام بھترين ڪم ڪيو آھي۔

 

[سليمان وساڻ]

جواب: ملهار چانڊيو جي شاعري

سائين ملھار جن واقعي ۾ سٺي شاعري لکندا آھن۔۔سائين جن جي لکڻ کي مان به تمام گھڻو پسند ڪندو آھيان۔۔۔اوھان سائين جن جي شاعري کي سنڌ سلامت تي سھيڙي تمام بھترين ڪم ڪيو آھي۔

مهرباني ادا عاشق

ملهار واقعي لاجواب شاعري ڪندو آهي۔ منهنجي ڪوشش هوندي ته سڀني دوستن جي شاعريء کي سنڌ سلامت تي پيش ڪريان۔ ان سلسلي جي شروعات رضا بخاريء جي شاعريء سان ڪري چڪو آهيان۔ اميد ته اوهان دوستن جو به ساٿ رهندو۔

 

[نثارابڙو]

جواب: ملهار چانڊيو جي شاعري

سنڌ جي سهڻي شاعر، لاڙڪاڻي جي لاڏلي انسان جي دل موهيندڙ شاعريءَ کي سليمان وساڻ هڪ هنڌ گڏ ڪري سنڌ سلامت جي دوستن سان ونڊ ڪري وڏا وڙ ڪيا آهن ۔۔۔ واه واه ٿي وئي ۔۔۔ امن، پيار ۽ سونهن جي شاعر جي شاعري ۔۔۔ جيڪا مختصر ۽ سادن لفظن ۾ وڏا وڏا مقصد بيان ڪري ويندي آهي ۔۔۔

لک ٿورا ادا سليمان، شاندار ڪم ڪيو اٿوَ ۔۔۔

سنڌ سلامت ساٿ سلامت​

 

[سليمان وساڻ]

جواب: ملهار چانڊيو جي شاعري

سنڌ جي سهڻي شاعر، لاڙڪاڻي جي لاڏلي انسان جي دل موهيندڙ شاعريءَ کي سليمان وساڻ هڪ هنڌ گڏ ڪري سنڌ سلامت جي دوستن سان ونڊ ڪري وڏا وڙ ڪيا آهن ۔۔۔ واه واه ٿي وئي ۔۔۔ امن، پيار ۽ سونهن جي شاعر جي شاعري ۔۔۔ جيڪا مختصر ۽ سادن لفظن ۾ وڏا وڏا مقصد بيان ڪري ويندي آهي ۔۔۔

لک ٿورا ادا سليمان، شاندار ڪم ڪيو اٿوَ ۔۔۔

سنڌ سلامت ساٿ سلامت​

سائين نثار سلام ۔۔۔

جڏهن به ڪا شاعري ونڊ ڪندو آهيان ته اوهان ڏانهن ڌيان ضرور ويندو آهي ته ڪٿي هي شاعري اوهان جي تڙپ جو سبب ته نه بڻبي ؟ تنهنڪري گهڻو محتاط ٿي ويو آهيان۔

ملهار جا غزل ۽ وايون تمام سٺيون ۽ پنهنجي اندر جو آواز لڳنديون آهن۔ ملهار سٺو شاعر آهي۔ منهنجي ڪوشش آهي ته سڀني نوجوان شاعر جي شاعري کي سنڌ سلامت تي سهيڙي رکجي۔

مهرباني حوصلا افزائي ڪرڻ جي۔

 

[فياض منصور]

جواب: ملهار چانڊيو جي شاعري

سائين تمام بهترين شاعري تمام سٺا خيال،تشبيهون،
هو متل طوفان ڪو،
منهنجي اندر،چپ رهيس۔تمام سٺو خيال لڳو۔

 

[سليمان وساڻ]

جواب: ملهار چانڊيو جي شاعري

سائين تمام بهترين شاعري تمام سٺا خيال،تشبيهون،
هو متل طوفان ڪو،
منهنجي اندر،چپ رهيس۔تمام سٺو خيال لڳو۔

سائين مهرباني ۔۔۔

ملهار جي شاعريء ۾ تشبيهون ۽ خيال، احساس ۽ جذبا بهترين نموني پيش ڪيا آهن۔