سعودي عرب کان سنڌ پهچڻ تي سائين نثار ابڙو کي ڀليڪار

[سليمان وساڻ]

جواب: سعودي عرب کان سنڌ پهچڻ تي سائين نثار ابڙو کي ڀليڪار

محترم ۽ مانواري اسان جي سر جي سائين نثار ابڙي کي ڀليڪار

سليمان جي سهاري اسان جون به ادا نثار سان نيٽ تي ڳالهيون ۽ ڪچهريون ٿينديون هيون پر انتظار هو سائين جي وطن اچڻ جو۔ منهنجو به ارادو هو ته ايئرپورٽ ويندس پر نڀاڳي ننڊ اهڙي جو صبح جو اک کُلي ئي ڪانه۔ سليمان به بادشاهه ماڻهو آهي جو ڪونه اٿاريائين ۽ ايئرپورٽ هليو ويو۔ پر شام جو مان به دڳ وٺي ويهي رهيس ۽ سائين جيئن گذريو ته اهڙو ڀاڪر پاتائين جو دل خوش ٿي وئي۔

ڪچهريون قائم آهن ۽ سائين پنهنجي علمي ڄاڻ ذريعي ۽ دوستن سان گڏ هتي ڪچهرين ۾ آهي۔۔۔۔ واهه واهه

اڙي سائين اوهان سمهون ٿا ته پوء ديون واري ننڊ ٿا ڪيو ۔۔۔۔۔۔۔ تنهنڪري اوهان کي اٿارڻ مناسب ڪونه سمجهيو۔ ٻيو ته گاڏيء ۾ اسان ٽي ڄڻا هئاسون چوٿون سائين نثار کي کڻڻو ۽ سائينء جو سامان به هو، تنهنڪري اوهان کي اٿارڻ مناسب ڪونه سمجهيو۔ باقي سائين نثار سان اوهان جو ڪچهريون ته هاڻي روز پيون ٿين۔

 

[رحيم بخش]

جواب: سعودي عرب کان سنڌ پهچڻ تي سائين نثار ابڙو کي ڀليڪار

سائين نثار ابڙو جن کي پنهنجي سنڌ ڌرتيء تي واپس ورڻ تي دل جي گهراين سان ڀليڪار ڪافي ڏينهن کان سندن ديدار لاء دل ۾ اتساهه هئي اميد ته هن ڀيري ساڻن ملاقات جو شرف حاصل ٿيندو ايڊوانس ۾ سائين جن کي عيد جون به مبارڪون هجن جو سڀاڻي کان اسان جي به ڳوٺ تياري آهي ۽ اتي انٽرنيٽ جي سهولت نه هئڻ سبب سنڌ سلامت جي ساٿين سان ملاقات نه ٿي سگهندي ان ڪري وري ورڻ تائين الله حافظ۔پاڻ جيڪڏهن هن طرف سفر ڪن ته کين کي هن عاجز جي ايڊوانس ۾ دعوت پڻ عرض آهي۔

 

[dr:abdulqayyum al-sindi]

جواب: سعودي عرب کان سنڌ پهچڻ تي سائين نثار ابڙو کي ڀليڪار

ادا الله جي امان
شل ورندين خير سان
پنهنجو خيال ڪجان

 

[غلام مصطفي ميمڻ]

جواب: سعودي عرب کان سنڌ پهچڻ تي سائين نثار ابڙو کي ڀليڪار

سائين نثار ابڙو صاحب کي اسان دل جي ًگهرائين سان پنهنجي اصلي ماڳ تي مّختصر ٻن ميهنن لائ آچڻ تي ڀليڪار ٿا چئون ۔ان ۾ ڪو شڪ نه آهي ته سائين جن هن محبتي اڳڻ جا روح روان آهن ۔آنهن کان سواء هيئي محفل اڪيلي اڪيلي محسوس ٿيندي آهي۔اسان کي به نثار صاحب سان ملڻ جو اشتياق آهي ۔آنشاالله موقعي جو فائدو وٺي ملاقات ڪبي۔آلله سائين شل نثار صاحب جو مّختصر دورو خير خيريت سان پورو ڪري ۽ انهن کي پنهنجي امن ۽ حفاّظت ۾ رکي۔ (ڇا ڪاڻ ڪراچي جون حالتون ايتريون سٺيون نه آهن جو ماڻهو پنهنجي پاڻ کي محفوظ سمجهي سگهي)۔آمين

 

[ڦلپوٽو فقير]

جواب: سعودي عرب کان سنڌ پهچڻ تي سائين نثار ابڙو کي ڀليڪار

سائين نثار ابڙو صاحب جن کي اسان سنڌ پنھنجي ماڳ اچڻ تي دل جي گھرائين سان ڀليڪار چئون ٿا۔
سليمان سائين جن جا به ٿورا جو سائين جن جو تازو درشن ڪرايائون۔

 

[نثارابڙو]

جواب: سعودي عرب کان سنڌ پهچڻ تي سائين نثار ابڙو کي ڀليڪار

ادا الله جي امان
شل ورندين خير سان
پنهنجو خيال ڪجان

سائين محترم ڊاڪٽر صاحب، اوهانجا لک لائق جو تمام سهڻي دعا جي نوازش ڪئي اٿوَ ۔۔۔ رب العالمين اوهانکي به پنهنجي امان ۾ رکي، هون ته مڪي جي عبادتن جو جواب ناهي پر پنهنجن ديس واسين سان، مٽن مائٽن ۽ پرين پيارن سان ڀاڪرين پئي عيد مبارڪ ڏيڻ جو چس ئي پنهنجو آهي، انڪري آ ان ڏينهن جو ائين انتظار ڪندو آهيان جئين سمنڊ جو سپيون ابر جي آسري ۾ آسمان ڏانهن منهن ڪري انتظار ۾ هونديون آهن۔

انشاء الله هن دفعي اچبو ته اوهانجي ديدار جو شرف ملندو،

لک ٿورا

.....................................

سائين نثار ابڙو صاحب کي اسان دل جي ًگهرائين سان پنهنجي اصلي ماڳ تي مّختصر ٻن ميهنن لائ آچڻ تي ڀليڪار ٿا چئون ۔ان ۾ ڪو شڪ نه آهي ته سائين جن هن محبتي اڳڻ جا روح روان آهن ۔آنهن کان سواء هيئي محفل اڪيلي اڪيلي محسوس ٿيندي آهي۔اسان کي به نثار صاحب سان ملڻ جو اشتياق آهي ۔آنشاالله موقعي جو فائدو وٺي ملاقات ڪبي۔آلله سائين شل نثار صاحب جو مّختصر دورو خير خيريت سان پورو ڪري ۽ انهن کي پنهنجي امن ۽ حفاّظت ۾ رکي۔ (ڇا ڪاڻ ڪراچي جون حالتون ايتريون سٺيون نه آهن جو ماڻهو پنهنجي پاڻ کي محفوظ سمجهي سگهي)۔آمين

محترم دوست، غلام مصطفى ميمڻ صاحب، لک ٿورا ڀليڪار جا ۽ اوهانجي قربن جا ڳڻي ڳڻبا ڪيترا ۔۔۔ ڪجهه دوستن سان ملڻ جو مونکي به تمام گهڻو اشتياق آهي، جنهن ۾ خاص ڪري اوهان سان ملڻ جي تمنا ته تمام گهڻي آهي ۔۔۔ انشاء الله سڀني دوستن سان واري واري ملاقات جو شرف نصيب ٿيندو، دلي ۽ روحاني ملاقاتون ته ٿيل ئي آهن بس سامهون ٿيون ته ڪي ڀاڪر پائي عقيدت جو اظهار ڪجي ۔۔۔ ان سلسلي ۾ ادي رشيد ۽ سليمان کي عرض ڪيو اٿم ته عيد گذري ته هڪ عيد پارٽي رکجي سنگت جي ” سنڌ سلامت عيد گڏجاڻي“ جنهن ۾ سڀني دوستن کي نينڍ ڏجي ۔۔۔

انشاء الله خئيرن جي عيد گذري ته ان گڏجاڻي جو انتظام ٿئي ۔۔۔

رب العالمين اوهان سڀني دوستن کي پنهنجي امان ۾ رکي ۽ عيد جون حقيقي خوشيون عطا فرمائي ۔۔۔ آمين

 

[مست]

جواب: سعودي عرب کان سنڌ پهچڻ تي سائين نثار ابڙو کي ڀليڪار

سائين ! اوهان کي مڪي جي پاڪ سرزمين کان ٻي پاڪ سرزمين سنڌ تي پهچڻ تي دل جي گهرائين سان ڀليڪار ٿو چئجي۔۔۔ مست اوهان جي ڀليڪار ۾ دير ڪئي۔۔ جيترو اوهان جي سرزمين تي واپسي لاءِ سڪندا رهيا آهيو اوترو وري اسان اوهان جي ديدار لاءِ سڪندا رهيا آهيون۔۔ مولا ڪندو ته هن چڪر اوهان سان ملاقات ضرور ٿيندي۔۔۔۔ وڌيڪ رب کي پارت آهي۔ ڪراچي جا حالات اهڙا آهن جو هن چڪر هڪ ٻه انٽرويوز تي ئي مائٽن نه ڇڏيو هو۔۔۔۔​

 

[سليمان وساڻ]

سائين نثار ابڙو کي اڄ وري ڀنل اکين سان مرڪندي ڀليڪار ڪيو آهي۔ سائين اڄ شام ساڍي ڇهين وڳي واپس سنڌ ڌرتي تي قدم رکيا آهن۔ ڪجهه ڏينهن اڳ سائين نثار ۽ مان اهو پروگرام طئي ڪيو هو ته هو جيئن ئي سعدي عرب کان ڪراچي ايئرپورٽ ايندا ته سڌا سائين شمشيرالحيدري جي طبيعت پڇڻ هلنداسين ۽ پوء سچل ڳوٺ پنهنجي گهر اينداسين پر الله کي ڪجهه ٻيو منظور هو،

اسان کين ڀليڪار ڪيون ٿا۔

اڄ شام ساڍي ستين وڳي ڪراچي ايئرپورٽ تي سائين نثار ابڙو سان ورتل تصوير​

​

​

اڄ شام ساڍي ستين وڳي ڪراچي ايئرپورٽ تي سائين نثار ابڙو۽ عبدالحفيظ لغاري​

 

[ڦلپوٽو فقير]

سائين سليمان صاحب مالڪ جي مرٍضي آڏو انسان بي بس آهي

مان سائين کي سنڌ پهچڻ تي ڀليڪار ٿو چوان
اسان سنڌ سلامت فورم جا ميمبر ۽ انتظاميه سائين سان هن ڏک جي گهڙي ۾ گڏ آهي

الله سائين کي صبر عطا ڪري

آمين


۔۔۔۔۔۔۔۔۔۔۔۔۔۔۔

 

[نادر عباسي]

نثار ابڙو کي سنڌ تي اچڻ تي دل جي گهرائين سان ڀليڪار۔583 اٽيچمينٽ ڏسو

 

[عرس پريو]

ارادو هيو ته سائين کي ايئر پورٽ تي وڃي ويلڪم چئبو پر نه اچي سگهيس۔۔۔۔۔۔۔۔۔۔۔۔۔۔ سائين نثار ابڙو کي پنهنجي ڌرتي اچڻ تي ڀليڪار چئي ٿو۔

 

[رشيد سمون]

افسوس جو 2 ڪلاڪ اڳ مون کي ايئرپورٽ ڇڏيندي هڪ ضروري ڪم جي ڪري واپس ٿيڻو پيو ۽ وري ڪوشش ڪري به ٻيهر اچي نه سگهيس...
مان ڪو چهري شناس نه آهيان پر سائين نثار جي تصوير ٻڌائي ٿي ته سنڌ ۾ پهچندي ئي کين سنڌ جا سمورا سور ياد اچي ويا ۽ سڀ کان وڏو درد جيڪو سنڌ ڌرتي کي ڇهندي ئي کين شدت سان محسوس ٿيو سو هو سائين شمشير الحيدري جن جو وڇوڙو ... اهو ئي سبب آهي جو سائين نثار ابڙو جي احساسن جي ابتڙ ادا سليمان وساڻ جي چهري مان ٻهڪندڙ خوشي جي احساسن کي ڀانپندي سائين نثار پنهنجي دردن کي وسارڻ جي ڪوشش ته ڪئي پر صرف سليمان کي ڀاڪر پائڻ تائين محدود رهيو ... سندن ڪيفيت کي محسوس ڪندي ... اسان سندن دردن ۾ مڪمل شريڪ آهيون... رب پاڪ کين صبر عطا فرمائي...

 

[افتخار علي چوهاڻ]

ڀلي ڪري آيا ، مانواري سائين نثار ابڙي صاحب جن کي وطن ورڻ تي ڀليڪار !​

 

[Moazam Ali]

سائين نثار صاحب کي دل جي گهراين سان ڀليڪار ڪريان ٿو هو ٺيڪ هڪ سال کان پو واپس آيو آهي جنهن تي اسان کي خوشي ٿئي ٿي ته سال به سال دوستن جي حُب ۾ سنڌ اچڻ سائين جن سونهي ٿو ڇو جو سال جي سڪ ۾ محبت وڌندي آهي گهٽبي نه آهي باقي سليمان وساڻ کي اهو چوندو هلان ته سچل ڳوٺ هجي يا لطيف جي نگري هجي اتي به سائين نثار صاحب جون دوستن ملندڙ تصويرون هجن جيڪي دل ۾ سڪون ۽ يادون پيدا ڪنديون۔

 

[منظور ڪلهوڙو]

آيا اڱڻ عجيب مون نصيب ڀلا
اهي اڱڻ چمان يا عجيب چمان

منهنجا سهڻا سپرين سنڌ جي نقشي جهڙا سهڻا نقش رکندڙ من مهڻا سائين نهايت پاٻوهه ۽ سڪ منجهان ڀٽائي جي هن ڀلاري ڀون ۾ پير رکڻ تي ڀليڪار ڪيان ٿو، اميد ته سنڌ ڌرتي جي هوائن سان توهان جو وجود مهڪي اٿيو هوندو، ڏسو ته سهي سنڌ جي سڳنڌ اڳ ئي مو طر هئي ويتر توهان جي اچڻ جي اعلان کان پو جهومڻ لڳي آهي ته اهي مور موٽي آيا جن لا سنڌ جو هوائون منتظر هيون ته من اهي محب اچن ته ميلا ٿين ۽ هوائون جهومي پون۔ سدائين گڏ

 

[عاشق سولنگي]

واھ واھ! وري مور وريا پنھنجي ڌرتي ڏانھن، سائين نثار ڀلي دنيا جي ڪھڙي به ڪنڊُ ۾ ھجي پر ڪڏھن لڳندو ئي نه آھي ته سائين ڪو اسان کان پري آ، ھر وقت سنڌ ۽ سنڌيت جي خوشبو سان سرشار سائين ھميشه سنڌ ۾ ئي محسوس ڪندو آھيان، جلد ئي سائين جن جو ديدار نصيب ڪنداسين۔​

 

[عبدالرحيم]

نثار ابڙو کي سنڌ ڌرتي ۾ اچڻ تي ڀليڪار چئون ٿا۔
سليمان وساڻ ۽ نثار ابڙو جون گڏيل تصويرون تمام بهترين آيون آهن۔ ٻئي خوشي سان مهکي رهيا آهن۔
الله پاڪ توهان کي هميشه ائين خوش ۽ آباد رکي

 

[مست]

سنڌ سلامت جي سرموڙ ۽ سنڌ ڌرتيءَ جي چاهت رکندڙ هن جوان کي اسان سڀ سنڌ سلامت جا ميمبر دل جي گهرائين سان سنڌ جي سرزمين تي پهچڻ تي ڀليڪار چئون ٿا۔۔۔
توڙي جو هن ڀيري سائين جن سان قسمت ڊرامائي انداز ۾ پيش آئي آهي، هڪ طرف سائين شمشير الحيدريءَ جو وڇوڙو ٻئي طرف سائين شمشير الحيدريءَ جي گهرواريءَ جي ناساز طبيعت جي ڪري اڃان مٿن ڏک جا ڪڪر هلڪا نه ٿيا آهن
پر۔۔۔۔۔۔
ماندي ٿي نه مارئي، تنهنجو الله به آهي۔۔۔
بيشڪ ڏک انسان جي فطرت ۾ شامل آهن، انسان مضبوط تڏهن ٿيندو آهي جڏهن ڏک ڏسندو آهي۔۔۔۔

 

[غلام مصطفي ميمڻ]

ادا نثارابڙو صاحب اسلام عليڪم۔توهان کي ديس مختصر ٽائيم لاء واپس ورڻ تي اسان به بليڪار چوان ٿا۔ هون ته هميشه ديس اوهان جي اچڻ جي وقت خوشين سان ٽمٽار هوندو آهي پر هن دفعي هڪ بهترين انسان (سائين شمشير الحيدري) جي وڇوڙي جي ڪري توهان کي هي ديس پويئن طريقي سان خوشين وارو ڀليڪيار ته نه چئي سگهندو پر توهان سان وچن ڪندو ته هن ڏک ؤ رانج واري ڪفيت ۾ اوهان سان پل پل گڏ آهي۔ اسان هميشه اوهان لاء دعاگو آهيون ته اوهان جي چپن جي مرڪ ڪڏهن به ميري نه ٿئي ۔الله پاڪ اوهان کي اها غيبي طاقت عطا فرمائي جو هن ڏک و رنج واري ڪفيت مان آساني سان گذري سگهو۔ آمين۔

 

[نثارابڙو]

دوستو! سنڌ ڌرتيءَ کان جدا ٿي پنهنجي حالت ائين آهي جيئن ڪو ننڍڙو ٻار ماءُ کان جدا ٿي ويو هجي، ڀلا جيڪا ڌرتي ايتري سهڻي ۽ جنهن ۾ سليمان وساڻ، رشيد سمون ۽ سنڌ سلامت جي دوستن جهڙا هزارين دوست رهندا هجن ان ڌرتيءَ کان جدا ٿيندي ڪهڙو بدنصيب خوش رهي سگهي ٿو ... انڪري جڏهن ڌرتيءَ تي قدم ڌرجي ٿو ته ائين محسوس ٿئي ٿو، ڄڻ وڇڙيل ڪونج اچي ولر سان ملي هجي.

آءُ ٿورائتو آهيان مٺڙي قربائتي دوست بيڪس بيدل بيوس جو جنهن جده ائيرپورٽ تي اچي تمام سهڻ
ي ڪچهري ڪئي سنڌ يوٿ وارن دوستن لاءِ ڪجهه مالي سهائتا پڻ ڪئي ... ۽ آخر ۾ ڀاڪر پائي سنڌ ڏانهن وڃڻ لاءِ روانو ڪيو ...

ڪولاچيءَ جي هوائي اڏي تي وري سهڻو پيارو، محبوب دوست سليمان وساڻ، عبدالحفيظ سميت اچي ڀاڪر پاتا ۽ چميون ڏنيو .... مونکي ساڻن ڀاڪر پائي ائين لڳو ته مون سنڌ کي ڀاڪر ۾ ورتو هجي ... سندس نرڙ تي ڏنل چميءَ مان سنڌ ڌرتيءَ جي مهڪ آئي ...

سنڌ ۾ دوستن پيارن جو تعداد ايترو آهي جو هوند هي ٻن اڍائي مهينن جو پل پل دوستن سان ڪچهرين ۾ گذري سگهي ٿو، پر افسوس جو انسان گهڻن مامرن ۾ رڌل هجي ٿو ... انڪري اميد ته گهڻن دوستن سان ڀاڪرين پونداسون ...

سنڌ سان اهڙي جند اڙي جو ٻيا سڀ ناتا وسري ويا ...

منهنجي طرفان سعودي عرب جي دوستن ۽ سنڌ جي سمورن دوستن کي سڪ ڀريا سلام ۽ پيار پهتو ٿئي ... ۽ سڀني دوستن کي عيد جون کوڙ ساتريون واڌيون قبول پون ...

منهنجي مداين جي ڪل پريان پئي،
ڪڏهن ڪوسا ڪون ٿيا ڏوراپا ڏئي،
ساجن سڀيئي، ڍڪج ڍول ڍلايون.