[JUSTIFY]سمجهداري به هجي سياڻپ به هجي، ساڻيهه به هجي صاف گوئي به هجي، صداقت به هجي، سچائي به هجي، صفائي به هجي، ضمير به هجي، ذهن به هجي، فهم به هجي، فراست به هجي، عقل به هجي، ادراڪ به هجي، علم به هجي، قلم به هجي، ۽ ان کي ڪم ۾ ڪتب آڻڻ جي ڪاريگري به هجي۔ محبت به هجي، محنت به هجي، معاملي شناسي به هجي، دورانديشي به هجي، دانشمندي به هجي، نوڙت به هجي، نهٺائي به هجي، نيازمندي به هجي، نرمائي به هجي، خوش طبعي به هجي، خوش خلقي به هجي، فڪر به هجي، فضيلت به هجي، پرين جي پچار به هجي، پاڙي اوڙي جي پرگهور به هجي، الفت به هجي، احساس به هجي، شرافت به هجي، شائستگي به هجي، دوستن ۽ احبابن جي ياد به هجي، انسان ذات جي قدر ۽ قيمت به هجي، آسرو به هجي، اُميد به هجي، ته پوءِ اهي سهڻيون صفتون ، انسان کي پنهنجي زندگيءَ جي مقصد ۾، هميشه ئي ڪامياب ۽ فتحياب ڪنديون رهنديون آهن. [/JUSTIFY] محترم علي نواز وفائيء جي ڪتاب رتيءَ جي رهاڻ تان ورتل
جواب: ڪاميابيء جو راز سهنين صفتن ۾ آهي گهڙي کن جي لاءِ ائين لڳو ڄڻ توهان ڪنهن اهڙي ڌرتي جو ذڪر ڪري رهيا آهيو جيڪا صرف خوابن ۽ تصور ۾ ملي يا وري انسانن جو نه پر فرشتن جو ذڪر پيا ڪريو۔۔۔
جواب: ڪاميابيء جو راز سهنين صفتن ۾ آهي سائين اهڙا فرشتا صفت انسان به آهن جيڪي انهن سڀني خوبين سان موصوف هوندا آهن پر ڪن دوستن ۾ انهن مان ڪافي صفتون سمايل هونديون آهن ۽ اهڙن دوستن مان ڪافي سنڌ سلامت جي سونهن به آهن۔
جواب: ڪاميابيء جو راز سهڻين صفتن ۾ آهي ماشاء الله نهايت بهترين الفاظن کي کڻي زنجير ۾ پروڙي خوبصورت هار ٺاهيو ويو آهي ، ” ڪنهن ڪنهن ماڻهو منج اچي بوءِ بهار جي “ سائين ڀٽائي جي شعرن جي ترجماني ٿيل آهي ادي رحيم بخش جي ڳالھ جيان الحمدلله هن فورم جا گهڻائي دوست هن جا مصداق آهن ادا سليمان نهايت خوبصورت ونڊ لاءِ اوهان کي مبارڪون هجن ۔
جواب: ڪاميابيء جو راز سهنين صفتن ۾ آهي خواب ڏسندا ڪيو، ڇو ته اوهان جڏهن ڪي خواب يا منزل جو تعين ڪندا آهيو ته پوء اوهان پنهنجون سموريون ان جي حاصلات لاء لڳائيندا آهيو۔ وفائي صاحب جي لفظن جي ڪيل چونڊ لاجواب آهي۔ بلڪل اهڙي ئي معاشري کي اوهان آئيڊيل سڏي سگهو ٿا۔
جواب: ڪاميابيء جو راز سهنين صفتن ۾ آهي مهرباني سائين مولوي رحيم بخش صاحب جيڪڏهن اهڙين صفتن وارا ڪجهه دوست گڏجي پون ۽ ڪو ميلو مچائن ته يقينن اهو اهڙو ئي هوندو جهڙو مرحوم علي نواز فائي مٿي ذڪر ڪيو آهي۔ سنڌ سلامت جي دوستن جون مهربانيون آهن جيڪي سچائي ۽ محبت سان ڪم پيا ڪن۔
جواب: ڪاميابيء جو راز سهڻين صفتن ۾ آهي مهرباني ادا افتخار ڦڙيء ڦڙيء تلاء ٿيندو آهي ۔۔۔۔۔۔۔۔۔۔۔۔ سنڌ سلامت به هڪ اهڙوئي گلدستو آهي جيڪو سهڻن گلن جو سنگم آهي۔ دنيا گهڻي خوبصورت آهي بس دنيا کي ان اک سان ڏسو ۽ محبتون ورهايو ۔۔۔۔۔۔
جواب: ڪاميابيء جو راز سهڻين صفتن ۾ آهي ائين لڳو ڄڻ ته آ شرافت جي ڪنهن سمنڊ ۾ ڪري پيو هجان ۔۔۔ جت منهنجو ميرو وجود پئجي صاف ٿيندو هجي۔ حق سچ جا گفتا آهن، انسانيت جي معراج جا نقطا آهن ۽ جي عمل ٿي پوي ته انسان کي سون بنائڻ جا ڀنڊار آهن۔ ٿورا ناهن ٿورا سنڌ سلامت ساٿ سلامت
جواب: ڪاميابيء جو راز سهڻين صفتن ۾ آهي واه سائين واه توهان جي مضمون ۾ زبردست زندگيءَ جو رنگ ڀريل آهي۔ ان لاءِ هڪ شاعر جو شعر عرض رکان ٿو۔ خلق جي خدمت حقيقت ۾ عبادت آ ۔۔۔ اهائي روح جي راحت آ اهائي دل جي دولت آ ۔ مهرباني۔
جواب: ڪاميابيء جو راز سهڻين صفتن ۾ آهي سائين نثار سلام بلڪل هي ننڍڙو مضمون پڙهڻ وقت هڪ عجيب خوشين ڀري ڪيفيت ٿي وڃي ٿي۔ سچ جي ڳالهه هجي ۽ پنهنجائپ جو ۽ رشتن جو ڀرم ۽ احساس هجي ته جيڪر زندگي ايڏي ئي خوبصورت انداز سان گذري وڃي۔
جواب: ڪاميابيء جو راز سهڻين صفتن ۾ آهي حڪيم عبدالقادر صاحب اوهان جي مهرباني اوهان هن مضمون جي مناسبت سان سهڻو شعر ونڊ ڪري قرب ڪري ڇڏيا
جواب: ڪاميابيء جو راز سهڻين صفتن ۾ آهي لفظن کي پڙهڻ سان ئي دل کي سڪون اچي وي ٿو۔۔۔۔۔۔۔۔۔۔۔۔۔۔۔۔۔۔۔۔۔ ڪاش اهو سڀ ڪجهه هر ماڻهون ۾ هجي انسان کي دلي سڪون ء روح کي راحت به ائين ئي ملي ٿي بهترين
جواب: ڪاميابيء جو راز سهڻين صفتن ۾ آهي ادا سليمان وساڻ صاحب اسلام عليڪم۔جنهن شخص ۾ اهئي سڀ خوبيون هونديون اهو الله پاڪ جو تمام گهڻو نوازيل انسان هوندو۔اهئي سڀ وصفون ٻڌڻ ۾ ئي دل کي ڏاڍي تقويت ملي ٿي ۔جيڪڏهن اهئي وصفون اسان ۾ پيدا ٿي وڃن ته جيڪر اسان ڪامياب انسان ٿئي پنهنجي منزل کي ماڻي الله سائين جي سامهون سرخرور ٿئي وڃون۔سائين منهنجا توهان ته پنهنجي هن پياري ليک سان اسان جي دل ۾ هلچل مچائي ڇڏي ۽ هڪ عجيب ڪفيت پيدا ٿئي ويئ۔توهان جون تمام گهڻيون مهربانيون۔
جواب: ڪاميابيء جو راز سهڻين صفتن ۾ آهي مهرباني ڀاء عرس اميد تي دنيا قائم آهي۔ جيڪڏهن اسان شروعات ڪيون ڪنهن هڪ صفت سان ۽ ان تي عمل پيرا ٿيو ۽ پوء آهستي آهستي بهتري طرف وڌون ته ڪاميابي ٿي سگهي ٿي۔ پر ارادا مضبوط ۽ نيڪ هجڻ گهرجن۔
