پنهنجو پاڻ تي اعتماد ڪيو ۔۔۔ توهان گهڻو ڪجهه ڪري سگهو ٿا۔۔۔ !

مان ننڍي لاڪون ٻڌندو پيو اچان ته پيسي ۾ وڏي طاقت آهي ۔۔ ان سان ڪجهه به خريد ڪري سگهجي ٿو۔۔۔ ۽ پيسي جي هوندي ته ڪا به پريشاني ئي نه ٿي ڏسي سگهجي۔۔۔ هڪ دفعي منهنجي هڪ استاد پنهنجي ليڪچر دوران اهو به چيو هو ته ۔۔ ”جيڪڏهن توهان جي گهر ۾ توهان جو ڪو وڏو بيمار آهي ۽ کٽ تان اٿڻ جهڙو به ناهي ته توهان ان جي هٿ ۾ چپڙي سان 10،000 رکي ڇڏيو۔۔ توهان ڏسندو ته هو کٽ تان پاڻهي اٿي ويندو۔۔۔ ۽ هن جي اڌ بيماري ختم ٿي ويندي۔۔۔ “
اسان مان کوڙ سارا دوست ان ڳالهه سان سهمت هوندا۔۔۔ پر اڄ مان توهان سان هڪ واقعو ونڊ ڪريان ٿو جنهن کان پوءِ توهان کي يقين ٿيندو ته پنهنجو پاڻ تي اعتماد پڻ تمام وڏي طاقت آهي۔۔

​

واقعو ڪجهه هن طرح آهي ته هڪ واپاري ڪمپني جو مالڪ تمام گهڻو قرضدار ٿي ويو ۔۔ قرض ڏيندڙ وڌيڪ قرض ڏيڻ کان لاچاري ڏيکاري ڇڏي ۽ پهريون قرض واپس ڪرڻ جي تقاضا ڪرڻ لڳا۔۔۔ ڪمپني کي مال مهيا ڪندڙن پيسن جي گهر وڌائي ڇڏي۔۔
واپاري ڪافي منجهيل هو۔۔ آخر يڪسانيت لاءِ هو هڪ پارڪ ۾ ويو جتي اڪيلائپ ۾ سوچڻ لڳو ته آخر هُو ڪهڙي طرح پنهنجي ڪمپني کي ديواليو ٿيڻ کان بچائي۔۔۔ هُو انهي سوچ ۾ مڏل هو ته سندس سامهون هڪ 70 سال جو ضعيف ماڻهون ظاهر ٿيو ۽ کائنس پڇائين ۔۔ ”مان ڏسان پيو ته توهان ڪجهه پريشان ٿا لڳو۔۔ ڇا مان توهان جي ڪا مدد ڪري سگهان ٿو۔۔ “
واپاري کي اکين ۾ چمڪ پيدا ٿي ۽ هن کيس پنهنجي ڪمپني جي سموري وارتا ٻڌائي ۔۔ سموري ڳالهه ٻڌڻ کان پوءِ ان ضعيف ماڻهون پنهنجي کيسي مان چيڪ ڪڍي صحيح ڪندي سندس هٿ ۾ پڪڙايو ۽ چيو۔۔ ”مان تنهنجي مدد ڪري سگهان ٿو۔۔ هي چيڪ وٺ ۽ هڪ سال کان پوءِ ٺيڪ اڄ واري ڏينهن هتي ئي مون سان ملي منهنجي رقم مون کي واپس ڪجان۔۔۔!“
ضعيف ماڻهون چيڪ ڏئي واپس روانو ٿي ويو ۔۔ واپاري چيڪ تي نظر ڦيرائي ته اهو 50 لک جو چيڪ هيو ۽ صحيح ڪندڙ دنيا جو امير ترين شخص ۽ مائڪروسافٽ ڪمپني جو مالڪ بل گيٽس هو۔۔
واپاري سوچيو ته ڪيترو نه ڀلو ماڻهون آهي ۽ مون کي جانچڻ کانسواءِ ئي مون تي ڪيترو اعتماد ڪيو اٿائين جو ايتري رقم جو چيڪ ڏئي ڇڏيائين۔۔ اهو به نه سوچيائين ته مان کيس رقم واپس به ڪري سگهندس يا نه۔۔۔ هن سوچيو ۔۔”اهڙي ماڻهون جي اعتماد کي نقصان نه ڏبو۔۔۔ مان چيڪ کي سنڀالي رکندس ۔۔ ۽ ڪمپني کي نئين سر پنهنجي محنت سان جوڙيندس۔۔ جي نقصان ۾ نه نڪري سگهيس ته آخري حل طور هي چيڪ ڪم ۾ آڻيندس۔۔۔ “
هن دفعي ڪمپني ۾ واپس ويندي سندس اعتماد بلڪل اوچو هو ۔۔ هن هڪ دم پنهنجي سمورن آرڊرس ۽ ڪسٽمرس تي توجه ڏني پنهنجي پاليسين ۾ ڪجهه ترميمون ڪيون ۽ جن کان قرض ورتا هئا انهن سان ميٽنگون رکيون۔۔ پنهنجي پروڊڪٽس جي هڪ ترتيب بڻائي ۔۔ انهن سان گڏ پيڪيجز ۽ مختلف ڊيلس رکڻ جو اعلان ڪيو ۽ ڏينهن رات ڪم کي لڳي ويو۔۔
ڏسندي ئي ڏسندي سندس ڪمپني ٻيهر اٿڻ لڳي ۽ آهستي آهستي ڪسٽمرس جو اعتماد واپس وٺڻ لڳي ان طرح ڪمپني جي پروڊڪٽس جي گهرج ۾ اضافو آيو ۽ ڪمپني پنهنجا قرض واپس ڏيڻ لڳي ۔۔ هڪ سال جي عرصي ۾ ڪمپني پنهنجا سمورا قرض واپس به ڪري ورتا ۽ کوڙ سارا آرڊر پڻ ڊيل ڪري ورتا۔۔
آخر اهو ڏينهن به اچي ويو جنهن ڏينهن کان پورو هڪ سال اڳ واپاري کي ان ضعيف ماڻهون چيڪ ڏنو هو۔۔ هن الماري ۾ محفوظ ان چيڪ کي کنيو ۽ ساڳئي پارڪ ۾ اچي ويٺو ۔۔۔ 2 ڪلاڪ گذري ويا پر اهو ضعيف ماڻهون کيس نظر نه آيو ۔۔۔ آخر 4 ڪلاڪ گذري وڃڻ کان پوءِ هو منتشر ذهن سان واپسي لاءِ اٿيو۔۔۔ ته هن سامهون ان ضعيف ماڻهون کي ايندي ڏٺو۔۔۔ واپاري يڪدم ان ضعيف ماڻهون ڏانهن وڌيو ۽ کيس سلام ڪندي سندس جو ئي ڏنل چيڪ کيس واپس ڪيو۔۔۔
ضعيف ماڻهون کيس سڃاڻڻ کان انڪار ڪيو ته واپاري کيس گذريل سال جو واقعو ٻڌائي ياد ڏيارڻ جي ڪوشش ڪئي ايتري ۾ پري کان هڪ نرس تڪڙي تڪڙي هنن ٻنهي ڄڻن ڏانهن وڌي ۽ ضعيف ماڻهون کي جا هٿ پڪڙيندي واپس ورڻ لڳي ۔۔۔ ”معاف ڪجو ۔۔۔ مون کي خوشي آهي جو مون هن کي پڪڙي ورتو۔۔۔ ۽ اميد ڪريان ٿي ته هن توهان کي ڪا تڪليف نه ڏني هوندي ۔۔۔ اصل ۾ هي گذريل ٻن سالن کان وٺي نفسياتي مريض آهي ۽ گهر کان ٻاهر نڪري ويندو آهي ۔۔ هي پاڻ کي دنيا جو امير شخص بل گيٽس سڏائيندو آهي۔۔۔“ نرس سهڪندي سهڪندي پنهنجي ڳالهه پوري ڪئي ۽ ان ضعيف شخص کي واپس وٺي وئي۔۔
واپاري پنهنجي هٿ ۾ چيڪ سميت هڪ ٻڪو ٻنهي کي ويندي ڏسندي رهجي ويو۔۔ ۽ سوچڻ لڳو ته سمورو سال هي ماڻهن سان ڊيلنگ، خريد و فروخت ۽ پنهنجي ڪسٽمرن ۽ بينڪ مالڪن سان ميٽنگس ان اعتماد سان ڪندو رهيو ته جي ڪم نه ٿي سگهيو ته سندس وٽ 50 لک روپين جو چيڪ موجود آهي ۔۔۔ ۽ هو ان کي ڪنهن به وقت استعمال ڪري پنهنجيون پريشانيون ختم ڪري سگهندو۔۔۔ مطلب ته سندس پوري زندگي تبديل ڪندڙ اهو چيڪ دراصل ڪجهه به نه هو ۔۔۔

”اها دراصل هن جي نئين خوداعتمادي ئي هئي ۔۔ جنهن جي طاقت کيس سڀ ڪجهه درست ۽ واپس ورائڻ ۾ مدد ڪئي ۔۔۔ هن سمجهي ورتو ته جي پاڻ تي اعتماد برقرار رکجي ته ڪجهه به ڪري سگهجي ٿو۔۔۔“

دوستو پوري واقعي کان پوءِ توهان ٻڌايو ته ڇا واقعي انسان وٽ اهڙو اعتماد بغير پيسن جي سپورٽ سان اچي سگهي ٿو جو هو پنهنجي خود اعتمادي سان نقصان کي فائدي ۾ تبديل ڪري يا وري منهنجي استاد جي ڳالهه وانگر ته اهو پيسو ئي هوندو آهي جيڪو توهان ۾ اعتماد به پيدا ڪندو آهي۔۔۔

 

جواب: پنهنجو پاڻ تي اعتماد ڪيو ۔۔۔ توهان گهڻو ڪجهه ڪري سگهو ٿا۔۔۔ !

مهرباني ادا رشيد

خود اعتمادي پيدا ڪرڻ ئي مسئلن جو حل آهي۔ ڪاش اها ڳالهه هر ڪو سمجهي سگهي ۔۔۔۔۔۔۔۔۔۔۔۔۔ جيڪڏهن ايئن هجي ها ته مان هن وقت تازين پريشانين ۾ نه هجان ها۔ دعا ڪيو ته هي وقتي پريشاني خود اعتمادي ذريعي ئي حل ٿئي۔

 

جواب: پنهنجو پاڻ تي اعتماد ڪيو ۔۔۔ توهان گهڻو ڪجهه ڪري سگهو ٿا۔۔۔ !

سچي پڇو ته هي ليک مون لکيو ئي توهان جي مونجهارن کي سامهون رکي هو۔۔۔۔۔۔۔ اسان جون دعائون توهان سان گڏ آهن۔۔۔ الله پاڪ مالڪ آهي پنهنجي نيڪ ٻانهن کي دنياوي آزمائشن ۾ ان لاءِ به رکندو آهي ته پريشانين کي منهن ڏيڻو جو حوصلو ڌارين ۽ ڏک سان گڏ سک ۾ به کيس ياد ڪن۔۔

 

جواب: پنهنجو پاڻ تي اعتماد ڪيو ۔۔۔ توهان گهڻو ڪجهه ڪري سگهو ٿا۔۔۔ !

سنڌ سلامت جي رڪنن جو پاڻ ۾ اهڙو ويجهو هجڻ جو ٻئي جي پريشاني کي پنهنجو درد ٿا سمجهن۔۔۔ ڀلي ڳالهه آهي ۔۔
باقي جيتري قدر ادا سليمان جو تعلق آهي ته سندن مٿي جو سور منهنجي خيال ۾ لهي چڪو آهي پو ڀلي سائين ڪريم چانڊيو اهو چوي ته ”سندس مٿي جو سور شروع ٿيو آهي۔۔“

 

جواب: پنهنجو پاڻ تي اعتماد ڪيو ۔۔۔ توهان گهڻو ڪجهه ڪري سگهو ٿا۔۔۔ !

پر يار رشيد ڳالهه نه پڇ ۔۔۔۔۔۔۔۔۔۔۔

اڄڪلهه چاچو ڪريم چانڊيو ئي سڀ کان وڏو مٿي جو سور آهي ۔۔۔۔۔۔۔ گهران اچڻ ۾ دير ٿو ڪيان ته ڪيئي ڳالهيون ٻڌڻيون ٿيون پون۔ پاڻ آهي رٽائر ماڻهو ۽ واندو ۔۔۔۔۔۔۔

ڇا ڪجي ۔۔۔۔۔۔۔۔۔ پوء به چوندا آهن ته هل چري يارن سان ڪهڙا ليکا۔

 

جواب: پنهنجو پاڻ تي اعتماد ڪيو ۔۔۔ توهان گهڻو ڪجهه ڪري سگهو ٿا۔۔۔ !

انٽرويو لاء ته مان تيار هئس پر واعدي موجب سائين نثار ناز ڪراچي واري وليمي ۾ شريڪ ڪونه ٿيو ۽ نه انٽرويو ڪري سگهيو۔