محمد سليمان وساڻ جي شادي ۾ سنڌ سلامت جي تقريبن سموري انتظاميه شريڪ ٿي۔

جواب: محمد سليمان وساڻ جي شادي ۾ سنڌ سلامت جي تقريبن سموري انتظاميه شريڪ ٿي۔

سائين ناز صاحب،
توهان جون ونڊ ڪيل انمول تصويرون ڏسي دل خوش ٿي وئي، اهو به زندگي جو هڪ خاص حصو آهي، جنهن کان پوءِ انسان تي ڪافي زميورايون اچي وڃن ٿيون،

سنگت جو ديدار به ٿي ويو ان بهاني سان پر اهو افسوس آهي ته سائين سليمان جي شادي ۾ مان شريڪ نه سگهيم ۽ دوستن سان به نه ملي سگهيم۔
باقي مست ته مست لڳو پيو آهي سائين جي شادي ۾۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

جواب: محمد سليمان وساڻ جي شادي ۾ سنڌ سلامت جي تقريبن سموري انتظاميه شريڪ ٿي۔

ٿورا نه ٿورا مون تي ماروئڙن جا
ڀلايون ۽ ڀيرا ڳڻي ڳڻيندس ڪيترا​

[JUSTIFY]سڀ کان پهريان ته مان سڀني دوستن جي ڏنل مبارڪن جي موٽ ۾ خير مبارڪ چوندس ۽ پنهنجي رب جو شڪر گذار آهيان جنهن شادي جي هن پروگرام کي خير خيريت سان توڙ پڄايو۔

دوستو سچ پڇو ته مان سنڌ سلامت جي سمورن دوستن جي اڳيان شرمنده آهيان جو کين شادي ڪارڊ ڪونه پهچائي سگهيس۔ ان جا گهڻا سبب هئا ۽ ڪجهه اچانڪ آيل پريشانيون پڻ هيون۔ پوء به مون دوستن کي ڪوشش ڪري فون ميسيج يا وري فيسبوڪ ميسيج ڪيو، اهو به سڀني دوستن کي نه پر ڪجهه ئي دوستن کي۔ مونکي تمام گهڻي خوشي ٿي جڏهن سنڌ سلامت جو نائب منتظم سائين نثار ابڙو جن ٻه ڏينهن اڳ ئي پنهنجي فيملي سان گڏ منهنجي ڳوٺ آيا ۽ رات پڻ ٽڪيا۔

ٿورا سرپرست سائين نثار ناز جا جنهن ايڏو پري کان منهنجي ڪاڄ ۾ شريڪ ٿي عزت بخشي ۽ هيڏي سهڻي رپورٽ دوستن سان ونڊ ڪئي جيڪا اڃان جاري آهي۔ مان ٿورائتو آهيان منتظم اعلا ادا رشيد سمون، ايڊيٽر دوستن سائين مولوي رحيم بخش ڏاهري صاحب، ادا اسد علي مست ميرجت، لوڪل فقير ادا وحيد ڦلپوٽو، سينير ميمبر محترم طاهر سنڌي، ادا عرس پريو ۽ سائين عبدالواحد سومرو جو جيڪي پري پري کان اچي شريڪ ٿيا ۽ تحفا ۽ دعائون کڻي آيا۔

سچ ته سنڌ سلامت پاران ڏنل تحفا منهنجي زندگيء جي يادگار لمحن مان ڪجهه لمحا آهن جيڪي سدائين ياد رهندا۔ دوست تڪليفون سهي پري کان اچي منهنجي خوشي ۾ شريڪ ٿيا ۽ محفل کي چار چنڊ لڳايائون۔ ٿورائتو آهيان چاچا ڪريم چانڊيو جو جيڪي هڪ هفتي کان منهنجي شادي جي انتظامن لاء منهنجي ڳوٺ موجود رهيا۔

منهنجي دعا آهي ته سنڌ سلامت جا سڀ دوست خوش هجن ۽ هڪٻئي جي خوشين ۾ ايئن ئي شريڪ ٿيندا رهن۔

انهن دوستن کان دلي معزرت ڪيان ٿو جن کي اطلاع ڪونه ڏئي سگهيس۔[/JUSTIFY]

 

جواب: محمد سليمان وساڻ جي شادي ۾ سنڌ سلامت جي تقريبن سموري انتظاميه شريڪ ٿي۔

مهربانيون انٽرنيشنل فقير علي علي جون

اوهان جي مبارڪن جي موٽ ۾ خير مبارڪون ۽ اوان جي دعائن لاء آمين ۔۔۔۔

سنڌ سلامت سميت آيل سمورن مهمانن جا لک ٿورا