هڪ سال جي وقفي کانپوء عابده پروين جي فن جي دنيا ۾ واپسي

[سليمان وساڻ]

​

هڪ سٺي خبر آهي ته گذريل هڪ سال جي عرصي کانپوء مشهور ڳائڻي سائنڻ عابده پروين جي فن جي دنيا ۾ واپسي ٿي آهي۔ گذريل سال نومبر مهيني ۾ لاهور ۾ هڪ تقريب ۾ فن جي مظاهري دوران کيس دل جو دورو پيو هو ۽ کيس فوري طور اسپتال پهچايو ويو هو۔ لکين مداحن جي دعا ۽ ڊاڪٽرن جي ڪوششن کانپوء عابده پروين کي هوش آيو هو پر ڊاڪٽرن کين ڳائڻ کان منع ڪئي هئي۔

گذريل ڇنڇر واري رات هڪ سال جي وقفي کانپوء ڪراچي جي هڪ مقامي ڪلب ۾ سائنڻ عابده پروين ٻن ڪلاڪن تائين پرفارم ڪيو ۽ نوجوانن سندس آمد وقت ڪيئي منٽ اٿي بيهي ۽ تاڙيون وڄائي استقبال ڪيو۔ هن ٻن ڪلاڪن جي پرفارمنس دوران اڌ ڪلاڪ جو وقفو به ڪيو ۽ صوفي ڪلام ڳائي ماڻهن کي جهومايو۔

57 ساله عابده پروين لاء اسان جي دعا آهي ته رب پاڪ کيس صحت عطا ڪري ۔۔۔۔ آمين​

 

[عاشق سولنگي]

جواب: هڪ سال جي وقفي کانپوء عابده پروين جي فن جي دنيا ۾ واپسي

ميڊم جي واپسي جي خبر ٻڌي تمام گھڻي خوشي ٿئي۔

 

[Ghazanfar Iqbal]

جواب: هڪ سال جي وقفي کانپوء عابده پروين جي فن جي دنيا ۾ واپسي

ادا تمام ًگهڻي خوشي ٿي

 

[نثارابڙو]

جواب: هڪ سال جي وقفي کانپوء عابده پروين جي فن جي دنيا ۾ واپسي

رب العالمين سنڌ جي هن صوفي منش ڳائڻي کي پنهنجي امان ۾ رکي، لطيف سرڪار کي پنهنجن سرن سان سنواريندڙ ۽ سنڌي فڪر کي دنيا ۾ راڳ ذريعي روشناس ڪرائيندڙ هي ڳائڻي سنڌ جو ورثو آهي ۽ اسانجو شان آهي،

اسانجون نيڪ تمنائون ۽ دعائون ساڻس گڏ آهن ۔۔۔۔ سندس تازو ڳايل گيت هٿ اچن ته ضرور ونڊ ڪجو ۔۔۔

سنڌ سلامت ساٿ سلامت

 

[غلام مصطفي ميمڻ]

جواب: هڪ سال جي وقفي کانپوء عابده پروين جي فن جي دنيا ۾ واپسي

ادا سائين ماڻهن کي پنهنجي منفرد انداز ۾ ڳايل ڪلامن جي ذريعي وجد ۾ آڻڻ واري هن ڳائڻي جو ڪو مٽ نه آهي۔پنجابي هوندي به سنڌي ڪلام اهڙا ته سٺي انداز ۾ ڳائي ٿي جو اهل زبانن کي به مات ڏئي ٿي ڇڏي ۽ڪوبه ماڻهون زبان جو فرق نه ٿو محسوس ڪري سگهئي۔محترم عابده پروين جهڙيون راڳيون صدين ۾ پيدا ٿينديون آهن۔الله پاڪ هنن کي ڪامل صحت عطا فرمائي ۽ هنن جي آواز ۾ وڌيڪ تاثير پيدا ڪري۔هنن جو شمار سنڌ جي اثاثن ۾ ٿيندو آهي۔انهن جو اسان کي قدر ڪرڻ گهرجي۔

 

[ممتاز علي وگهيو]

جواب: هڪ سال جي وقفي کانپوء عابده پروين جي فن جي دنيا ۾ واپسي

سنڌ جو آواز سائڻ عابده پروين ( هڪ مختصر تعارف )​

سنڌ ڌرتي هميشه اهڙا سپوت پيدا ڪندي رهندي آهي، جن جي شخصيت جي ڪري سنڌ کي هميشه ناز رهندو آيو آهي انهن شخصيتن مان ڪيتريون ته اهڙيون شخصيتون هيون جيڪي پنهنجو وارو وڄائي ۽ راهه رباني وٺي ويا جن لاء حضرت مخدوم طالب الموله صاحب رح جن هي الفاظ چيا آهن (جهڙڦر لاتي جن، موٽيو سي ٿا وڃن ) ( مگر وري شيخ اياز صاحب سنڌ لاء هميشه اميد جي ڪرن ڏسندي ڪيڏو نه خوب چيو آهي ته جي راهه اجل ڪنهن ورتي آ، هن ڀوڻء ڪئي ٻئي ڀرٿي آ۔ ) ۔ سنڌ ڌرتي جي انهن ماياناز شخصيتن مان وادي مهرڻ جي هڪ آواز محترمه سائڻ عابده پروين پڻ هڪ آهي، ( جنهن تي سنڌ ڌرتي ۽ سنڌي ماڻهن کي ناز آهي۔ )
عابده پروين 1957ع ڌاري سنڌ جي مشهور شهر (‌جن اهڙيون شخصيتون پيدا ڪيون آهن ،جن پوري دنيا ۾ اهيو ثابت ڪيو آهي ته سنڌي ڪا قوم آهي، ۽ اها قيدري ذهين قوم آهي، ) لاڙڪاڻي جي محلي علي گوهر آباد ۾ استاد غلام حيدر خان جي گهر ۾ اک کولي ۔.سندس والد موسيقيءَ جو وڏو شوقين هو.عابده کي شروعاتي راڳ جون رمزون والد سمجهايون.والد کان بعد هن لاڙڪاڻي ۾ استاد ميهر علي خان کان موسيقيءَ جي سکيا ورتي.هن استاد سلامت علي خان ۽ استاد محمد جمن کي پنهنجو استاد ڪري مڃيو آهي.هن استاد محمد ابراهيم ۽ استاد وحيد علي خان ( استاد وحيد علي خان صاحب سان گڏ هڪ وڊيو پڻ هت ڏجي ٿي جنهن مان پڻ اهيو اندازو ٿئي ٿو ته عابده پروين محترم وحيد علي صاحب کان به راڳ جي سکيا ورتي ) ۽استاد منظور علي خان کان متاثر ٿي سندن انداز مان گهڻو ڪجهه حاصل ڪيو.
1970ع ۾ سندس خاندان لاڙڪاڻي مان لڏي مٽياري ۾ رهائش اختيار ڪئي.کيس ريڊيو تي آڻڻ وارو دين محمد زمان مٽياري هو.سڀ کان پهرين 1972 ع ۾ هن ريڊيو پاڪستان حيدرآباد جي پروگرام ” شوقيه ڳائيندڙن “ ۾ پنهنجي فن جو مظاهرو ڪيو.کيس فن کي نکارڻ ۽ سنوارڻ ۾ شيخ غلام حسين وڏي محنت ڪئي ۽ هن هڪ سال اندر تمام گهڻي مقبوليت حاصل ڪري ورتي. عابده پروين نه صرف سنڌي ۾ ڳايو پر هن سنڌي کان علاوه اردو، پنجابي، ۽ سرائڪي ۾ پڻ ڳايو، عابده پروين سنڌ ڌرتي جي اها شخصيت آهي جنهن تي پورو پاڪستان ناز پيو ڪري، عابدو پروين پاڪستان کان علاوه دنيا جي ڪيترين ئي ملڪن ۾ پڻ پنهنجي فن جو مظاهرو ڏيکاري چڪي آهي، عابدو پروين کي سندس فن جو قدر ڪندي پرائيڊ آف پرفارمنس 1982ع ۾ ڏنو ويو ۽ ستاره امتياز 2005ع ۾ ڏنو ويو، ان کان علاوه عابده کي شاه لطيف ايوارڊ پڻ ڏنو ويو هو۔ ڪمال جي ڳالهه ته اهيا آهي ته عابده پروين جي ٻولي کي نه سمجهندڙ ( انگريز ) به سندس گائڪي تي جهومندا آهن، اهيا اٿو دل ۽ من جي زبان جنهن کي لفظن جي شايد ضرورت ناهي پوندي۔ سنڌ سلامت جا دوستو هت مان توهان لاء سائڻ عابده پروين جو مختصر انٽرويو ونڊ ڪيان ٿو ، اميد ته منهنجو هي ڪم پسند ايندو۔ ادا منهنجي ته اهيا دعا آهي ته رب پاڪ کيس عمر دراز عطاء ڪري ۽ سندس سايو سنڌ مٿان رهندو اچي، ۔۔۔۔۔۔ موجوده دور ۾ سنڌ جي هي واحد فنڪارا آهي جنهن تي اسان وڏي خوشي سان ناز ڪري سگهون ٿا۔ ڇو جو هي اها فنڪارا آهي جنهن هند ۽ سنڌ ۾ پاڻ ملهايو آهي، سندس نالو هر هنڌ ۽ هر عمر جي ماڻهن ۾ عزت ۽ احترام سان ورتو ويندو آهي۔ ۔

سائڻ عابده جون مختصر انٽرويو وڊيوز​

 

[رحيم بخش]

جواب: هڪ سال جي وقفي کانپوء عابده پروين جي فن جي دنيا ۾ واپسي

محترم سائين ممتاز وگهيو جن جي خوبصورت رنگا رنگي تحرير گهڻي وقت کان پوء ملي ڏسي بيحد خوشي ٿي اميد ته سائين جن پنهنجي قيمتي وقت مان ٿورو وقت ڪڍي اسان جي ڪچهري ۾ قرب جا قدم ڀري ايندا رهندا۔

 

[سليمان وساڻ]

جواب: هڪ سال جي وقفي کانپوء عابده پروين جي فن جي دنيا ۾ واپسي

سائنڻ عابده پروين جي صحتيابي لاء دعاگو آهيون ۔۔۔۔

اسان جي دوست محترم ممتاز وگهيو کي سنڌ سلامت تي گهڻي عرصي کانپوء لاجواب تحرير موڪلڻ تي ڀليڪار ڪجي ٿو۔ اميد ته اسان جو هي دل گهريو دوست پنهنجي مصروف وقت مان ڪجهه گهڙيون سنڌ سلامت ۽ دوستن لاء وقف ڪندو رهندو۔

 

[غلام مصطفي ميمڻ]

جواب: هڪ سال جي وقفي کانپوء عابده پروين جي فن جي دنيا ۾ واپسي

ادا ممتاز وگهيو صاحب اسلام عليڪم ،ادا سائين اوهانجي واپسي هن فورم تي تمام دهماڪئدار انداز ۾ ٿئي آهي۔محترم عابد پروين جي باري ۾ اوهان جو محنت سان لکيل ليک پڙهي اسان کي ڏاڍي خوشي ٿي۔اها قوم ڪڏهن به مرده نه ٿئي ٿي سگه۔جيڪي پنهنجي فنون ادب۔فنڪار ۽ ٻين ماڻهن جن قوم جي خدمت ڪنهن به انداز ۾ ڪئي آهي ان کي نه ٿئي وساري ۽ انهن کي بهتر انداز ۾ ياد رکي ٿئي۔محترما عابد پروين جهڙا فنڪار اسان جي قوم جو اثاثو آهي ۔انهن جو اسان کي تمام گهڻو خيال رکڻ گهرجي۔توهان جا لک لائق۔

 

[سليمان وساڻ]

جواب: هڪ سال جي وقفي کانپوء عابده پروين جي فن جي دنيا ۾ واپسي

رب العالمين سنڌ جي هن صوفي منش ڳائڻي کي پنهنجي امان ۾ رکي، لطيف سرڪار کي پنهنجن سرن سان سنواريندڙ ۽ سنڌي فڪر کي دنيا ۾ راڳ ذريعي روشناس ڪرائيندڙ هي ڳائڻي سنڌ جو ورثو آهي ۽ اسانجو شان آهي،

اسانجون نيڪ تمنائون ۽ دعائون ساڻس گڏ آهن ۔۔۔۔ سندس تازو ڳايل گيت هٿ اچن ته ضرور ونڊ ڪجو ۔۔۔

سنڌ سلامت ساٿ سلامت

سائين نثار سلام

ان پروگرام ۾ ڳايل وڊيو گيت به جلد ملي ويندا پر اسان جي دوست ۽ نوجوان سماجي ورڪر انجنيئر فدا حسين وساڻ پاران ونڊ ڪيل ان پروگرام جون ڪجهه تصويرون ونڊ ڪجن ٿيون:

​

وڌيڪ تصويرن لاء فيسبوڪ جي هن البم جو ڀيرو ڀريو

 

[شوڪت ٻروهي]

جواب: هڪ سال جي وقفي کانپوء عابده پروين جي فن جي دنيا ۾ واپسي

واپسي تمام سٺي ڳاله آهي۔ الله پاڪ کان جلد صحتيابي جي لاءٍ دعا گو آهيان