سنڌ سلامت پاران هند ۽ سنڌ جي مشهور ليکڪا ۽ شاعره محترمه اندرا شبنم پونا والا کي جنم ڏينهن تي واڌايون پيش ڪجن ٿيون۔ محترمه اندرا شبنم فيسبوڪ ۽ سوشل نيٽورڪس تي گهڻو سرگرم ۽ سڀني جي پسنديده شخصيت آهن. اندرا شبنم جو جنم 24 نومبر 1950ع تي ڪراچي ۾ ٿيو. هن وقت پاڻ پونا ۾ رهن ٿيون. هوء بي اي ۽ بي ايڊ آهي. اندرا شبنم پنهنجي ڪيريئر ۾ 1979ع کان تعليم سان لاڳاپيل آهن، پاڻ يوگا جون به بهترين استاد آهن. سندن اصل سڃاڻ شاعري ۽ ادبي ميدان ۾ سندس سرگرميون آهن. اندرا شبنم اندو سنڌي، اردو، هندي ۽ مراٺي زبانن ۾ شاعري ڪئي آهي ۽ ڪهاڻيون لکيون آهن. هوء ڪهاڻيء جي به بهترين ليکڪا آهي. اندرا شبنم ڪيترن ئي پروگرامن ۽ سيمينارن ۾ پنهنجي شاعري ۽ ڪهاڻي پيش ڪندي رهي آهي. جنوري 2011ع ۾ هيرو ٺڪر، ومي سدا رنگاڻي سان گڏ هوء پنهنجي ماتر ڀومي سنڌ جي دوري تي آئي، جنهن ۾ هوء شاهه لطيف ڀٽائي جي ميلي ۾ شرڪت ڪرڻ سان گڏ حيدرآباد ۽ ڪراچي ۾ مختلف سيمينارن ۾ شرڪت ڪندي رهي. سند ڇپيل ڪتابن ۾ هيٺيان ڪتاب شامل آهن : شبنمي قطر،1991ع (سنڌي : شاعري)، دهلي اڪيڊمي اوارڊ عبادت، 1996ع (هندي ۽ سنڌي ڪهاڻيون) گجراتي اڪيڊمي اوارڊ سالن جو سک، 2000ع (سنڌي شاعري) تصويرين، 2002ع (هندي شاعري) سرگوشيان، 2003ع (اردو شاعري) سلسلي، 2003ع (هندي شاعري) دستڪ، 2004ع (هندي شاعري) عبادت، 2006 (اردو ڪهاڻيون) جاڳيل ضمير، 2007 (سنڌي شاعري) ان کانسواء سندس ڪيترائي ڪتاب ڇپائيء جي مرحلي ۾ آهن. ____
جواب: هند ۽ سنڌ جي مشهور شاعره ۽ ليکڪا محترمه اندرا شبنم کي جنم ڏينهن جون واڌايون کيس پڻ سنڌ سلامت فورم پاران سندس جنم ڏينهن جي موقعي ته لک لک واڌايون هجن سدائين گڏ
سنڌي ٻولي جي سُٺي شاعره محترمه اندرا شبنم پوناوالا کي سندس جنم ڏينهن تي واڌايون هجن، 1116 اٽيچمينٽ ڏسو 1115 اٽيچمينٽ ڏسو
هي منهنجي ديس جي جلاوطن شاعرا آهي،جنهن کي مان ”امان“ ڪري سڏيندو هان ۽ هو به پاٻوهه وڃان چوندي آ ”منهنجا معصوم پٽ“ هن سان ڳچ وقت کان سوشل ميڊيا ذريعي رابطو هلي پيو۔کيس صلاح به ڏني ته هو سنڌ سلامت جي وزٽ ڪري شايد ڪئي هجائين به الائجي نه۔جڏهن سنڌ آئي هئي تڏهن ڏاڍو سرهي هئي۔”عوامي آواز“ ۾ هن جو اچڻ ۽ مقدس مرڪ جا پڻچي اڏارڻ مون کي ڏاڍو وڻيا۔هن جي مک تي سچ ته سنڌ جو ئي پرتو ۽ پرڪاش نظر اچي ٿو۔
