جواب: سنڌ سلامت جي سونهن سائين نثار ابڙو کي 6000 تحريرون لکڻ تي واڌايون
محترم ۽ مانواري ڏاھي سنڌ دوست سائين نثار ابڙو صاحب جن کي مون پاران به 6000 تحريرون مڪمل ڪرڻ تي واڌايون۔۔۔۔يقينن سائين جن جي ھنن 6000 تحريرن مان مونسان گڏ سموري سنڌسلامت جي سنڱت گھڻو ڪجھ سکيو ھوندو۔
مان سائين جن کان گھڻو ڪجھ سکيو آھي ۽ اڃان به وڌيڪ سکڻ جي ڪوشش ڪريان ٿو۔۔۔۔۔مولا سائين جن کي وڏي حياتي ڏي۔۔۔آمين
جواب: سنڌ سلامت جي سونهن سائين نثار ابڙو کي 6000 تحريرون لکڻ تي واڌايون
سائين نثار کي سنڌ سلامت فورم تي 6000 تحريرن جو انگ مڪمل ڪرڻ تي جس هجي سندن هر تحرير مان اسان جهڙن سيکڙاٽن کي ڪا نه ڪا نئي شي سکڻ لا۽ ملندي آهي سائين جي محنت تي کيس سلام هجي
جواب: سنڌ سلامت جي سونهن سائين نثار ابڙو کي 6000 تحريرون لکڻ تي واڌايون
مون پاران سائين نثار صاحب جن کي واڌايون، اهڙا لفظ ئي نه ٿا لڀجن جن سان محترم ۽ پياري شخصيت کي مان خراج تحسين پيش ڪري سگهان۔
بس ايترو چوندس ته مون سائين جن کان گهڻو ڪجھ پرايو آهي اها مون کي ئي خبر آهي، سائين جن پاڻ ڪهڙي به حال ۾ هجن پر اسان جي مختلف سوالن جا ڌيرج ۽ ڏاهپ سان جواب ڏيڻ، سمجهائڻ جو اسٽائل کين اڄ جو ارسطو بڻائي ڇڏي ٿو، سائين جن جي فلسفي کي هر وڏڙو، جوان ۽ ننڍڙو آسانيءَ سان سمجهي سگهي ٿو ۽ سندن سمجهاڻي خاص پنهنجي لاءِ ئي سمجهي ٿو، هت هر دوست ائين ئي دل سان سمجهي ٿو ته سائين نثار ابڙو صاحب جن جي محبت گهڻي ساڻس سان ئي آهي، مان به ائين ئي سمجهان ٿو ته سائين جن سڀ کان وڌيڪ مون سان ئي محبت ۽ شفقت ڪن ٿا۔
سائين جت به هجو هميشه سلامت هجو، خوش هجو۔
جواب: سنڌ سلامت جي سونهن سائين نثار ابڙو کي 6000 تحريرون لکڻ تي واڌايون
هڪ اهڙي پر اثر شخصيت جنهن کي سامهون ويهي ٻڌجي يا سندس لکيل هر ليک پڙهجي ۔۔۔فيصلو ڪرڻ هر دفعي ڏکيو هوندو آهي ڇو ته چاهي سندس ليک هجي يا چاهي سائين سمهون هجن۔۔ کين پڙهندي ۽ ٻڌندي ڄڻ وقت هڪ جاءِ تي بيهي رهندو هجي۔۔۔
سندس ڳالهائڻ ۾ مٺاس ته آهي ئي پر جڏهن لکندو آهي ته ڄڻ اهو سمورو ليک لکيو ئي پڙهندڙ لاءِ اٿائين۔۔۔ پڙهندڙ سندس ليک کي پنهنجي وارتا پيو سمجهندو آهي۔۔۔ سچي به ڪڏهن ڪڏهن مان ڪنهن موضوع تي لفظ پيو ڳوليندو آهيان ۽ سائين نثار اها ڳالهه اڳ ئي ڪري ڇڏيندا آهن۔۔۔
سندن ڪچهري ۾ سنڌي ٻولي جي عام ۽ سادن جملن کي ايترو خوبصورتي سان استعمال ڪندا آهن جو اهي لفظ ياد ڪرڻ تي دل گهرندي آهي۔۔۔ سندس ليکن تي هڪ دفعو وري نظر وجهي جيڪڏهن گڏڪجي ته سندس شخصيت قابل، محترم ۽ اعلى طور واضح ٿي ويندي۔۔۔
سندس هر ليک ۾ سبق ملندو آهي۔۔۔ سنڌ سلامت تي لکندڙ ساٿي کي جڏهن سائين نثار طرفان جواب ملندو آهي ته ان رڪن کي جهڙوڪ پنهنجي محنت جو ڦل ملي پوندو آهي۔۔ سائين جن جي سنڌ سلامت سان محبت جي وري ڪهڙي ڳالهه ڪجي جو پاڻ انتهائي مشڪل ڊيوٽي دوران به سنڌ سلامت کي دل سان لڳايو ويٺا هوندا آهن۔۔۔ جڏهن سنڌ سلامت کي اپڊيٽ ڪرڻ خاطر سنڌ سلامت فورم کي عارضي بند ڪرڻو پوندو آهي ته اهو سچي اپڊيٽ به ملتوي ڪري ڇڏيندو آهيان ته سمورو وقت سنڌ سلامت کي ارپيندڙ هي مهربان ساٿي ان جي غير موجودگي جو وقت آخر ڪاٽيندا ڪيئن۔۔۔
سنڌ سلامت جي ساٿين سان محبت ايتري جو ڪنهن کي ڪجهه ڏينهن نه ڏسن ته انهن لاءِ فورم تي ليک ئي ٺاهي ڇڏين۔۔۔ جي اهو مناسب نه لڳي ته ڪچهري ۾ ضرور ان ڳالهه کي سامهون آڻيندي ان رڪن جي طبيعت جو پڇا ڪندا وتندا آهن۔۔۔
سندن شخصيت ۽ سنڌ سلامت تي ڪيل سندن ڪم کي ڏسي برملا سنڌ سلامت سندن تي فخر ڪري ٿي۔۔۔ منهنجو به ڳاٽ اوچو ٿئي ٿو ته اهڙي مهربان ۽ انتهائي قابل شخصيت منهنجي دوستن ۾ شامل آهي۔۔۔۔
جواب: سنڌ سلامت جي سونهن سائين نثار ابڙو کي 6000 تحريرون لکڻ تي واڌايون
سنڌ جي ديواني عاشق سائين نثار ابڙو صاحب کي 6000 تحريرون لکڻ تي لک لک مبارڪون ۔ سائين نثار ابڙو صاحب جي لکڻين مان اندازو لڳي ٿو ته سائين جي رڳ رڳ ۾ سنڌ سان محبت سمايل آهي
جواب: سنڌ سلامت جي سونهن سائين نثار ابڙو کي 6000 تحريرون لکڻ تي واڌايون
ڪنهن جي منهن ۾ مصري،ڪنهن جو وات گلاب۔
اهو ماڻهو لاجواب ۔لطف جن جي لفظن ۾۔
ادا نثار ابڙو صاحب جن انهن ڏاهن ۾ هڪ آهن جنهن جي اندر مٿيون ٽئي خصوصتيون موجود آهن ۔سائين جي لکڻين کان ته اسان اڳئي م ئي ڪافي متاثر(impress) هئاسين پر جڏهن اسان جي هنن سان آمهون سامهون ملاقات ٿئي ته سائين جن جي شخصيت ۽ گفتگو مان به ڪافي امپريس ٿياسين۔هو محفل جي مور وانگر هر موضوع تي تمام گهڻي ڄاڻ ۽ گهرئي نظر رکندڙ انسان طور نظر آيا۔هو الفاظن ۽ ڄاڻ جي گهري سمنڊ ۾ ُغوطا لڳائي هيرن جهڙي قيمتي معلومات کي سون جهڙن چمڪندڙ الفاظن سان هن فورم جي ڪينئوس تي چٽيندا رهندا آهن ۔نوائن ۽ پراڻن ميمبرن جي همٿ افزائي ۽ مدد ڪرڻ لاء هر وقت تيار نظر ايندا آهن۔سائين جن انهن ميمبرن مان آهن جن جون تحريرون توهان کي هر موضوع تي ملنديون۔حالائنڪ هنن جو بزنس جون مصروفيات تمام گهڻيون آهن ۔ان جي باوجود به هو اسان جي هن محبتي اڳڻ کي تمام گهڻو ٽائيم ٿا ڏين۔انهن جي ليکن جي تعريف ڪرڻ ائين آهي جهڙوڪ چنڊ کي ڏيئي جي روشني ڏيکارڻ۔ادا نثار جهڙي ڏاهي لاء 6000 تحريرن جو سگ ميل پار ڪرڻ ڪو وڏو ڪم نه آهي۔انهن ۾ اهئي خاصيتون آهن جو اهڙا ڪيترائي سگ ميل پار ڪري سگهن ٿا۔بهرحال اسان جي طرفان به سائين جن کي لک لک واڌايون هجن 6000 لکڻيون لکڻ تي۔ادا نثار ابڙو صاحب توهان اسان جهڙن ميمبرن لاء مشعل راُھ آهيو۔توهان جي لاء هيٺيون چند لائينون۔۔۔
اوهان جي محبتن جا گلاب سدائين ساوا هجن۔
اوهان جي چهري جي مرڪ ميري نه ٿئي،
شال اوهانجي ڪاميابين جا پوپٽ آخري منزل تائين اڏريندا رهن،
دعا آهي ته الله پاڪ اوهانجي هر دلي تمنا پوري ڪري ۽ توهان جي ڏاهپ کي زنگ کان پنهنجي پناه ۾ رکي۔هميشه خوش رهو۔ آمين۔
آءُ ته ڪچو ڪائو، گيدي ۽ اٻوجهه انسان هيس پر اي سنڌ! تنهنجي پيار مونکي سون بڻائي ڇڏيو، سنڌ سان پيار ڪرڻ جي موٽ ۾ اهڙو ته خزانو مليو آهي جنهن کي ڪيترين ئي تارازين ۾ تورجي ته به اڻ کٽ آهي ... اي سنڌ! تنهنجي عظمت ۽ قدامت مونکي به اچو ۽ قداور ڪري ڇڏيو آهي، تنهنجي سونهن ۽ حسن مونکي به حسين ۽ سهڻو ڪري ڇڏيو آهي، ڪاش آءُ هر هر جنم وٺان ۽ تنهنجي نالي سان جڙيل هجان ۽ پاڻ کي سنڌي سڏايان ۽ سنڌ سلامت جي دوستن سان دوستيون نڀايان ....
دوست سليمان وساڻ جي همٿ افزائي ۽ مانُ، طاهر سنڌيءِ جا قرب، عاشق سولنگي جي نيازمندي، ڦلپوٽي فقير جا اڃان اڳتي جا ڏس، رشيد سمي جي سڄڻائپ ۽ نهٺائي، رحيم بخش جون دعائون، افخار چوهاڻ جي دوستي، نثار ناز جي رهنمائي، رسول بخش جوڻيجي جي تعريف، محترم غلام مصطفي ميمڻ جي سٻاجهڙائپ ۽ ايمان، فاروق سومري، مجيب ڪورائي، غضنفر اقبال ۽ رياض گلال جي ساراهه .... ايتريون ڳالهيون گڏ ڪجن ته مون جهڙو خوشنصيب ۽ نصيب جو ڌڻي ڪو ٻيو؟
ٿورائتو آهيان انهن سنڌ سلامت جي اڻ ڳڻين دوستن جو جيڪي سنڌ سلامت تي اچن ٿا ۽ پنهنجي ڏاهپ سان اسانجي اندر کي اجارن ٿا ... آءُ احسانمند آهيان مهمان طور ايندڙ سڀني دوستن جو جيڪي پڻ سنڌ سلامت جي سونهن آهن ۽ خاموشيءَ سان سنڌ سلامت جي اهميت کي وڌائن ٿا ....
لک قرب اوهان دوستن جا جو منهنجي هن بي لوث خدمت جو سلو پنهنجن هيرن جهڙن لفظن سان ادا ڪري منهنجي محنت سجائي ڪئي اٿوَ ... آءُ هن ڪهاوت تي عمل ڪرڻ جي ڪوشش ڪندو آهيان ته “ لائجي ته نڀائجي نه ته اصل نه لائجي”، انڪري جڏهن سنڌ سلامت جي اوطاق ۽ ان جي دوستن سان دوستي لائي آهي ته ڌڻيءَ جي رضا سان توڙ نڀائبي ... ۽ نڀائجي به ڇونه جنهن اوطاق جو مقصد ئي سنڌ ۽ سنڌيت هجي، جنهن اوطاق تي منهنجي مٺڙي ٻوليءَ جو مان مٿاهون ڪيو ويندو هجي، جنهن اوطاق تي منهنجي مٺڙي ٻوليءَ جا خزانا گڏ ٿيل هجن ۽ گڏ ٿيندا هجن ته ان اوطاق کان پنهنجي دوري ٿئي به ڪيئن ...؟؟؟
اميد ڪريانٿو ته اوهان سڀ دوست هن سنڌ سلامت جي لئه پنهنجي پنهنجي سگهه آهر پاڻ ملهائيندا رهندا ۽ سنڌيت جا سور ۽ سنڌيت جا ڏک درد ڏور ڪرڻ جي ڪوشش ڪندا ...
