دنيا به عجيب آهي۔ ڪٿي گرمي ته ڪٿي سردي۔ ڪٿي برف ته ڪٿي سخت ڪاڙهو ۽ اُلا پيا اڏرن۔ اوهان اڳيان دنيا جي ڪجهه گرم، ترين علائقن جو ذڪر ڪجي ٿو۔ اميد ته هي ڄاڻ اوهان لاء فائديمند ثابت ٿيندي۔
1۔ ڊلول (ايٿوپيا) :
ايٿوپيا جو علائقو ڊلول دنيا جو گرم ترين علائقو آهي جيڪو سمنڊ کان 328 فٽن جي بلندي تي واقع آهي۔ جيتوڻيڪ هي دنيا جي خوبصورت علائقن مان هڪ آهي پر هتي سراسري گرمي پد 94 ڊگري فيرنهائيٽ رهي ٿو۔ ڪڏهن ڪڏهن ڏينهن جو هتي 145 ڊگري فيرنهائيٽ به گرمي رڪارڊ ڪئي وئي آهي۔
2۔ لبيا (العزيزيه):
لبيا جو علائقو العزيزيه دنيا جو ٻيو نمبر گرم ترين علائقو آهي۔ هي صحرا تي مشتمل علائقو آهي۔ هتان جو سراسري گرمي پد 136 ڊگري فيرنهائيٽ رهي ٿو۔
3۔ ڊيٿ ويلي ڪيليفورنيا
ڊيٿ ويلي ڪيليفورنيا دنيا جو ٽيون نمبر گرم ترين علائقو آهي۔ هتان جو سراسري گرمي پد ڏينهن جو 115 ۽ رات جو 86 ڊگري فيرنهائيٽ رهي ٿو۔
4۔ بئنڪاڪ:
حيرت انگيز طور سياحن جو مقبول شهر ٿائلينڊ جو دارلحڪومت بئنڪاڪ هن لسٽ ۾ چوٿين نمبر تي آهي۔ هتي سياري ۾ به سراسري گرمي پد 85 ڊگري فيرنهائيٽ رهي ٿو۔
5۔ ڪويت:
عرب ملڪ ڪويت سٽي جو علائقو گرم ترين شهرن ۾ پنجين نمبر تي آهي۔ هتي سڀ ماڻهو گهڻو ڪري ايئرڪنڊيشنڊ ماحول ۾ رهن۔ هتان جو سراسري گرمي پد 116 ڊگري فيرنهائيٽ رهي ٿو۔
6۔ ايران جو شهر احواز:
ايران جو شهر احواز هن لسٽ ۾ ڇهين نمبر تي آهي جيڪو سمنڊ کان صرف 76 فٽ جي بلندي تي آهي۔ هتي گرم موسم ۾ سراسري گرمي پد 129 تائين پهچندو آهي ۽ رهي سهي ڪسر وري هتان جا صحرائي طوفان ۽ گرم جهولا پوري ڪري ڇڏيندا آهن۔
7۔ عمان جو شهر سامل:
عمان جو شهر سامل گرم ترين علائقن م ستين نمبر تي آهي۔ گرمين جي ڏينهن ۾ هتان جو سراسري گرمي پد 109 ڊگري فيرنهائيٽ رهي ٿو۔ پر هتان جون راتيون گهڻو خشڪ ٿين۔
8۔ ايروزينا جو علائقو زينه :
اٺين نمبر تي ايروزينه جو علائقو زينه آهي۔ گرمين ۾ هتان جو سراسري گرمي پد 104 ڊگري فيرنهائيٽ رهي ٿو۔ آمريڪا جي موسميات کاتي وارن ته هن کي گرم ترين علائقو ڪوٺيو آهي۔
9۔ وينزويلا جو شهر ڪليوڊيڊ بوليوار :
ٽي لک 40 هزار آبادي وارو هي شهر دنيا جي گرم ترين شهرن مان آهي جيڪو درياء جي ڪناري تي واقع آهي۔ هتان جو سراسري گرمي پد 94 ڊگري فيرنهائيٽ رهي ٿو۔
10۔ ايٿينز (يونان) :
گرم ترين شهرن مان يونان جو تاريخي شهر ايٿينز 10 هين نمبر تي آهي۔ آگسٽ جي مهيني ۾ پوندڙ گرمي ۾ ماڻهو ٻاهر نڪرڻ جو ته سوچيندا به ناهن۔ کو ته 92 ڊگري فيرنهائيٽ جون هلندڙ گرم هوائون اسپتال داخل ڪرائي ڇڏينديون آهن۔
حوالو : هماري ويب
