آزاد نظم پيار نسيم حيدري +++++++++ تنهنجو منهنجو پيار ايئن آ، جيئن ... سنڌوءَ جو پرتر پاڻي جيئن ... گلن ۾ سرهاڻ جيئن ... چانڊوڪيءَ ۾ چانڊاڻ جيئن ... سندرتا جا سڀيئي رنگ جيئن ... تنهائن ۾ احساس ڏيندڙ ڪا سوچ جيئن ... گھايل دل جي صدا جيئن ... پره جو پکيئڙن جي مٺڙي لات تنهنجو منهنجو پيار امر آ ۽ امر رهندو ايندڙ ڪئي جڳن تائين ..
جواب: ”پيار“ نسيم حيدري جڏهن انسان جي اندر ۾ پيار جاڳندو آهي ته سندس حالت ڪجهه اهڙي ٿي ويندي آهي جنهن کي عام ماڻهون ديوانگي چوندا آهن ۔۔۔ ڇو جو پيار ڪرڻ واري ماڻهون کي هجوم ۾ تنهائي ۽ تنهائي ۾ هجوم ملندو آهي، پيار ڪرڻ واري ماڻهون کي تتل اس ۾ ٿڌيون هوائون لڳنديون آهن، پيار ڪرڻ واري ماڻهون کي ڊسمبر جي مهيني ۾ به گرمي محسوس پئي ٿيندي آهي ۔۔۔ مطلب جيڪي عام ماڻهون جي سمجه کان ٻاهر حالتون هونديون آهن اهي پيار ڀري دل ۾ پئدا ٿي پونديون آهن ۔۔۔ بشرطيق پيار سچو ۽ حقيقي هجي ۔۔۔ ڪاش اهو پيار هر ڪنهن دل ۾ گهر ڪري وڃي ۔۔۔ ٿورا دوستن جا ۔۔۔ سنڌ سلامت ساٿ سلامت
جواب: ”پيار“ نسيم حيدري چانڊوڪيءَ ۾ چانڊاڻ جيئن ... تنهنجو منهنجو پيار امر آ ۽ امر رهندو ايندڙ ڪئي جڳن تائين .. پيار امر رهندو ۔۔۔۔۔۔۔ ڊسمبر ۽ جنوري جا مهينا وري انهن ۾ پيار وارا نظم ۔۔۔۔۔۔۔۔۔۔۔۔ ادي نسيم جي احساسن کي سمجهي سگهجي ٿو۔ تمام سهڻو نظم
جواب: ”پيار“ نسيم حيدري پره جو پکيئڙن جي مٺڙي لات تنهنجو منهنجو پيار امر آ ۽ امر رهندو ايندڙ ڪئي جڳن تائين .. ادا نثار ابڙو صاحب اسلام عليڪم۔نسيم حيدري صاحب جي سٺن احساسن تي مبني شاعري اوهان جي خوبصورت رنگ ۾ رنگيل(ڊيزائن) ۾ پڙهي ڏاڍو لطف آيو۔توهان جي مهرباني۔
جواب: ”پيار“ نسيم حيدري سائين محترم اوهانجا لک ٿورا جو اوهانکي نظم سان گڏ منهنجي ڪيل ڪرت پڻ پسند آئي، اوهانجي ڄاڻ لئه ته هي نسيم صاحبه آهي ” صاحب“ ناهي ۽ سنڌ جي سهڻي اديب ۽ مفڪر محترم سائين شمشير الحيدريءَ جي نياڻي آهي، جيتوڻيڪ پاڻ هاڻ رواجي اديبه ناهي ۽ گهريلو ذميوارين ۾ ڦاٽل آهر پر شوقِ محبت ۾ ڪڏهن ڪڏهن شاعري ڪري وجهندي آهي ۽ اها شاعري مونکي هٿ اچي ويندي آهي ۔۔۔ بس پوءِ آءُ اوهان دوستن سان ونڊ ڪرڻ ۾ دير ناهيان ڪندو ۔۔۔ ٿورا ناهن ٿورا مونتي ماروئڙن جا ۔۔۔
