ميلي ۾ تُون تنها تنها، ڪنهن کي ڳولين ٿو؟

'شيخ اياز' فورم ۾ حسين جوڻيجو طرفان آندل موضوعَ ‏27 جنوري 2012۔

  1. حسين جوڻيجو

    حسين جوڻيجو
    نئون رڪن

    شموليت:
    ‏11 ڊسمبر 2011
    تحريرون:
    52
    ورتل پسنديدگيون:
    10
    ايوارڊ جون پوائينٽون:
    0
    ميلي ۾ تُون تنها تنها، ڪنهن کي ڳولين ٿو؟
    اک ۾ ڳوڙها، هٿ ۾ گجرا، ڪنهن کي ڳولين ٿو؟

    سَر سوتيءَ جي مندر ڀرسان بيٺو واجھائين،
    ڪنهن لئه ترسي تنهنجي وِينا، ڪنهن کي ڳولين ٿو؟

    تُنهنجون اکڙيون پو به اُڃايون، تَل تَرايون سَوَ،
    هرڻيءَ جھڙا منهنجا هِردا، ڪنهن کي ڳولين ٿو؟

    سانجھيءَ ٽاڻي ڪارا ڪڻڇي آکيري آيا،
    پرڙا کولي پيار ـــــ پکيئڙا، ڪنهن کي ڳولين ٿو؟

    ساري جيون مايا سپنو، تنهن ۾ سَوَ سپنا،
    او سپنا، سپني جا سپنا! ڪنهن کي ڳولين ٿو؟

    پير پَٽيءَ تي ناهي تُنهنجو، ڪهڙو تنهنجو ماڳ؟
    رستي مان نڪتا سَوَ رستا، ڪنهن کي ڳولين ٿو؟

    او رکوالا! کوٽين ڇو ٿو هيءَ جيون جي رکَ،
    آڻي اگنيءَ جھڙي آشا، ڪنهن کي ڳولين ٿو؟

    اونهاري جو سِجُ ته ناهي، آهه ازل جي اکَ،
    هاءِ، ڇڏي ڇَنَ جا ڇانورڙا، ڪنهن کي ڳولين ٿو؟

    دانهون ٿو درياهُه ڪري، ٻُڌ ڪُن ڪُن جا ڪڙڪا،
    ٻيڙيءَ ٻيڙيءَ ۾ او ٻوڙا! ڪنهن کي ڳولين ٿو؟

    ڪاري رات، ڪَتيءَ ڏي ڪَرڪِي، ڪائي ڪُونج اُڏي،
    پيارا تُون به تڪيندي تارا، ڪنهن کي ڳولين ٿو؟

    وَسندو رهندو آهي تو وٽ، سانَوَڻ ساري رات،
    ڳوڙها ڳوڙها نيڻ نماڻا! ڪنهن کي ڳولين ٿو؟

    ڪوبه نه ايندو ، ڪوبه نه ايندو، ڪوبه نه تُنهنجي دُوار!
    بند ڪري ڇڏ هي دروازا، ڪنهن کي ڳولين ٿو؟

    اَڻ ٿيڻيءَ کي چاهين، تنهنجي ٿِڻيءَ سان نه پَوي،
    ڏِس ٿيڻيءَ جا ٿوڻيون ٿنڀا! ڪنهن کي ڳولين ٿو؟

    هي مَٿرا جا مندر، سانجھيءَ ويلي جمنا گھاٽَ،
    مَنَ ۾ سِنڌوءَ جا سَوَ سپنا، ڪنهنن کي ڳولين ٿو؟

    برندا بَن ۾ آيو آهين، ڪنهن جي لاءِ ڪَوي،
    ڪنهن جي بنسي! ڪهڙي راڌا؟ ڪنهن کي ڳولين ٿو؟

    شايد تُون ئي پاڳل پُري پاڳل خاني ۾ ــــــ
    پاڳل گڏجي توتي کِلندا! ڪنهن کي ڳولين ٿو؟

    هارُ هندوري ۾ ڪيرايو، جيڪو مُنڌَ مُئيءَ،
    موتي موتي ٿي ويو پيارا! ڪنهن کي ڳولين ٿو؟

    خاڪ اُڏاڻي، ڪاڪ ڪري پئي، پوئين پهر ’اياز‘!
    ڪهڙي مُومل منهنجا راڻا! ڪنهن کي ڳولين ٿو؟
     
  2. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,935
    ورتل پسنديدگيون:
    27,276
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي
    جواب: ميلي ۾ تُون تنها تنها، ڪنهن کي ڳولين ٿو؟

    ڪوبه نه ايندو ، ڪوبه نه ايندو، ڪوبه نه تُنهنجي دُوار!
    بند ڪري ڇڏ هي دروازا، ڪنهن کي ڳولين ٿو؟

    دوست جوڻيجا صاحب ۔۔۔ خوبصورت شاعري جي چونڊ

    اياز جي هن شاعري کي پڙهڻ سان ماڻهو الائي ڪهڙن خيالن ۾ هليو وڃي ٿو۔ هر سٽ لاجواب آهي۔

    [​IMG]
     
  3. رياض حسين گلال

    رياض حسين گلال
    نئون رڪن

    شموليت:
    ‏19 نومبر 2009
    تحريرون:
    4,559
    ورتل پسنديدگيون:
    341
    ايوارڊ جون پوائينٽون:
    0
    ڌنڌو:
    Student
    ماڳ:
    راڌڻ اسٽيشن ضلعو دادو
    جواب: ميلي ۾ تُون تنها تنها، ڪنهن کي ڳولين ٿو؟

    واهه سائين واهه
     

هن صفحي کي مشهور ڪريو