سنڌ سلامت پاران سڀني مسلمانن کي عيد ميلادالنبي جون واڌيون

[سليمان وساڻ]

سنڌ سلامت سٿ پاران عالم اسلام کي عيد ميلاد النبي جي خوشين ڀري موقعي تي مبارڪون پيش ڪجن ٿيون۔

​

رسول ڪريم صه جي زندگي سموري انسانيت لاء اعلى مثال ۽ رحمت جو ذريعو آهي۔ رسول محمد صه جن اونداهي دور ۾ انسانيت جي اميد بڻجي آيا ۽ پوء هنن جي شخصيت ساري عالم کي منور ڪري ڇڏيو۔

بُرو هو ڀَنڀورُ، جو آرِياڻِيءَ اُجارِيو؛
لاٿو سَڀَ لوڪَ تان، هاڙهي ڌَڻِيءَ هورُ؛
ڇورِيُون ڇُرَڻُ سِکـيُون، پُنهون ڪَيائُون پورُ؛
آيو سو اَتورُ، جنهن ڏُکيُون ڏِکَ وِهارِيُون.
​

ان رحمت اللعالمين جي تعريفون ڪندي ڏينهن گذري وڃن، ڪاغذ کٽي وڃن ۽ مس ختم ٿي وڃي پر سندس گڻ ۽ وصفون ۽ تعريفون ختم ڪونه ٿينديون۔ دعا آهي ته رب پاڪ اسان کي به رسول ڪريم صه جي زندگيء تي هلڻ جي توفيق ڏئي جيئن اسان انسانيت جو اعلى معراج ماڻي سگهون ۔۔۔۔ آمين

 

[رشيد سمون]

جواب: سنڌ سلامت پاران سڀني مسلمانن کي عيد ميلادالنبي جون واڌيون

مهربانيون ۔۔ مسرت جو ڏينهن آهي۔۔۔

 

[رحيم بخش]

جواب: سنڌ سلامت پاران سڀني مسلمانن کي عيد ميلادالنبي جون واڌيون

سائين اوهان جي مهرباني جو هن موقعي جي مناسبت سان تمام خوبصورت ڊزائن ۾ پيغام موڪليو اٿوَ جزاڪم الله خيرا۔