سنڌ جي مهان شاعر شيخ اياز جي جنم ڏينهن تي سندس شاعريء مان چونڊ شعر پيش آهن۔ هيء سَين نه ڏيندي چين اٿي ڏس ، ڪوئي آيو آ پيارا هي شايد ساڳيو رمتو آ، اڳ جــيئن اُڃـــايو آ پيارا
جواب: هيء سَين نه ڏيندي چين ، اٿي ڏس ، ڪوئي آيو آ پيارا شيخ اياز ڌرتي جو شاعر جنھن جي لفظن ۾ تعريف ڪرڻ اسان نادانن جي وس جي ڳالھ ئي نه آھي۔ اوءِ پر متڙيا، ڪونه سمجهي سگهئين هيءَ ڪوتا نه هئي، ڪا نئين مت هئي!
جواب: هيء سَين نه ڏيندي چين ، اٿي ڏس ، ڪوئي آيو آ پيارا ادا سليمان وساڻ صاحب۔شيخ اياز جي خوبصورت بيتن کي اوهان پنهنجي پياري ڍيزائن جي رنگ ۾رنگي انڍلٺ وانگر هن اڳڻ جي آسمان تي نروار ڪيو آهي۔توهان جالک لائق
جواب: هيء سَين نه ڏيندي چين ، اٿي ڏس ، ڪوئي آيو آ پيارا مهربانيون سائين شيخ اياز شايد دنيا ۾ سڀ کان وڌيڪ شاعري ڪندڙ شخص آهي جنهن جا لڳ ڀڳ شاعريء جا 60 ڪتاب ڇپيا آهن۔ سندس هي شعر به سڀني جي دل جي ترجماني ٿو ڪري۔
جواب: هيء سَين نه ڏيندي چين ، اٿي ڏس ، ڪوئي آيو آ پيارا ادا اهو بيت اسان سان نائين ڪلاس ۾ پڙهندڙ هڪ ڇوڪرو مصري مينگهواڙ ٻُڌائيندو هو۔ شايد مون کي صحيح ياد نه هجي تنهن ڪري غلطي جي تصديق ضرور ڪئي وڃي، ڪجهه بيت هن ريت هئا۔ ڪنهن ڪاري چُڳ تي رات کُٽي ڪنهن ڳاڙهي ڳل تي باک ڦٽي ايئن وقت ڪٽيو ائين عمر لُٽي سڀ سانگ سجايو آ پيارا جنهن وقت اسان جي تند تپي ۽ ساز ٽِپي آواز جهپي تنهن وقت ڀلي ڪو ڪنڌ ڪپي جو آيو ڳايو آ پيارا تمام بهترين شاعري آهي۔ ۽ ها شايد هي اڃان به پورو نه هجي۔ ڪنهن وٽ مڪمل هجي ته هتي ونڊ ڪري۔
جواب: هيء سَين نه ڏيندي چين ، اٿي ڏس ، ڪوئي آيو آ پيارا شيخ اياز جو هي مڪمل غزل پيش ڪجي ٿو: هيءَ سين نه ڏيندي چين، اُٿي ڏس، ڪوئي آيو آ پيارا! هي شايد ساڳيو رمتو آ، اڳ جيئن اُڃايو آ پيارا: جنهن وقت چراغِ شام ٻري، ۽ ميخاني ۾ جام ٻري، تنهن وقت اسان جو پنڌ پري، پنهنجو به پرايو آ پيارا! جنهن وقت اسان جي تند تپي، ۽ ساز ٽپي آواز جهپي، تنهن وقت ڀلي ڪو ڪنڌ ڪپي، جو آيو، ڳايو آ پيارا! ڏس ڏس، ماڻهوءَ جي مٽيءَ کي مون ڳوڙهي ڳوڙهي سان ڳوهي، ڪهڙو نه لسايو آ پيارا، ڇا جام بڻايو آ پيارا! ڪنهن ڪاريءَ چُڳ تي رات کٽي، ڪنهن ڳاڙهي ڳَل تي باک ڦٽي، ايئن وقت ڪٽيو، ايئن عمر لٽي، سڀ سانگ سجايو آ پيارا! هي ڪارو ڪارونڀار ته ڏس، هو ڏورانهون ڏهڪار ته ڏس، مون ڪيڏي جر جي جهاڳ مٿان، هي ديپ جلايو آ پيارا! آ چوڌاري مهراڻ متو، جنهن جو نه پهي، جنهن جو نه پتو، هي روح جزيرو حيرت جو، جنهن منجهه سمايو آ پيارا! ڪنهن ڪونه ڏٺو، ڪنهن ڪنهن کي ڪاريءَ رات ڪُٺو، جنهن لاءِ ستارن ساهه ڏنو، هي صبح سوايو آ پيار! هيرا ته ڏسو ڪنڪر نه هڻو، ايندو نه وري هي وڻجارو، ڪجهه ڏات ڏسو، پو بات ڪريو، هي شور اجايو آ پيارا!
جواب: هيء سَين نه ڏيندي چين ، اٿي ڏس ، ڪوئي آيو آ پيارا تمام بهترين شاعري ۽ تمام بهترين چونڊ ادي سليمان جي
