سنڌ سلامت جي دوست علي ظفر کي جنم ڏينهن جون واڌايون

[منظور ڪلهوڙو]

فيسبڪ تي لکيل هو ته پتاشن جهڙي پياري دوست کي جنم ڏينهن جو واڌايون۔۔سائين جيڪڏهن پتاشا هجن وري مٿان مصري ۽ ماکي جو ذڪر نه ٿئي ۽ ان مٿان جيڪڏهن مکڻ جو چاڻو به ٿي وڃي ته واهه ٿي ويندي، اهڙي ريت اهي سڀ شيون ملي ڪري جيڪڏهن علي ظفر جهڙو انسان بڻجي پوي ته ٻيو ڇا گهرجي۔۔۔سنڌ سلامت جي مکڻ جي چاڻي جهڙي دوست کي جنم ڏينهن جو لک لک واڌايون شل قبول پون۔۔۔سدائين خوش هجو۔

 

[ٻروچ]

وقت گزرندي دير ئي ڪونه ٿو ڪري ۔۔۔۔۔ پتاشن جهڙي پياري ۽ دلبر دوست علي ظفر کي جنم ڏينهن جون واڌايون پيش ڪجن ٿيون​

​

​

​

ها يار ڪالهه علي جي سالگره هئي اڄ وري سالگره۔۔ مون کي ته ڌانڌلي ٿي لڳي۔۔
بهرحال ڌانڌلي ئي سهي، سنگت جي خوشي ۾ ئي دل خوش آهي۔۔۔ دوست علي لاء کوڙ ساريون دعائون، مبارڪون ۽ نيڪ خواهشون۔۔
هڪ ٻي ڳالهه ته سنڌ سلامت جي سڄي انتظاميه مارچ ۾ ئي سالگره پئي ملهائي۔۔ لڳي ٿو سڀ صلاح ڪري هن دنيا ۾ آيا آهن۔۔ ان کي چئبو آ جنم جنم جو رشتو۔۔۔

 

[عبدالحفيظ لغاري]

اڄ 15 مارچ آهي۔ بهار مُند پنهنجي اوج تي آهي ۽ بهار مُند ۾ ڄاول بهار جهڙن سدا بهار ماڻهن جا جنم ڏينهن هلن پيا۔ سنڌ سلامت جي نائب مُنتظم علي ڪي ورهيه اڳ هن ڌرتي تي آمد ڪئي هئي۔ علي ڪٿي رهيو ڪٿي پڙهيو ۽ ڪيئن رهيو اها خبر لڳي ٿو سؤلي کيس به ناهي پر هن وقت هو عراق ۾ رهندي سنڌ ۽ سنڌي ٻولي جي لاءِ پاڻ پتوڙڻ وارن امن آهي۔ سندس نه رڳو سنڌ سلامت پر انهي کان آئي ٽي دنيا ۽ آئي ٽي جهان تي به ڪافي ڪم ٿيل آهي۔ علي جنهن سدائين سنڌ سلامت تي نون آيلن کي همٿايو آهي ۽ ڪنهن به مسئلي ۾ ڦاٿل سنڌ سلامتي جي مدد ڪئي آهي اُتي پنهنجا تيز ترار موضوع اُماڻي به پڙهندڙن جي منورجن جو سامان گڏ ڪيو آهي۔
علي جي علمي ادبي خدمتن کان هٽي علي جي ذاتي زندگي تي ڳالهائجي ته اهو ٻُڌائيندي خوشي محسوس ٿي ٿئي ته هو پهرين ملاقات ۾ ايئن هوندو ڄڻ ته اڳيون پورو جنم هن سان گُذريو آهي ۽ هن جنم ۾ بس هڪ وڏي وقفي کان پوءِ مليا آهيونس۔ مسڪراهٽ ۾ ڪا به ڪنجوسي نه ڪندي چهري تي سدائين گُل ٽڙيل۔ هر وقت کلڻو ملڻو۔ طبيعت ۾ سادگي ۽ هر ڪنهن هڪ جهڙائي، دُعا آهي ته هو خوش هُجي ۽ جُڙيو هُجي۔

 

[ممتاز قريشي]

ادا علي کي دل جي تمام نيڪ تمنائن سان سالگرهه جون مُبارڪون هجن۔۔
ادا ٻروچ۔۔مُنهنجي ذهن ۾ به ساڳي ڳالهه آئي هئي ته سنڌ سلامت جي سڄي انتظاميه مارچ ۾ ئي جلوه افروز ٿي هئي۔۔ماشاالله ڪيڏو نه حسين اتفاق آهي ۔

 

[عبدالغني لوهار]

محترم ڀاءُ مظفر کي دوستن ، پتاشي ، مکڻ جي چاڻي ۽ ڪبوتر جي القابن سان نوازيو آهي ، اها دوستن جي علي سان چاهت آهي ، آئون به ماکي جهڙي مٺي دوست لاءِ ڌڻي در دعاڳو آهيان ته شال مولا ڪريم سندس کي تندرستي ۽ فردوسي حياتي عطا فرمائي ۽ بيشمار خوشيون عطا فرمائي ، دوست کي اسانجي طرفان سڪ ڀريو سلام قبول هجي

 

[شاهين لطيف ، سنڌي ،]

محترم علي علي کي سندس جنم ڏيهن تي لک
واڌايون
2334 اٽيچمينٽ ڏسو

 

[باغي عليم]

سائين دير سان ئي سهي پر اسان فقيرن
جون واڌايون به قبول ڪندا۔۔۔۔

 

[عتيق الرحمان]

سائين هڪ هيڏانهن به سست فقير آهي ان جون به مبارڪون قبول ڪندا ،
فقير اوهان کي دعا ئي ڪندو جي نه به ڪندو قبول،
الله پاڪ اوهان کي پنهجي حفظ و امان ۾ رکي ،سدائين آباد هجو،جڙيو هجين شل ڪوسو نه توهان کي ڪو واء لڳي،

 

[مست]

سنڌسلامت جي هر دلعزيز نائب منتظم علي ظفر کي جنم ڏينهن جون واڌايون
هتي مان سائين نثار ابڙو جا لفظ ڪاپي ڪندس ته .....

۽ اڄ تائين سنڌ سلامت جي دوستن سان دوستين ۾ اهڙو ته ٻڌجي ويو آهي جو جن ڇڏي ڀوت ڇڏي علي علي نه ڇڏي.

ڪارا، ڳاڙها، ساوا ۽ انڊلٺ جا سڀ رنگ سندس شخصيت ۾ سمايل نظر ايندا آهن …

شاعرن سان شاعر، اديبن سان اديب ۽ عالمن سان عالم … ڪڏهن ڪڏهن ته اهڙو قومپرست لڳندو آهي جو ڀئو ٿيندو آهي ته ڪٿي ڪهاڙي کڻي جهاد تي نه نڪري پوي ۽ وجهي نه اسانکي به ڏچي ۾.

ڦوهه جوانيءَ جي عمر ۾ جهوني ٿيڻ جو فن ته کائنس ڪو سکي، اهڙيون ته ڳالهيون ڪندو جو لڳندو آهي ته منهنجي پڙ ڏاڏي سان سنگت هوندي هيس شايد!

ٻاراڻي تي ايندو آهي ته، اهڙيو حرڪتون جو ڪيڪ کڻي منهن تي ٿڦيندو.

پيار ڪرڻ تي ايندو ته بس الامان، هڙ ئي گم ڪري، گڏهه گاڏوخريد ڪري پرينءَ جي پاڙي ۾ پهچي ويندو ۽ هٿ سان گڏهه گم ڪرائي اسانکان ڳولرائيندو.

علي ظفر جو خيال ايندي ئي، اندر ۾ لطيف احساسن جو درياهه وهي نڪرندو آهي … ممڪن رشيد سمي جي اندر ۾ ڪو ٻيو درياهه وهندو هجي پر پاڻ سان سچ ته اها ئي حالت هوندي آهي.

اي دوست، سڄڻ ساٿي! هن ڪائنات جي خلقيندڙ کان دعا آهي ته توکي ڪوسو واءُ نه لڳي، ۽ هميشه منهن تي مسڪراهٽون کڻي جيئندو رهين … آمين

 

[عبدالغني لوهار]

محترم دوست علي ظفر لاءِ دعا آهي ته شال مولا ڪريم سندس کي زندگي جي هر موڙ تي ڪاميابيون ۽ ڪامرانيون عطا فرمائي ۽ دنيا و آخرت جون ڀلايون نصيب فرمائي آمين

 

[عبيد ٿھيم]

آئون رات جو تقريبن 4 بجي تائين ٻوٿ واري ڪتاب کي پڙهندو آهيان ، هرڪو پنهنجي خوابن ۾ خوش هوندو آهي ۽ مونکي ٻوٿ واري ڪتاب ۾ ڏسجڻ ۾ نه ايندو آهي ، ها هِڪ شخص آهي جنهن جو ڪردار ٻوٿ واري ڪتاب جي وقفي ( يعني صبح 5 بجي تائين به ) هلندو رهندو آهي . اُهو آهي محترم علي ظفر ، سنڌ سلامت جو نائب منتظم علي علي .

جنم ڏينهن جون کوڙ ساريون واڌايون. ​

الله پاڪ اوهان جي عمر ۾ خوشين جو خزانو کولي ڇڏي. آمين.

 

[فاروق سومرو]

منهنجي پاران جنم ڏينهن مبارڪ.

 

[سليمان وساڻ]

پياري ۽ مٺڙي دوست علي ظفر کي جنم ڏينهن جون واڌايون، ان اميد سان ته هي سال سندس زندگيء ۾ انيڪ بهارن جا پيغام آڻي.

اڄڪلهه شايد گهڻو مصروف آهي جو ڪچهريون ئي ڪونه ٿيو ٿين يا وري اسان مصروف آهيون ... پر پوء به سڪ سلامت آهي ۽ محبتون قائم آهن .... خوش هجو پيارا

 

[سليمان وساڻ]

پياري دوست علي ظفر کي جنم ڏڻ جون واڌايون .... ڪي ڏينهن گذري ويا آهن جو هو سنڌ سلامت تي ناهي لڙيو .... پر ها هن سان رابطو ناهي ٽُٽو ... هو دل جو صاف ۽ سنئون سڌو ... پر گوهيون ڪرڻ جو ماهر آهي. هو جيڪو دوستن جو دوست ۽ يارن جو يار آهي. هو وڏو صبر ڪندو آهي ۽ اسان جون ترش ۽ تکيون ڳالهيون به کِلي ٽاري ڇڏيندو آهي ....

دل کان ناهيو دور، دوري آهي ديد جي

شيخ اياز