خبردار! اڄ پهرين اپريل آهي

[يونس ملڪاڻي]

اڄ پهرين پاريل يعني ڪوڙ هڻڻ جو عالمي ڏيهاڙو آهي، پڙهيل ڳڙهيل قومن تي ڪا معيار ته ڪري نٿي سگهجي جو انهن ڪوڙ جهڙي لعنت جا به ڏيهاڙا مقرر ڪري ڇڏيا آهن پر اوهان هوشيار رهجو متان ڪٿي ڪو ڪوڙ هڻي پريشان نه ڪري وجهي۔۔۔۔۔۔۔۔۔۔۔۔۔۔

پر ها هڪ ڳالهه نوٽ ڪري وٺو اڄ هر ڳالهه ڪوڙ به نه هوندي سو مهرباني ڪري ذميوار ماڻهو ٿي ڪري هر ڳاله کي اپريل ڦول جي تناظر ۾ نه ڏسجو متان ڪنهن سچ کي نه نظرانداز نه ڪري وڃو۔

 

[Abdul Khaliq Gadani]

جواب: خبردار! اڄ پهرين اپريل آهي

ادا سائین آگاھ کرٹ جی تمام گھٹی مھربانی ھاٹی اسان ھوشیار آھیون اللھ پاک توھان کی خوش رکی آمین

 

[نثارابڙو]

جواب: خبردار! اڄ پهرين اپريل آهي

مونکي ياد آهي جڏهن منهنجي شادي ٿئي هئي ۽ اڃان ڪو هفتو ٻه مس گذريا هيا، ته پهرين اپريل اچي وئي هئي، اسين مست لڳا پيا هياسون تاريخن جي ڪا پرواه ئي نه، ۽ اوچتو رات جو 2 وڳي فون آيو مون واري سڀاڳي سالي جو، چيائين ته سندس ڀيڻ يعني منهنجي سالي سخت بيمار آهي ۽ آغا خان اسپتال داخل ٿي آهي،

اسين ٻئي زال مڙس تڙ تڪڙ ۾ ڀڳاسون ٻڌايل اسپتال ڏانهن ، جڏهن اتي پهتاسون ته ڪاري وارا ڪک ڪو به ڪون هو، وري ڀڳاسون ساهرين گهر ، اتي وڃي خبر پئي ته اپريل ڦول هو ۔۔۔

اڙي يار بس پو منهنجي ڪاوڙ ۽ منهنجن سالن جي ڀڄ ڀڄان پر جيڪو ٿيڻو هو سو ته ٿي ويو ۔۔۔

ان ڏينهن کانپو اپريل کان اڳ ئي هوشيار باش۔​

 

[ممتاز علي وگهيو]

جواب: خبردار! اڄ پهرين اپريل آهي

اپريل فول جي روايت۔۔۔۔۔۔۔۔۔۔زرار پيرزادو

 

[سليمان وساڻ]

جواب: خبردار! اڄ پهرين اپريل آهي

اڄ سڀ خيريت رهي ۽ ڪو به واقعو پيش ڪونه آيو ۔۔۔۔۔۔۔۔۔۔ دوستن جون مهربانيون

نه ته هر سال ڪا نه ڪا حرڪت پيا ڪندا آهن ۽ مونکان به هميشهه وانگر پهرين اپريل وسري ويندي آهي ۽ ڏاڍي جُٺ ٿيندي آهي۔

هاء ڙي سماج ۔۔۔۔۔۔۔۔ ڪڏهن سڌارو ايندو

 

[رحيم بخش]

جواب: خبردار! اڄ پهرين اپريل آهي

ڪوڙ ته ائين به ڳالهايو وڃي ٿو پر خاص ان تاريخ تي غير مسلمانن جي رسم ۾ شريڪ ٿي وڌيڪ پاڻ کي رسوا ٿيڻ کان بچائجي ته بهتر اڪثر موبائيل تي ڪوڙ ڳالهائڻ ڏٺو ۽ ٻڌو وڃي ٿو ليڪن اسان کي قرآن ڪوڙ ڳالهائڻ کان نه فقط منع ٿو ڪري بلڪه رب جي لعنت به بدلي ۾ ملي ٿي اهڙي قهار جي لعنت کان ضرور بچڻ گهرجي اڪثريت کي شايد معلوم نه هجي ته لعنت جي معنى ڇا آهي ان جي معنى آهي رب جي رحمت کان دور ٿيڻ رب جي رحمت ميسر نه ٿئي ته باقي ڇا بچيو۔اسان سڀ مسلمان آهيون ان ڪري اسلام جي ڀلين ڳالهين ڦهلائڻ جي ڪوشش ڪجي برين ڳالهين کي روڪڻ جي ڪوشش ڪجي رب ڪريم فرمائي ٿو

كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ
آل عمران 110
يعني اوهان ڀلي امت آهيو دنيا ۾ اوهان کي موڪليو ويو آهي ته نيڪي جو امر ڪيو براين کان روڪيو
يعني نيڪي ڏانهن راهنمائي ڪرڻ براين کان روڪڻ اها اهڙي خوبي آهي جنهن ڪري اوهان ٻين امتن کان ڀلي امت آهيو اهو نيڪي جو امر براين کي روڪڻ ڪنهن هڪ فرد يا مخصوص طبقي جي ذمه داري نه آهي پر اسان پوري مسلمان امت جي ذمه داري آهي ان ڪري اسان سڀني کان جيتري قدر ٿي سگهي براين کان روڪي نيڪي جي ترغيب ڏئي خير امت جي درجي ۾ شامل ٿيڻ جي ڪوشش ڪرڻ گهرجي۔
الحمد لله جو سنڌ سلامت جا دوست به نيڪي جي ترغيب ڏئي نيڪي جي دعوت ڏيڻ جو اهم فريضه انجام ڏئي رهيا آهن۔

 

[افتخار علي چوهاڻ]

جواب: خبردار! اڄ پهرين اپريل آهي

ماشاء الله تمام بهترين مضمون ۽ وقتائيتي ونڊ آهي جيڪا يقينن پنهنجو اثر ڏيکاري وئي ، جيڪر ڪو ڪم اصلاح کي مد نظر رکي ڪجي ۽ نيت به درست هجي ته يقينن سٺي موٽ ۽ سٺا نتيجا نڪرن ٿا ، سنڌ سلامت ، ۽ فيس بوڪ تي گهڙيون ئي اپريل فول بابت تحريرون منظر عام آيون ۽ الله جو شڪر آهي جو گذريل سال کان هن سال تمام گهٽ ۽ نه هجڻ برابر حرڪتون نوٽ ڪيون ويون آهن ، گهٽ ۾ گهٽ منهنجو مشاهدو اهو ٿو چوي باقي دوست پنهنجا رايا ڏيندا ته واقعي هن سال اپريل فول کي عوام رد ڪيو آهي يا نه؟ ​

 

[غلام مصطفي ميمڻ]

جواب: خبردار! اڄ پهرين اپريل آهي

ادا يونس ملڪاڻي صاحب اسلام عليڪم۔اپريل فول حقيقت ۾ هڪ بدترين ڪوڙ ۽ دوکو آهي۔جڏهن ته قران شريف ۽ حديث مان کولي کولي ٻڌايو ويو آهي ته ڪوڙن تي الله پاڪ جي لعنت آهي۔ادا رحيم بخش جا ڪمينٽس قران شريف جي حوالي سان ان موضوع ته ايڏا ته جامع آهن جو هر ماڻهون ان مان صحيحي رهنمائي حاصل ڪري سگهن ٿا۔

فرسٽ اپريل فول جي تاريخ هن طرح آهي ته :-1942عيسوي ۾ اسپين تي جڏهن عيسائين قبضو ڪيو ته هنن مسلمانن سان وعدو ڪري ته هنن کي حفاظت سان آفريڪا پهچائيندا،بحري جهاز ۾ چاڙهيو۔پر جڏهن جهاز سمنڊ جي وچم پهتو ته عيسائين مسلمانن کي زنده ساڙي ڇڏيو۔ان ڏينهن کان عيسائي فرسٽ اپريل مسلمانن کي بيوقوف بنائڻ جي خوشي ۾ ملهائيندا آهن ۔

هاڻي اسان مسلمانن جي لاء اهو سوچڻ جو موقعو آهي ته ڇا اسان کي ان تاريخي پس منظر ۾ عيسائين جو اهو دوکي وارو ڏينهن ملهائڻ گهرجي۔الله پاڪ شل اسان کي غير مسلمن جي هر دوکي ۽ ڪوڙ کان پنهنجي حفاظت ۾ رکي۔