دوستو سلام سنڌي شاعريء جي دنيا ۾ خانصاحب عبدالڪريم پلي ۽ سندس ننڍي ڀاء ولي محمد وفا پلي به پنهنجو پاڻ ملهايو آهي۔ تاريخ 7 ڊسمبر 1944ع ڌاري، ناري جي نواب خان صاحب عطا محمد پلي جي گهر ۾ جنم وٺندڙ ولي محمد وفا پليءَ بابت ڪنهن ٿي ڄاتو ته اڳتي هلي پلي خاندان جو هي خوبصورت گل مستقبل ۾ سنڌي غزل جو بادشاهه شاعر بڻجندو ۽ سنڌي شاعري جي شفق لالاڻ ۾ هڪ روشن ستاري جيان چمڪندو. سنڌي غزل ۾ نين تشبيحن ۽ تخليقي فن جي مهارت رکندڙ سنڌ جي هن ڀلوڙ شاعر، سنڌي ٻوليءَ کي شاعريءَ جا ٻه خوبصورت ڪتاب پڻ ارپيا آهن. جن ۾ ” لئون لئون منجهه لغار“ ۽ ”درد هزارين هڪڙي دل“ شامل آهن. اڪثر طور هاڻوڪي ادبي محفلن ۽ ميڙاڪن ۽ شامن کان پري رهندڙ هن شاعر، تنهائيءَ دوران جيڪي گيت ۽ غزل تخليق ڪيا آهن، سي سنڌ جي لکين عوام لاءِ اتساهه جو سبب بڻيا آهن. پنهنجي مزاج ۾ انتهائي نفيس ۽ ملنسار طبعيت جي شاعر، سنڌ جي سماجي ترقي ۾ پڻ هڪ مضبوط ڪردار ادا ڪيو آهي. سنڌي ڪافي ۽ غزل جي مشهور راڳي سينگار علي سليم، راڳ جي راڻي عابده پروين تائين سنڌ جا اڪثر ڪلاسيڪل ۽ نيم ڪلاسيڪل راڳ جا پارکو ڳائيڪ هن شاعر جي حلقا احباب ۾ رهيا آهن. سندس هڪ لازوال غزل پيش آهي، جيڪو عابده پروين پڻ ڳايو آهي۔ تنهنجو مشتاق ديد ساري ٿو آ وڇوڙي جو موت ماري ٿو زهر ڏيندين سو به پي ويندس ڪوئي ويڄن جو هٿ به واري ٿو! وقت وارن جا وار سهبا پر دوستن جو سلوڪ ماري ٿو ڪا تمنا ڪا آرزو ڪانهي ڪا ڪو ائين به زندگي گذاري ٿو چند لمحا ته سک سمهان ليڪن درد تنهنجو اچي اٿاري ٿو ڪو به ايندو نه ريگزارن ۾ راه ڪنهنجي وفا نهاري ٿو وفا ولي محمد پلي
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) ڪا تمنا ڪا آرزو ڪانهي زندگي ايئن به ڪو گذاري ٿو تمام خوبصورت تخيل
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) محترم سائين! سھڻي چونڊ سان گڏ اوھان جي بھترين ڊزائين
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) بهترين ادا راھَ ڪنهن جي وفا نهاري۔ بهترين ان جي جيتري تعريف ڪجي گهٽ آهي ادا
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) وقت وارن جا وار سهبا پر دوستن جو سلوڪ ماري ٿو چونٿا ته سرمد کي جڏهن ماڻهن پٿر ٿي هنيا ته هن اهي پٿر آرام سان برداشت ٿي ڪيا، پر جڏهن سندس هڪ دوست گل کڻي هنيو ته سرمد کان رڙ نڪري وئي۔ ٻيو هڪ قول يا دعا عام آهي ته ” اي خدا، آ دشمن سان پاڻ منهن ڏيندس مونکي منهنجن دوستن کان بچا“ مطلب چوڻ جو ته پلي صاحب مٿي غزل ۾ به ساڳي ئي ڳالهه ڏانهن شايد اشارو ڪيو آهي۔ سهڻي شاعري ۽ اعلا پيشڪش سهڻي سليمان جي۔ پپيون ۽ پيار قبول پوي
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) مهرباني پسند ڪرڻ جي پنهنجي دور جو مشهور غزل، جيڪو اڄ به ايتري ئي چاهه سان ٻڌو وڃي ٿو۔ هر بند هڪ ڪهاڻي آهي۔
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) قرب پيارا استاد عاشق اڄڪلهه ديدار کان ته وياسين پر چيٽ ڪرڻ کان به وياسين
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) اوهان جو پورٽريٽ وڻيو ۔۔۔ واهه واهه ۔۔۔۔۔۔۔۔ ڀلا اهي رنگ صرف پنهنجي لاء آهن يا ڪنهن ٻين جو به وارو ايندو ؟ مهربانيون
جواب: وقت وارن جا وار سهبا پر ، دوستن جو سلوڪ ماري ٿو (وفا پلي) سائين نثار مهربانيون ڪڏهن ڪڏهن اسان کي به دوستن جي عجيب سلوڪ ۽ نرالي سوالن جوابن ڪري پوئتي هٽڻو پوندو آهي ۽ پوء اسان پولارن ۾ گم ٿي ويندا آهيون۔ اوهان جو پيار ۽ پپيون محسوس ڪيم ۔۔۔۔۔۔۔۔۔ اهي محبتون شال سدا قائم رهن۔ پلي صاحب جي هن غزل جو هر بند ڪهاڻي آ ۔۔۔۔۔۔۔
