بشير قريشي جي پوسٽ مارٽم جزن جي ٽيسٽ لاءِ 15 رڪني ميڊيڪل بورڊ قائم

[گل محمد شاه راشدي]

ڪراچي صحت کاتي جسقم چيئرمين بشير خان قريشي جي پوسٽ مارٽم جزن جي ٽيسٽ لاءِ اعليٰ سطحي ميڊيڪل بورڊ ٺاهي ڇڏيو آهي، ڊائو ميڊيڪل ڪاليج جي فارينسڪ ميڊيسن شعبي جي انچارج عمر ميمڻ جي سربراهي هيٺ فارينسڪ ۽ پيٿالاجيسٽڪ ماهرن تي ٻڌل 15 رڪني ميڊيڪل ڪاميٽي سڀاڻي بشير خان قريشي جي جزن جي ٽيسٽ ڪندي ۽ 14 تاريخ تي سنڌ حڪومت کي رپورٽ پيش ڪندي. ان حوالي سان صحت کاتي جي سيڪريٽري پاران اهڙو نوٽيفڪيشن جاري ڪيو ويو آهي. نوٽيفڪيشن موجب 15 رڪني ميڊيڪل ڪاميٽيءَ ۾ چانڊڪا ميڊيڪل ڪاليج، لياقت ميڊيڪل ڪاليج، نوابشاهه ميڊيڪل ڪاليج، مهر ميڊيڪل ڪاليج ۽ ڊائو ميڊيڪل ڪاليج سميت سنڌ جي سمورن ميڊيڪل ڪاليجن جا فارينسڪ ۽ پيٿالاجي جا ماهر شامل آهن. ذريعن موجب صحت کاتي پاران ڪنهن به پوسٽ مارٽم جي پيٿالاجيڪل ٽيسٽ لاءِ پهريون ڀيرو ايڏي وڏي ميڊيڪل ڪاميٽي جوڙي وئي آهي نه ته اڪثر ڪري 3 رڪني، 5 رڪني يا 7 رڪني ميڊيڪل ڪاميٽي جوڙي ويندي هئي پر بشير خان قريشي کي زهر ڏئي شهيد ڪرڻ واريون ڳالهيون سامهون اچڻ کانپوءِ سرڪار تي تمام وڏو دٻاءُ پئجي ويو آهي جنهن کي منهن ڏيڻ ۽ رپورٽ تي ڪنهن جي به شڪ ڪرڻ جي ڪا گنجائش نه ڇڏڻ لاءِ ان قسم جي وڏي ڪاميٽي جوڙي وئي آهي. هوڏانهن جزا کڻي ويندڙ ٽيم کي بيڪ ڊيٽ ۾ رسيونگ ليٽر ڏيڻ وارين خبرن کانپوءِ سروسز اسپتال ڪراچي جي ڪيميڪل ايگزامنر فضل الاهي ميمڻ انهن خبرن کي بي بنياد قرار ڏيندي ميڊيا کي ٻڌايو ته جزا 10 اپريل تي ئي جمع ڪرايا ويا آهن ۽ انهن جو رسيونگ ليٽر پڻ 10 اپريل جو ئي ڏنو ويو آهي. هن چيو ته سيڪريٽري صحت پاران ميڊيڪل ڪاميٽي جوڙي وئي آهي جيڪا جزن جي ٽيسٽ ڪندي ان کانپوءِ رپورٽ جاري ڪئي ويندي.هوڏانهن رات جو دير سان سروسز اسپتال ڪراچي ۾ رکيل بشير خان قريشي جي جزن کي تبديل ڪرڻ جي ڪوشش ڪئي وئي. ان ڏس ۾ سروسز اسپتال جي ذريعن ڪاوش ۽ ڪي ٽي اين جي رپورٽرن کي فون ذريعي اطلاع ڏيندي ٻڌايو ته فوري طور تي اسپتال پهچو ڇاڪاڻ ته ليبارٽري ۾ رکيل بشير خان قريشي جي جزن کي تبديل ڪرڻ جي ڪوشش ٿي رهي آهي ۽ ڪجهه ماڻهو رات جي اونداهي ۽ بجلي نه هئڻ جو فائدو وٺندي اهڙيون سرگرميون ڪري رهيا آهن. جنهن کانپوءِ جڏهن ڪاوش ۽ ڪي ٽي اين جي ٽيم اُتي پهتي ته 2 مشڪوڪ ماڻهو ليبارٽري ۾ موجود ڏٺا ويا جن کان جڏهن اهو معلوم ڪيو ويو ته اوهان اونداهه ۾ ۽ آفيس ٽائيم نه هئڻ باوجود ليبارٽريءَ ۾ ڇا ڪري رهيا آهيو ۽ ڪير آهيو جنهن تي هنن مان هڪ پنهنجو نالو حنيف ڄاڻائيندي ٻڌايو ته هو هتي ڪلارڪ آهي، جڏهن ته ٻئي چيو ته منهنجو نالو ڪامران آهي ۽ مان ٽائپسٽ آهيان اسان فرج ۾ پاڻي رکڻ لاءِ آيا آهيون جڏهن کانئن اهو پڇيو ويو ته بجلي نه هجڻ باوجود اوهان کي پاڻي رکڻ جي ضرورت ڇو محسوس ٿي ته ان تي هو گهٻرائجي ويا ۽ چيائون ته اسان کي پنهنجي انچارج پاڻي رکڻ لاءِ چيو آهي.

پاران گل محمد شاه راشدي

هميشه دعائن ۾ ياد رکندا
سنڌ سلامت ساٿ سلامت
​

 

[منظور ڪلهوڙو]

جواب: بشير قريشي جي پوسٽ مارٽم جزن جي ٽيسٽ لاءِ 15 رڪني ميڊيڪل بورڊ قائم

منهنجا ڀا اهڙيون هزارين ڪميٽيون به ڀل جوڙيون وڃن پر، اسان جي بدقسمتي هي آهي ته ماضي ۾ به اهڙين ڪميٽين ڪو به ٻوٽو نه ٻاريو آهي، اهو به توهان جي سامهون آهي، ڪا به ڪارائتي موٽ نه ملندي، ۽ نه ئي انهن مان ڪا اهڙي اميد نّظر اچي رهي آهي، جيڪا سنڌي قوم جي اعتبار کي پختو ڪري سگهي۔۔۔۔۔۔سدائين گڌ۔۔

 

[آدرش علي]

جواب: بشير قريشي جي پوسٽ مارٽم جزن جي ٽيسٽ لاءِ 15 رڪني ميڊيڪل بورڊ قائم

اڄڪلهه هڪ نئي ڊرامي بازي شروع ڪري ڏني اٿن تۡه سول هاسپيٽل مان جزن جي هير ڦير ڪرڻ جي ڪوشش، ان تاثر ذريعي اهو ٻڌائڻ جي ڪوشش ڪئي پئي وڃي تۡه جزن جي هير ڦير کي ناڪام بڻايو ويو آهي جڏهن ته حقيقت ڪجهه هيئن آهي ته هن رياست پنهنجن ڇاڙتن ذريعي اهي جذا اڳ ۾ ئي تيبديل ڪر ي چڪي آهي۔