نامعلوم شاعره
نظم
تماشو.....!!!
هر دور جو تماشو
هي عورت
هڪڙن کي مون تي اعتراض
۽ هڪڙا منهنجا حماعتي
پر آئون عورت
سدائين اڪيلي ۽
تماشي جي بازار جو وکر
منهنجي پوڄا ٿئي يا
سنگسار ٿيان
جو بـ آهي
ان ۾ مون کان ڪڏهن بـ
رضا معلوم نـ ڪئي وئي آ
سڀ ڪجهـ انهن ئي تـ ڪيو آ
جيڪي چيلهن تي تلوارون ٻڌي هلن ٿا
جنگ جي ميدان ۾گھوڙا ڊوڙائي
جڏهن موٽن ٿا تـ
زرهـ ۽ وار کولي
پيشاني تان پسينو اگھي
صراهي مان وٽو ڀري
مون کي تڏي وانگر وڇائي
پنهنجو ٿڪـ ڀڃي
ڪجهـ سوچين ٿا
منهنجي ان قسمت جي باري ۾
جنهن جي مون کي ڪا بـ خبر ناهي
ڇو جو آئون عورت آهيان
۽ انهن کي سڀ خبر آهي
ڇو تـ هو مرد سمجهن ٿا پاڻ کي.....