سنڌ سلامت جي نئين سافٽويئر جا مسئلا ۽ انهن جا حل۔۔

دوستن کي دعوت ٿي ڏجي ته نئين سافٽويئر تي منتقل ٿيڻ سان کين جيڪي پريشانيون يا الجهنون سامهون نظر اچي رهيون آهن کي هن موضوع ۾ آگاهي ڏين ته جيئن انهن کي آهستي آهستي بهتر بڻائجي۔۔۔
ان سلسلي ۾ هڪ دوست فون ڪري چيو ته اقتباس جي بلاڪ ۾ ليکڪ جو نالو تمام ننڍو ۽ اقتباس جا اکر تحرير کان گهٽ آهن۔۔۔ جن کي درست ڪيو ويو آهي۔۔۔
هڪ دوست ڪچهري شروع ڪندي چيو ته ڪجهه جڳهين تي انگريزي جا اکر موجود آهن ۽ رڪنن جي مشاهدي دوران کين ڏسندي پڻ انگريزي سٽن کي پڙهڻو ٿو پوي۔۔۔ سندن نشاندهي تي انهن انگريزي اکرن کي پڻ سنڌي ۾ تبديل ڪيو ويو آهي۔۔۔
وڌيڪ دوستن جي مشورن جو انتظار رهندو۔۔۔

 

گوگل پلس ۽ ٽئٽر واري لائين ۾ سامهون هڪ هٿ ٺهيل آهي ۽ لکيل آهي
Recommend Be the first of your friends to recommend this

ان تي ڪلڪ ڪري اوهان مطلوبه ليک فيسبوڪ تي به لنڪ ڪري سگهو ٿا۔

 

ادا عبدالرحيم توهان ادا سليمان جي جواب تحت موضوعن کي ٻيهر چيڪ ڪريو اميد ته تسلي ملي ويندي۔۔۔

 

ها پر مون کي لڳو ته ان سان نئين سنڌ سلامت جي پراڻي سنڌ سلامت سان هڪ جهڙائپ لڳندي۔۔۔
هڪ نئين خيال تحت مرڪزي صفحي ۽ فورم جي صفحي ۾ فرق رکڻ لاءِ اهو عمل ڪيو ويو آهي۔۔۔
فورم جي صفحي تي رڪن سنڌ سلامت کي لڳ ڀڳ پراڻي لي آئوٽ ۾ ڏسي سگهندا ۔۔ جنهن کي وڌيڪ جاذبِ نظر پڻ بڻايو ويندو۔۔ جڏهن ته مرڪزي صفحي تي لوڊ گهٽ رکندي ان جي 75 سيڪڙو حصي تي ايندڙ نون موضوعن ۽ انهن جي پري ويو لي آئوٽ کي ڏيکاريو ويو آهي۔۔ جيڪو لڳ ڀڳ بلاگ طور نظر اچڻ سان ايندڙ سنڌي سولائي سان سنڌ سلامت جي مقصد ۽ تحريرن کي ڳولي سگهندا۔۔ گڏ اتان ئي ويهي هلندڙ يا گذريل مهيني جي موضوعن کي پڙهڻ کان سواءِ مشهور يا شيئر ڪري سگهندا۔۔ ان باوجود ان تبديلي کي بهتر بنائڻ جي ڪوشش ڪبي۔۔ پر جيڪڏهن دوست ان کي ختم ڪرڻ گهرن ته ڪنهن به وقت ڪري سگهجي ٿو۔۔۔

 

هڪ وڌيڪ قدم طور لائڪنگ سسٽم کي واضح ڪندي هر تحرير جي هيٺان لائيڪ (پسند) ڪندڙن جي اکرن جي سائيز کي وڌائيندي هلڪي گلابي رنگ بيڪ گرائونڊ پڻ آندو ويو آهي جيئن دوست بهتر طور پنهنجي مواد کي پسند ڪندڙن کي معلوم ڪري سگهن۔۔

 

دوست منظور طرفان سنڌ سلامت کي نئين رنگ ۾ پسند ڪرڻ جي مهرباني ۔۔۔ کين گذارش آهي ته نيٽ پرابلمس کي ترت حل ڪندا ڪن۔۔ ڇو ته جهڙي طرح کين سنڌ سلامت تان هٽندي ڪنهن شي جي کوٽ محسوس ٿيندي آهي ساڳي طرح اسان کي پڻ سندن هتي موجود نه هجڻ جي ڪافي کوٽ محسوس ٿيندي آهي۔۔۔

جيتري قدر توهان جي لاگ ان ٿي لاگ آئوٽ ٿيڻ جو مسئلو آهي ته ائين ٿيڻ ته نه گهرجي۔۔۔ ممڪن آهي نئين سيٽنگ ۾ فورم تي لاگ ان جو وقت آئيڊل تي اچڻ جي صورت ۾ گهٽ رکيل هجي ۔۔ جنهن کي چيڪ ڪجي ٿو تيسين توهان هيٺين تصوير مطابق لاگ ان ٿيڻ وقت هر وقت لاگ ان ٿيڻ واري چيڪ باڪس تي چيڪ لڳائي پوءِ لاگ ان ٿيو۔۔

​

​

مسئلو وري به موجود هجڻ جي صورت ۾ آگاهي ضرور ڏيندا۔۔​

 

ادا ممتاز مصطفى وگهيو جن جي مهرباني جن فون تي ڪجهه مسئلن طرفن اشارو ڪيو۔۔ جن مان ٻن مسئلن کي سلجهايو ويو آهي۔۔۔

پهرين مسئلي مطابق جيئن ته وي بليٽن ۽ زين فورو ٻه مختلف سافٽويئر آهن ان ڪري انهن ٻنهي سافٽويئرس ذريعي جڏهن ڪو موضوع موڪليو ويندو آهي ته انهن موضوعن جا ٻئي سافٽويئر مختلف يو آر ايل ٺاهيندا آهن۔۔ ان طرح وي بليٽن تي موجود مواد نئين سافٽويئر تي اچڻ کان پوءِ فورم جا يو آر ايل پڻ تبديل ٿي چڪا۔۔۔ اهڙي طرح فورم تي رهي ڪري موضوع کي ڳولي ته کولي سگهجي پيو پر اهڙا موضوع جيڪي گوگل بوٽس جي پڙهڻ سان مختلف سرچ انجن جهڙوڪ گوگل ۾ لنڪس جي صورت ۾ موجود هئا ۽ اهي گوگل ڳولا سان نظر ايندا هئا تن لنڪس تي ڪلڪ ڪرڻ سان بجاءِ ان موضوع کُلڻ جي سنڌ سلامت جو مرڪزي صفحو کلي رهيو هيو۔۔ اهڙي طرح ادا ممتاز وگهيو ۽ سائين رحيم بخش سميت اهي سمورا رڪن جيڪي مختلف موضوعن کي تسلي سان پڙهي جواب ڏيڻ خاطر اڪثر بوڪ مارڪ ڪري رکندا هئا ۔۔ ساڳن ئي بوڪ مارڪس تي ڪلڪ ڪرڻ سان پڻ مطلوبا موضوعن تي پهچي نه سگهندا هئا۔۔۔
دوستن جي ان پريشاني جو احساس مون کي اڳ ئي هو جنهن تي مسلسل 48 ڪلاڪن کان ڪم جاري هيم ۽ هاڻي شڪر الحمد لله اهو مسئلو پڻ سلجهائجي ويو آهي ۔۔۔ هاڻي توهان گوگل يا ٻين سرچ انجڻ ۾ ڳولا جي صورت ۾ سنڌ سلامت جي مواد تي ڪلڪ ڪندي رسائي حاصل ڪري سگهندو۔۔۔

ٻئي مسئلي تحت سنڌ سلامت تي موجود موضوعن ۾ اڳ موجود سموريو وڊيوز نئين سافٽويئر تي منتقل ٿيڻ جي صورت ۾ بجاءِ سڌو سئون نظر اچڻ جي هڪ ٽٽل لنڪ ۽ يو آر ايل جي صورت ۾ ظاهر ٿي رهيون هيون جن تي ڪلڪ ڪري يو ٽيوب تي ڏسڻ به ممڪن نه هو۔۔۔ پر ان مسئلي کي سلجهائڻ لاءِ هڪ ڊيٽابيس ريپليسمنٽ ڪيوري کي عمل ۾ آندو ويو جنهن سان هاڻي سنڌ سلام تي اڳ پوسٽ ٿيل لڳ ڀڳ 950 جي تعداد ۾ وڊيوز سڌو سئون ڏسي سگهجنديون۔۔ نه رڳو ايترو پر انهن جي ڊسپلي سائيز ۾ پڻ قدري اضافو ڪيو ويو آهي۔۔۔

 

توهان هڪ اهم مسئلي طرف اشارو ڏنو هو۔۔ جيڪو پهرين ڪنهن غلطيء ڪري ياد نه رهيو۔۔ ۔ هاڻي توهان جي هر تحرير ۾ رپورٽ ڀرسان ٻن بٽڻ جو اضافو ڪيو ويو آهي۔۔ ترميم بٽڻ تي ڪلڪ پنهنجي تحرير ۾ ترميم ڪري سگهجي ٿي۔۔۔

​

 

يار ذيشان رشيد سڀ ڪم سولا ٿي رهيا آهن ۽ اڄ موبائل تان لاگ ان ٿيس ته به موضوع سولا پئي کُليا ۔۔۔۔۔ دل خوش ٿي وئي۔

پر يار ۔۔۔۔۔۔۔۔ پي ڊي ايف ۽ سنڌ سلامت ٽيوب جو ڪو سولو ڪم ڪري اپڊيٽ ڪر ۔۔۔۔

هڪ ٻي ڳالهه ته وي بليٽن تي جڏهن اسان فيسبوڪ تي سنڌ سلامت جا يو آر ايل شيئر ڪندا هئاسون ته موضوع ۾ موجود سڀني تصويرن جا پري ويو ايندا هئا ۽ پسند جي تصوير ڊسپلي لاء چونڊيندا هئاسون، پر هن دفعي زينفورو تي ايئن نه پيو ٿئي ۽ صرف زينفورو جي تصوير يا وري ميمبر جي اويتار واري تصوير ڊسپلي ٿئي ٿي۔ جنهن سبب فيسبوڪ شيئرنگ نه هئڻ جي برابر ٿي رهي آهي۔

اميد ته اهي سڀ ڪم به سولا ٿيندا۔ اوهان جي محنتن جو داد ڏجي ٿو۔

 

افسوس جو نئين سافٽويئر ۾ اهڙو ڪوبه آپشن نظر نه پيو اچي ته انتظاميه جي رڪنن کان علاوه موضوع موڪليندڙ پاڻ به عنوان کي درست ڪري سگهي۔۔۔ خير ان جي سيٽنگ تي ڪم ڪري رهيو آهيان ته جيئن آئنده موضوع موڪليندڙ هر رڪن کي اهي اختيار حاصل هجن ته هو به پنهنجي آندل موضوع جي عنوان کي تبديل ڪري سگهن۔۔۔

 

موبائيل تي اڃان ڪم جاري آهي۔۔۔ جئين ئي مڪمل ٿيو ته سنگت کي آگاهي ڏبي۔۔ ان کان پوءِ توهان موبائيل تان اڃان سولائي سان سنڌ سلامت گهمي سگهندا۔۔۔
پي ڊي ايف لاءِ منهنجي ذهن ۾ هڪ ٻيو خيال آهي۔۔ ان تحت سنڌ سلامت گهر کي هڪ نئون روپ ڏئي سنواربو ۔۔۔۔ جلد ئي ان بابت اپڊيٽ ڏبا۔۔
فيس بوڪ تي شيئر ڪرڻ نئين سافٽويئر تي پهريان کان وڌيڪ بهتر طور ڏنل آهي ۔۔۔ باقي جيتري قدر سيٽنگ مٽيل هئڻ جو تعلق آهي ته ان تي هڪ دفعو ٻيهر ڪوشش ڪبي۔۔۔
۽ سنڌ سلامت ٽيوب تي پڻ ڪم جاري آهي ۔۔۔ ڪوشش اٿم ته اڳ واري سموري ڊيٽا امپورٽ ڪري سگهجي۔۔۔