لاکيڻي لطيف جي بيت : عشق نه آهي راند ته ڪي ڪنس ڳڀرو،جِيءُ جُسي ۽ جان جي ڀڃي جو هيڪاند،سسي نيزي پاند، اُڇل ته اڌُ ٿئي .پڙهندي انهي بيت جي اونهائين ۾ ٻڏي ترِي رهيو هُئس ته ڏات جي ديوي درشن ڪرايا ۽ هي وائي لکرائي ويئي: عشق نه آهي راند... ! آ، هلڻو پوندو ٽانڊن تي.هيل وڇوڙو وَڍَ وِجهي، محب رُٺو جو ماند... ! آ، هلڻو پوندو ٽانڊن تي.چاڪَ چِڪن ٿاچاهت ۾، روز پُسي ٿو پاند...! آ، هلڻو پوندو ٽانڊن تي.ڀوري ڀَتارُ نه ڀالَ ڪري، ڪَهلَ ڪري نه ڪانڌ...! آ، هلڻو پوندو ٽانڊن تي.نينهن نهوڙي ”ناز“ ڇڏي، هينئڙو آنڌ ۽ مانڌ...! آ، هلڻو پوندو ٽانڊن تي بس ڏات جي ديوي جي ڏنل ورڌان کي توهان سان ونڊيان پيو سمپل ۽ سادي چترڪاري ۾ ، مناسب اصلاح هن وائي تي ٽيڪنيڪ جي حوالي سان ڪرڻ چاهيو ته هي نثارناز ٽي درجي وارو شاعر توهان جو احسان مند رهندو
عشق نه آهي راند... ! آ، هلڻو پوندو ٽانڊن تي. ۔۔۔۔۔۔۔۔۔۔۔۔ واقعي سائين عشق ڪرڻ ڪا ٻاراڻي راند ناهي پر عشق نه ڪرڻ ڪو پنهنجي وس به ته ناهي ۔۔۔۔۔ هڪ ته ڪنهن سان دل نه لائجي جي لاکجي ته پوء نڀائجي ۔۔۔۔۔۔۔اوهان جا خيال وڻيا
وس ۾ سڀ ڪجهه آهي سليمان وساڻ ڀائو، پر حضرت عشق الا ان کي ڇا چئون ان جي باري ۾ لاکيڻي لطيف جي بيتن کان پُڇي ٿا وٺون ، سهڻو لطيف فرمائي ٿو ته: مُحبت جي ميدان ۾ ، ڪر پَڙاڏو پَٽُ،سِرُ سُورِي ڌڙُ ڪُنگرين متان ڪُڇين ڪَٽُ،عشق نانگ نپٽ، خبر کاڌن کي پوي۔ مُحبت جي ميدان ۾ سِرَ جو ڪر مَ سانگ،سُورِي سپرين جي چڙهه ته ٿئين چانگُ،عشق آهي نانگ خبر کاڌن کي پوي۔ ان ڪري مٺا مان به ائين ئي چوان پيو ته : ”عشق نه آهي راند۔۔۔! آ، هلڻو پَوَندو ٽانڊَن تي۔ واسينگن جيان عشق وِڙهي، ويڙهه وِڙهي ويڙهاند۔۔!آ، هلڻو پَوَندو ٽانڊن تي۔ جيڪڏهن اڃان به تنهنجي وس ۾ ناهي ته پيارا عشق ۾ياد ڪري ڇڏ: ڀورِي ڀتارُ نه ڀالَ ڪري، ڪهلَ ڪَري نه ڪانڌ۔۔۔!آ هَلَڻو پَوَندو ٽانڊن تي۔مهرباني ادا جو توهان کي اسان جا خيال وڻيا لک لائق۔ ادا
مهرباني ڌي نور جو توهان کي هن ٽي درجي واري چرئي شاعر جي لکيل هي غريباڻي وائي خوبصورت سان گڏ پياري لڳي۔ مهرباني امان۔
ادا نثارناز اسلام عليڪم۔توهانجي لکيل وائي پنهنجي اندر تمام وڏي رمز ٿي رکي ،جيڪي عشق جي ميدان ۾ عاشق کي پير پائڻ تي ايندڙ تڪليفن جو بيان ڪري ٿي۔اهئي سوچون شاعري جي روپ ۾ نه اٽڪل سان لکجي سگهجن ٿيون نه لکڻ واروٽيئن درجي جو شاعر ٿي سگهي ٿو۔توهان ڪسر نفسي کان ڪم پيا وٺو۔توهانجي مٿين شعري پنهنجي اندر جا احساسات اسان جي دل ۾ اجاگر ڪري ڇڏيا آهن۔شاعرن جو سرتاٍج شاه عبدالطيف ڀٽائي رح جي عشق جي باري ۾ ڪجه وڌيڪ بيت اوهانجي نظر: محٻت جي ميدان ۾ ،ڪنه چيوئي آچ سيڻن جي سراء ۾ ٿو مئي جو ٻري مچ پرين چونئي پچ، تون اڳ اوڏوئي نه وڃين۔ ____ ___ _____________ محٻت جي ميدان ۾ ،ڪر پڙاڏو پٽ سر سوري ء ،ڌڙ ڪنگرين،متان ڪڇين ڪٽ عشق نانگ نپٽ،خبر کاڌن کان پوي ______ _________ ____ محٻت جي ميدان ۾ ،سر جو سانگ م ڪر لاهي سر،لطيف چئي،اڳئان دوستن ڌر وڍيين تان واه ٿيين سندي دو سان در عشق نانگ آپر، خبر کاڌن کان پوي
