سنڌ سلامت سان ڪاوڙ واري ڳالهه ۽ حقيقت

اسلام عليڪم سنڌ سلامت جا ساٿيو

ادا احوال عرض اهيو ته ڪجهه ڏينهن پهرين مان سنڌ سلامت جي فورم تي لکڻ کان الوداع ڪئي هئي، صرف ان لاء ته هاڻ منهنجون لکڻيون ٻين دوستن کي فائدي جي بجاء نقصان ۽ دل آزاري جو سبب بڻجڻ لڳيون آهن،، سو مون اهيو سوچيو ته اهو سون ئي گهوريو جيڪو ڪن ڇني۔۔۔ مگر ادا افسوس سان چوڻو ٿو پوي ته منهنجي ان ڳالهه کي ڪجهه دوست سمجهي نه سگهيا، ۽ انهن پنهنجا مختلف رايه ۽ تاثر پيش ڪندا رهيا، ڪن چيو تهممتاز وگهيو جي ڪاوڙ اجائي آهي، هن کي ته ڪنهن ڪجهه چيو به ڪونهي، ته وري ڪن چيو ته ادا اسان ڪا اهڙي ڳالهه ته نه ڪئي جنهن مان ناراض ٿيڻ يا وري الوداع ڪرڻ جا ڪي سبب هجن، ته وري ڪن چيو

ممتاز هن اڱڻ جو پراڻو يار آهي، ڪيترائي ڀيرا آيو آهي ۽ ڪيترائي ڀيرا گم به ٿي ويندو آهي ،،،، درياهه جو ڪم آهي وهندو رهڻ سو سنڌ سلامت الله جي شڪر سان ۽ اوهان دوستن جي دوستيءَ سان وهندي رهي آهي ،،،، ممتاز به گهمي ڦري وري دوستن وٽ ايندو، ” رب العالمين کيس پنهنجي امان ۾ رکي​

ته وري ڪن چيو ته،يقين ڪريو نمازِ جمعه ۾ گوليون وسيون خودڪُش حملو ٿيو بولان ميل ۾ اسانجي بوگي مٿان فائرنگ ٿي ايڏو ڏک نه ٿيو جيڏو اوهانجي مٿين سِٽن ڏک ڏنو آهي ۔ ڇا آئنده ايئن ڪجي ته ڪو دوست پنهنجا خيال ونڊ نه ڪري ؟ يا ڪچهري مان اُٿيو هليو وڃجي ؟؟ مان حجت ڪري هنن لفظن کان به لکڻ کان ڪو نه ٿو ڪِيٻايان ته محفل کي ايئن ڇڏي وڃڻ به بَد اخلاقي آهي ۔مطلب ته سڀني دوستن پنهنجا پنهنجا تاثر ۽ خيال پيش ڪيا، جڏهن ته حقيقت ڪجهه ٻئي هئي، ۽ مان اهيا به وضاحت ڪندو هلان ته مان نه ڪنهن سان ذاتي طرح ناراض ٿيو هئس نه ئي مان ڪا ڪاوڙ ڪئي هئي، مون صرف ان لاء سنڌ سلامت کي الوداع ڪئي هئي ته جيئن منهنجي لکڻين جي ڪري ٻين جي دل آزاري کان بچي سگهجي،

ان کان علاوه سنڌ سلامت جي ڪافي دوستن سنڌ سلامت تي مون سان پنهنجي محبت جو اظهار ڪيو ۽ مون کي پنهنجي حساب سان پرچائڻ جي ڪوشش ڪئي، جڏهن ته مان ڪنهن سان به ڪاوڙيو ڪو نه هئس، ڪجهه دوستن ته فونون به ڪيون، ۽ انهن سان مختلف مسئلن تي ڳالهه ٻولهه ۽ ڪچهري به ٿئي، ۽ انهن سنڌ سلامت سان ناراضگي جو سبب پڇيو ۽ سنڌ سلامت سان ناراضگي ختم ڪرڻ لاء چيو۔ ۽ مون انهن کي به اهيو عرض ڪيو ته مان سنڌ سلامت سان ناراض نه آهيان ڪڏهن پنهنجي ٻولي پنهنجي ڌرتي پنهنجي امڙ سان ناراضگي به ٿيندي آهي ڇا ؟ مگر مان ان ڪري سنڌ سلامت تي لکڻ نه ٿو چاهيان جنهن جو ذڪر مان مٿي ڪري چڪو آهيانجن دوستن سان ڳالهه ٻولهه ۽ حال احوال ٿيا انهن ۾ منهنجو دوست طاهر سنڌي صاحب ، افتخار علي چوهاڻ صاحب ۽ عبدالرشيد سمون (ذيشان رشيد ) شامل آهن ،( سليمان وساڻ صاحب جب به فون ڪئي هئي مگر مان آفيس جي مصروفتين جي ڪري فون اٽينڊ ڪري نه سگهيس، ۽ مان کيس فون ڪري به نه سگهيس، ۽ وساڻ صاحب به وري فون ڪرڻ جي ڪوشش نه ڪئي،) ۔۔۔۔۔ عبدالرشيد سمون صاحب سان فورم جي نئين ترتيب ۽ سيٽنگ بابت به تمام سڄي گفتگو ٿئي، جنهن ۾ مون کيس ڪافي مشورا پڻ ڏنا جن تي سمون صاحب جن اتفاق ڪيو، ۽ ڪجهه نئين فور تي مسئلا پيش اچي رهيا هئا انهن بابت پڻ کين آگاهي ڏنم ، ۽ سمون صاحب جن انهن مسئلن جو ڪافي حد تائين حل ڳولي انهن مسئلن کي حل به ڪيو آهي، ( انهن مسئلن ۽ مشورن جو تفصيلي احوال وري (سنڌ سلامت جي نئين سافٽويئر جا مسئلا ۽ انهن جا حل۔) انشاء لله ڪيو ويندو۔ باقي ادا مان ان ڳالهه جي به وضاحت ڪندو هلان ته مان اهڙي طريقي سان الوداع ڪري سنڌ سلامت تان ڪڏهن به ناهيان ويو، البته پنهنجن مصروتين جي ڪري سنڌ سلامت تي ڪجهه وقت لاء غائب رهيو آهيان، جهڙي ريت سنڌ سلامت جا ٻيا دوست به گاهي به گاهي غائب رهندا آهن، ۔۔۔ باقي سنڌ سلامت جي دوستن جي پنهنجي محبت جو اظهار ڏسي ڪري مون کي تمام گهڻي خوشي محسوسٿي، ، ڪوشش ڪجي ٿي ته انهن دوستن جا مون لاء محبت جي اظهار لاء ڪهڙا ڪحڙا الفاظ استعمال ڪيل آهن،​

 

​

​

​

​

 

ادا مون پهريون دفعو هن سائٽ کي وزٽ ڪيو آهي سڀ ڪمينٽس هن تحرير جا پڙهيم ڪو ڀي دوست ممتاز کان ناراض ته ڪون ٿو لڳي فورم جي ٍ ڄاڻ ته ڪون اٿم پر ادب سان ممتاز ڀا  کي عرض ڪندس ته پنهنجن جي غلطين کي نظر انداز ڪري سائٽ جي لائ دوستن جي لائ ڪٍجه لکو مهرباني

 

ادا ممتاز وگهيو صاحب،توهانجي مهرباني جو هن اڳڻ کان پري وڃڻ وارو فيصلوواپسي وٺي هن ڪکائن پر پيار۔عزت ؤ اخلاق سان ڀريل پنهنجي گهر تي پير وڌو اٿئو۔توهان جي ليکن ۾ ڏنل معلومات تمام آتم هوندي آهي ،جنهن جو اظهار اسان سميت گهڻن ميمبرن پنهنجن ڪمينتش ۾ ڏنو آهي۔توهان کي ياد آهي ته اوهان اسان جي ليک جي جواب ۾ راء ڏيندي چيوء هو ته منفي ڪمينٽس ڏيڻ سان اڳيون ميمبرتوهانجي ليکن ۾ اصلاح چاهيندو آهي ته اوهان پنهنجي ڪمزورين تي قابو پائي سگهوء۔توهان پنهنجي نوڪري جي شروعات واري دور جو حوالو ڏيندي فرمايو هو ته توهان جا سينئرتوهان جي ڪم مان ڪافي غلطيون ڪڍندا هئا ۽ توهان کي ان تي ڪاوڙ ايندي هئي پر بعد ۾ توهان ان ڳاله کي سمجهو ته اها سڀ اوهان جي ڀلائي لاء هئا۔توهان جهڙا ڏاها هن اڳڻ جي زينت آهن،ڪاوڙ کي پاڻ کان پرتي رکو،ڇا ته اهاء ٻين جي مقابلي ۾ اوهان کي وڌيڪ نقصان پهچائيندي۔جنهن دور مان اسان جي قوم گذري رهي آهي،ان قسم جي ڪاوڙن جواسان متحمل نه ٿا ٿي سگهون۔

 

السلام عليڪم
ڀاءُ ممتاز جڏهن اوهان امير خسرو جي هن شعر جي مصداق ته

من تو شدم تو من شدي، من تن شدم تو جان شدي،​

تاڪس نگويد بعد ازين، من ديگرم تو ديگري،​

I have become you, and you me; I have become the body,
you the soul; So that none hereafter may say
that “I am someone and you someone else.
خاص حيثيت جا حامل ٿي ساٿ جي اهم ضرورت بڻجي ويا آهيو ۽ اوهان جي مختلف لکڻين ۽ تبصرن مان جڏهن فائدو عام ٿي رهيو آهي، ان وقت اوهان جو الوداع ڪرڻ ساٿ کي هرو ڀرو جو نقصان پهچائيندو جيڪو شايد اوهان کي به هرگز گوارا نه هوندو،،،،،،،،،،،،،،،،
مان اوهان کي گھڻو ڪجھ نه چوندس پر بس هاڻي اوهان کي پاڻ ئي پاڻ کي پرچائڻو آهي
الله سائين اوهان کي خوش رکي

 

ادا ناراض نه ٿيا هئا اها خوشخبري آهي، واپس آيا اها اوهان جي دريا دلي آهي۔۔۔۔۔۔۔۔۔۔۔ الله ڪندو ساٿ سدائين سلامت رهندو

 

ادا توهان جي مهرباني جو توهان منهنجي هن ليک جي اچڻ تي آجيان ڪئي، باقي ادا هڪ عرض ڪندس ته مان ممتاز علي وگهيو آهيان، توهان ممتاز سولنگي لکيو آهي، جنهن کي ترميم جي وسيلي صحيح ڪري ڇڏيندا ته توهان جي نوازش ٿيندي۔ سائين توهان جي تعارف کان مان بلڪل واقف نه هئس پر اسان جي دوست محترم عبدالرشيد سمون صاحب جن ڪجهه واقف ڪيو آهي، توهان جو تعارف ٻڌي ڪري تمام گهڻي خوشي ٿي ته توهان جهڙا قابل ماڻهون به اسان جي فورم سنڌ سلامت جا ميمبر آهن۔

 

ادا ممتاز علي وگهيو صاحب۔ادا سائين اوهانجي مهرباني جو اسان جي ڳالھ کي مثبت موٽ ڏني اٿئو۔ادا ا سان اوهانجي نالي ۾ غلطي سان وگهيو جي جاء تي سولنگي لکي ڇڏيو،اسان ان جي ترميم ڪري ڇڏي آهي،ان غلطي کي معاف ڪندا۔

 

سنڌ سلامت جي سهڻي ۽ ڏاهي دوست کي هڪ دفعو ٻيهر دل جي گهراين سان ڀليڪار ۔۔۔ ​

​

سنڌ سلامت، سنڌ دوستن جي اوطاق آهي جنهن ۾ ڪيترن ئي قسمن جا دوست ۽ ڪيترن ئي سوچن ۽ فطرتن جا دوست اچنٿا ۔۔۔۔ هاڻ جيڪڏهن هن اوطاق جو ساٿي ٿي رهڻو آهي ته، ڪافي حد تائين پاڻ کي مضبوط ڪرڻو پوندو ۔۔۔ نظريا جيتوڻيڪ اهم به هوندا آهن ۽ سچ جو پاسو ڇڏڻو به ناهي ته پوءِ جيڪڏهن اسان مان ڪوبه ڪنهن هنڌ ڀلجي پوي ته ان سان اوطاق جي پراڻن دوستن جو رويو ڪهڙو هجي ۔۔۔۔ ؟؟؟ ان جو جواب ته ممتاز صاحب پاڻ به بهتر سمجهي ٿو ۔۔۔​

​

مون ڪٿي پڙهيو هو ته لفظ ۽ انهن جي ادائگي ئي اثر پئدا ڪندي آهي ۔۔۔ جيڪڏهن اوهانجي ليک ۾ ڪٿي ڪا بدمزگي ٿي پوي ته سمجهي وڃو ته ممڪن اوهان لفظ يا ادائگي ڪٿي غلط ڪئي آهي ۔۔۔ جڏهن ته اوهانجو مقصد ڪو ٻيو هوندو آهي ۔۔۔ هڪ ٻي ڳالهه ته ڪجهه ڳالهيون تمام ٿورن لفظن ۾ به تمام سهڻي انداز سان بيان ٿي وينديون آهن۔

هڪ ننڍڙو عرض ته مون پنهنجي ليک ۾ ڪٿي نه لکيو ته اوهان اڳ به الوداع چيو هو ۔۔۔ وري غور ڪندا ته ممڪن ڳالهه پڌري ٿي پوندي۔​

​

سنڌ سلامت جا سڀ دوست عزيز ۽ محترم آهن ،،، ويندڙ يا گم ٿي ويندڙ دوست اڃان تائين دلين ۾ آهن ۽ جيڪي موجود آهن سي به اسانجي سر تي آهن ۽ اڃان جيڪي دوست ايندا ته اسانجي روح جي راحت ٿيندا ۔۔۔۔ سچ پڇو ته سنڌ سلامت تي اچڻ کانپوءِ ” آءُ“ ختم ڪري ويهندو آهيان ۔۔۔۔ سنڌ ۽ سنڌ جو سڏ سامهون هوندو آهي۔ تازو هڪ جملو پڙهڻ کانپوءِ ته آءُ پنهنجي ذات کي پاڻيءَ تي ڦوٽو سمجهندو آهيان ۔۔۔ هن گهڙيءَ نه ته ايندڙ ڪنهن گهڙيءَ ۾ ڦس ٿي ويندو۔ اهو جملو آهي ته؛

”قبرستان ۾ پيل مرده جڏهن جيئرا هوندا هئا ته اهو سوچيندا هيا ته سندن گذري وڃڻ کانپوءِ دنيا ويران ٿي ويندي“

اوهانکي هڪ ڀيرو ٻيهر دل جي اٿاهه گهراين مان ڀليڪار ۔۔۔

سنڌ سلامت ساٿ سلامت​

 

اهو ته غلط آهي جو بنا ڪنهن به ڳالهه جي ادا ممتاز علي وگهيو صاحب ڪاوڙجي ويو . سائينجن کي ايئن نه ڪرڻ گهرجي ها . اسان جي سائينجن کي وري به اپيل آهي ته هو پنهنجون شاعريون غزل ۽ ٻيو سڀ ڪجهه سنڌ سلامت جي ويبسائيٽ تي موڪلن ۽ نارازگي به ڪيتري رهندي هي دنيا هڪ ميڻ بتي آهي جيڪڏهن هلندي ته هلندي جيڪڏهن وسامي وئي ته وسامي ويندي ڪنهن کي خبر ئي ڪان پوندي ۽ بهتر آ ته ڪنهن سان به نارازگي سٺي نه آهي . سڀ ڪنهن سان کلي ڳالهايو .

 

ادا مان عرض ڪري چڪو آهيان ته مان ناراض نه هئس ۽ نه وري آهيان، ۽ منهنجو ساٿ سنڌ سلامت سان هميشه رهندو آيو آهي، ۽ انشاءالله رهندو ايندو۔۔۔۔۔۔۔۔ ادا مان مٿي به ذڪر ڪري چڪو آهيان ته ڇا پنهنجي ٻولي پنهنجي ڌرتي ۽ پنهنجي امڙ سان به ناراضگي ٿئي سگهي ٿي ۔ ؟ سنڌ سلامت اهو پليٽ فارم آهي جنهن جي رستي اسان سنڌي ڳالهائيندڙ دنيا جي ڪنڊ ڪڙڇ مان هڪ ٻئي جي حال احوال مان واقف ٿيندا رهون ٿا، ۽ پنهنجي ٻولي پنهنجي ڌرتي سان محبت جو اظهار ڪري سگهون ٿا۔

 

ڀا ممتاز صاحب ڪجهه ڏينهن کان مان به هن اڱڻ کان ڪنهن تڪنيڪي مسئلي سبب پري رهيس، مونکي ته خبر به نه آهي ته هيڏو وڏو سانهو ٿي چڪو هيو ته توهان جهڙا ساڃاهه وند موڪلاڻي ڪري رهيا هيا، هڪ ته اهو وڏو صدمو بڻجي اسان جي سيني ۾ دکندو رهي ها، ٻيو اسان توهان جهڙي ڏاهي جي لکڻين جي مزي کان محروم بڻجي پئون ها، اها به شابس آهي توهان کي جو مهل سان سٺو فيصلو ڪري پنهنجي محبتي اڱڻ تي موٽي آيا آهيو، جي آيا، ڀلي آيا،، هاڻ ڪڏهن به وڇوڙو ڪرڻ جو سوچجو به نه، باقي ڀائو ناراضگيون ته ٿينديون رهنديون آهن، پر پنهنجن سان پرچڻ سان ويتر محبت وڌندي آهي۔۔۔جتي به هجو مرڪندا ۽ مهڪندا رهو۔۔سدائين گڏ