هڪ رپئي ۽ 2 رپين جا سڪا واڌو اگهه تي وڪرو ۽ خريد نه ڪيا وڃن: اسٽيٽ بئنڪ

[عبدالرحيم]

ڪراچي (بيورو رپورٽ) اسٽيٽ بئنڪ آف پاڪستان هڪ رپئي ۽ 2 رپين جي سڪن ۾ سون جا ذرڙا هئڻ وارن افواهن جي سختيءَ سان ترديد ڪندي هن کي بي بنياد گمراهه ڪندڙ ۽ حقيقتن جي ابتڙ قرار ڏنو آهي. اسٽيٽ بئنڪ جي ترجمان سيد وسيم الدين پاران جاري ڪيل پڌرائيءَ ۾ چيو ويو آهي ته هڪ رپئي ۽ ٻن رپين جي ٽامي جي سڪن جي مٽاسٽا واري قيمت انهن سڪن جي اصلي ماليت (فيس ويليو) جي برابر ئي رهندي. انهن سڪن ۾ سون جي ذرڙن واريون ڳالهيون عوام کي گمراهه ڪندڙ آهن جنهن ۾ ڪابه سچائي ناهي. هن عوام کي مشورو ڏنو آهي ته اهي هڪ رپئي ۽ 2 رپين جا سڪا واڌو اگهه تي خريد ۽ وڪرو نه ڪن.

ذريعو روزاني ڪاوش

 

[يونس ملڪاڻي]

اسٽيٽ بينڪ اها وضاحت انتهائي وقتائتي ڪئي آهي، ڇوته خاص طور تي ٻهراڙين ۾ اهڙين افواهن زور ورتو هو ته هڪ رپئر جو سڪو 300 روپين ۾ وڪامجي رهيوآهي، جنهن بعد هر ڪو ماڻهو اهو سڪو وڏي مُلهه سان خريد ڪري رهيو هو، پر انهي وضاحت سان واضع ٿي ويو ته سڪن جو ساڳيو ملهه آهي۔

 

[لطيفي151]

ماڻهن کي گمراه ڪندڙ ڪوڙي خبر جو آخر ڀانڊو ڦاٽي پيو۔۔۔۔۔۔۔عبدالرحيم صاحب سنڌ سلامت تي ونڊُ ڪرڻ جي مهرباني۔۔۔۔