جيئن ته سنڌ سلامت فورم سنڌي قوم جو آواز آهي۔ اسان سڀني جي اها ڪوشش رهي آهي ته هن فورم ذريعي هڪ ٻئي سان معلومات سنڌ جي تاريخ ۽ ادب بابت شيئر ڪندا رهون۔ منهنجي تمام ادبي دوستن کي ۽ سنڌ سلامت فورم جي انتظامي رڪنن کي گذارش اهي ته سنڌي شاعري جي حوالي سان معلومات پوسٽ ڪيو، جنهن ۾ اسان کي خبر پوي ته شاعري جو ڪيتريون صنفون هونديون آهن ؟ غزلن جا قسم ؟ رديف قافيو ڇا آهي ؟ فاعلن مفاعلين جي وصف؟ ڪافي اهڙي معلومات جيڪا دوستن کي فائدو ڏيئي سگهي ٿي۔ اميد ته هي عرض قبول پوندو۔۔۔ اوهان جو ڀا مصطفى آڪاش
دوستن گذريل ڪجهه عرصي ۾ اهڙا ليک موڪليا هيا، اوهان سنڌي شاعري يا سنڌي مقالن ۾ وڃي اهڙا ليک ڏسي سگهو ٿا، سنڌي شاعرن کي يا شاعريءَ جي ڄاڻ رکندڙ دوستن کي اهڙا ونڊ ڪرڻ گهرجن ۔۔۔ پاڻ شاعرن جون مٽيون ضرور ڀريندا آهيون پر شاعر ناهيون انڪري معاف ڪجو۔۔۔ سنڌ سلامت تي اڳ کان ڪافي موضوعن تي مقالا ۽ ليک موجود پڻ آهن ۔۔۔ هر هڪ ڪمري ۾ وڃي اهي ليک پڙهي سگهجن ٿا۔ لک قرب ۔۔۔ سٺي صلاح آهي
ادا ان سلسلي ۾ مرزا قليچ بيگ جو سنڌي گرامر جو ڪتا وياڪارڻ پڙهي ڏسو باقي مختصر آ هتي ڪجه بيان ڪيان پيو شاعري هڪ احساسن جو اوڳاڇڻ آهي ۔۔۔۔۔الهامي اثر هيٺ لفظن کي هڪ مڻيادار تصبيح ۾ ترتيب سان پوئڻو هوندو اهي۔۔ هن ۾ ڪئي صنفون آهن مثال غزل،نظم بيت گيت وائي ڪافي ٽي سٽا يا هائيڪا ۽ آزاد نظم دوهيڙا چار سٽا، وغيره وغيره ڪافيو: لفظن جي آواز جو ملڻ ڪا فيو سڌبو آهي فاعلن مفوعلن جو سمجهڻ به ضروري آهي۔۔۔۔ غزل: هن صنف ۾ آخري جملو پورو دهرايو ويندو آهي مثال نظم : هن ۾ ٻن سٽن جو آخري لفظ ن جو آواز ملندو آهي جيئن ملندو هلندو کلندو وغيرو گيت ۾ ٻي سٽ جو آخري لفظ جو آواز ملندو آهي
پاڻ شاعرن جون مٽيون ضرور ڀريندا آهيون پر شاعر ناهيون ( انڪري معاف ڪجو۔۔۔ ) سهڻا سائين توهانکي معاف ڪريون ؟؟؟ اِهو ڪيئن ممڪن آهي ؟؟ معاف ڪجي سو به نثار ابڙو صاحب کي ، سڄڻ پاڻ کي گنهگار ته ناهي نه ڪرڻو ؟ 1975ع ۾ پائلٽ هاءِ اسڪول جي هيڊ ماستر صاحب جي آفيس واري ڏاڪڻ مان مٿي چڙهندي هڪ ٻئي کي ٿونا هڻندي نائنٿ ڪلاس جي سي سيڪشن ۾ ڪلاس ٽيچر آنجهاني سائين ماڻڪ راءِ ، دينيات جو سائين محمد مراد تنيو مرحوم ، فزڪس جو ڪلاس سائين جميل احمد شيخ (معشوق) ڪيمسٽري جو سائين حبيب الرحمان (عاشق) مئٿ جو سائين محمد اعظم ميمڻ ۽ بائلاجي جو سدا حيات سائين مسڪين محمد ڄام کوکر صاحب جي پيرڊ اُڪلائڻ کانپوءِ ، قد جو ڊگهڙو رنگ جو چٽڙو، غزالي اکڙين واري سنهڙي سيپڪڙي پينٽ شرٽ ۾ ملبوس سٻاجهڙي شخصيت نثار ابڙو ئي ته آهي
مطلب اڃان تائين ٿونا هڻڻ نه وساريا اٿوَ ۔۔۔۔ ههههه ۔۔۔ اوهانجي ياداشت کي شابس آهي، لڳي ٿو سچو کير ۽ مکڻ کاڌل اٿوَ ۔۔۔۔ پاڻ کي ته اها ڪاٺ واري ڏاڪڻ به لڳ ڀڳ وسري وئي آهي ۔۔۔ استادن جا به ڪافي نالا وسريل هيا پر هاڻ اوهانجي يادگيري سبب ياد اچي ويا ۔۔۔۔ واه جو ٿونو هينو اٿوَ ۔۔۔۔ پر اهو حليو جيڪو اوهان چٽيو آهي اهو ته مونکي به ياد ناهي، ترس آئيني ۾ ڏسي وٺان ته اکيون غزالي آهن يا ڳوٺ جي ٻڪر واريون، جيڪو ڳوٺ جي هر ٻڪريءَ تي ٻي ٻي ڪندو هو ۔۔۔۔ هههههه اوهانجي ياداشت ڪمال جي آهي ۔۔۔ انٽرنيٽ تي سنڌ سلامت ۽ فيسبڪ جي مهرباني سان کوڙ ساترا پراڻا ۽ نوان دوست مليا آهن، جديديت جو ڪمال چئجي جو وسريل ۽ وڇڙيل۔ گم ٿيل ۽ نوان دوست ملايا اٿس ۔۔۔۔ رب اوهانکي پنهنجي امان ۾ رکندو ۔۔۔ اميد ته ڪڏهن آمهون سامهون ميلو ضرور ٿيندو ۔۔۔ اوهانجي تصوير تي غور ڪرڻ سان هڪ سهڻو سٻاجهڙو ڇوڪر ذهن ۾ اچي ٿو شايد اهي اوهان ئي هجو ۔۔۔ ان دوست ۽ اوهان ۾ فرق صرف مڇن جو آهي ۔۔۔ هههههههههه
خوشي اها ٿي جو هن مضمون ۽ هن فورم ذريعي اسان جا ٻه داناء ۽ ڏاها دوست هڪٻئي جا پراڻا دوست ۽ ساٿي نڪتا ۔۔۔۔۔۔ سچ پڇو مونکي گهڻي خوشي آهي۔ مصطفى سائين اوهان اهم ڳالهين طرف اشارو ڪيو آهي، ان لاء مان اسان جي شاعر دوستن کي اهو عرض ڪندس ته نه صرف شاعري جي حوالي سان ڄاڻ ڏين پر ان سان گڏ نون شاعرن جي حوصلا افزائي ۽ انهن جي رهنمائي پڻ ڪن ۔۔۔۔۔۔۔۔ مهربانيون دوستن جون ۔۔۔۔۔۔۔۔
اوهان سڀني دوستن جا لک قرب سائين سليمان سائين کي عرض آهي ته سائين اسانجي علائقي ڪشمور ۾ ادب جي حوالي سان ڪائي چرپر ناهي۔ آءٌ اها ڪوشش ڪريان پيو ته ادب جي حوالي سان هن ضلعي ۾ گڏجاڻيون ڪرائجن۔ ته جيئن هتان جي ماڻهن کي سنڌي ادب بابت ۽ سنڌ جي ڏاهن سهڻي ليکڪن سان ملاقات ڪرائي سگهجي، اوهان سڄڻن جو ساٿ کپندو۔
ادا نثار احمد ۽ ادا رضوان علي کي مبارڪون هجن، هن فورم تي ڪافي نوان ۽ پيارا دوست مليا آهن، شال سدائين خوش رهندا
خوشي اها ٿي جو هن مضمون ۽ هن فورم ذريعي اسان جا ٻه داناء ۽ ڏاها دوست هڪٻئي جا پراڻا دوست ۽ ساٿي نڪتا ۔۔۔۔۔۔ سچ پڇو مونکي گهڻي خوشي آهي۔ سائين لک لائق جو ٻن سڄڻن جي 36 سالن کانپوءِ جي ملاقات ( جا عيد کان گهٽ ناهي ) تي اوهان کي خوشي ٿي ۔ انشا الله اهڙي طرح سان ٻيا به سڄڻ هن اڱڻ تي قرب جا پير ڀَري ايندا هڪٻئي سان ميل ملاقاتون ڪندا ۔ آءُ اڱڻ تي عيد ڪيون گڏجي گذاريون ڪي گهڙيون ۔
