هڪ ڪئنسر جي مريضه جي مدد لا اپيل!

[سليمان وساڻ]

رب پاڪ جا شڪر گذار آهيون جو ڀيڻ جي صحت ۾ بهتري اچي رهي آهي۔ ڀاء @عبدالحفيظ لغاري اوهان کي به جس هجي جو اوهان اهڙو نيڪي ڀريو ڪم ڪيو ۽ راتين جون راتيون ۽ ڏينهن اسپتال ۾ گذاريا۔ پر ڀاء اهو اسان جي فرضن ۾ آهي جي اسان سمجهون ته، دوستن جا لک ٿورا جن مان ڏنو ۽ سنڌ سلامت جي سڏ کي موٽ ڏني ۔۔۔۔

 

[TAHIR SINDHI]

ادي جي طبيعت بهتر ٿيڻ جو ٻڌي سچ پچ ته ڏاڍي خوشي ٿئي ٿي، ڌڻي تعالا سڀني مدد ڪندڙ دوستن کي جزاء خير عطا فرمائي، ۽ ادي جن کي مڪمل صحتياب ڪري، آمين۔

 

[منظور ڪلهوڙو]

الله پاڪ کان دعا آهي ته سڀني مريضن کي صحتياب ڪري آمين ،۽ اميد ٿا ڪيون ته اهڙو سهڪار اسان سڀني ۾ هئڻ گهرجي ته جئين وقت سر هڪ ٻئي جو سهارو بڻجي ڪنهنجي ڪم اچي سگهون۔۔

 

[غلام مصطفي ميمڻ]

ادا عبدالحفيظ لغاري صاحب اسلام عليڪم۔ ادا سائين الله پاڪ جي رحم ؤ ڪرم سان ادي تسليم جو آپريشن جو مرحلو طئي ٿئي ويو ۽ هنن جي صحتيابي جي نويد اوهان ٻڌئي اسان کي خوشين جهڙا احساس ڏياري ڇڏيا۔ ادي جي علاج ۾ سڀ کان وڌيڪ اهم ڪم اوهانجو هئو ۽ ان جي تعريف نه ڪرڻ سچ مچ ته هن فورم جي هڏ ڏوکي ۽ محنتي ؤ محبتي انسان سان زيادتي ٿيندي ۔ادي تسليم کي ته اسان مان ڪير به نه سڃاڻندا هئا،اوهان ئي هو جو هنن جي علاج جو عنديه کڻي نه رڳو هنن کي هن فورم تي متعارف ڪريو پر هر هر لمحي ان جي پرگهور ڪري پنهنجي ويجهن سڄڻن کان وڌيڪ هنن جي علاج ۾ دلچسپي ڏيکاري۔ الله سائين اوهان کي ان جو اجر ڏيندو۔ اسان توهانجي ڪوششن کي ڪاميابي تائين پهچائڻ ۾ ٿوري گهڻي مدد ڪئي پرحقيقت ۾ مبارڪ جا مستحق آوهان آهيو۔ الله پاڪ ڪندو ته ادي تسليم بلڪل صحتياب ٿئي ڪري پنهنجي روزمره ڪم انجام ڏينديون ۽ توهانجون محنتون ڪاميابي سان همڪنار ٿينديون۔هميشه خوش رهو۔

 

[نثارابڙو]

مسڪين ضرورتمند جي لاءِ ڊڪ ڊوڙ ڪرڻ وارو ٻانهو (الله وٽ اجر ۽ ثواب ۾) الله جي راهه ۾ جهاد ڪرڻ واري ٻانهي وانگر آهي ...
رسول اڪرم صلي الله عليه وسلم

آءُ واڌايون ڏيانٿو
سنڌ سلامت ڊاٽ ڪام
جي سموري سٿ کي جن هڪ سنڌي نياڻي جي ، جيڪا ڪينسر جي مرض ۾ مبتلا هئي، اخلاقي، مالي مدد ڪري شفاياب ٿيڻ ۾ هٿ ونڊايو
سلامت هجو​

 

[عبدالحفيظ لغاري]

نثارابڙو اوهان جي مهرباني هن ڀيٽا لاءِ۔ ڪلهه بايوپسي رپورٽس به اچي ويون جيڪي شڪر آهي ته صحيح آهن۔ اڄ ڪرن هاسپيٽل وارن کان راءِ وٺڻ لاءِ ڪرن هاسپيٽل ۾ ڏيکارڻو آهي۔ اميد آهي ته مسئلو مڪمل حل ٿي چُڪو آهي۔

 

[عبدالحفيظ لغاري]

اڄ اوهان کي اهو ٻُڌائيندي سرهائي پئي محسوس ٿئي ته تسليم لغاري جنهن زندگي مان آسرو لاهي ڇڏيو هو۔ اوهان سڀني دوستن جي مدد سان سندس وقت سر آپريشن ٿيو۔پوءِ سندس ڪرِن ۾ ٽريٽمينٽ هلي۔ اڄ تسليم خوش آهي ته هو زندگي بچائي وئي آهي۔

 

[سليمان وساڻ]

مونکي به خوشي ٿي جو اسان جو هي فورم سنڌ سلامت ڪنهن جي جان بچائڻ لاء به ڪم آيو، ان سڄي ڪم جو اصل مهندار دوست حفيظ لغاري آهي۔

 

[غلام مصطفي ميمڻ]

ادا عبدالحفيظ السلام عليڪم۔ الله پاڪ جا لک لک احسان آهن جو ادي تسليم صحتياب ٿئي ويون۔ اهو سڀ اوهان جي محنتن جو ثمر آهي۔ توهان هنن جي علاج ۾ دلچسپي وٺي هڪ تمام نيڪ ڪم ڪيو آهي ۔الله پاڪ اوهان کي ان جو اجر ڏيندو۔