ڪالهه سائين نثار ابڙو فيس بوڪ تي هڪ سائيٽ جو لنڪ موڪليو جنهن ۾ مختلف موبائيل جا گهر ويٺي پهچائڻ جا مناسب ريٽس ڏسي سگهجن پيا۔۔۔ سائيٽ گهمندي هڪ اهڙي اليڪٽرانڪ پرزي تي نظر پئي جنهن جي اڄ جي لوڊشيڊنگ واري دور ۾ ڪافي ضرورت محسوس ڪئي پئي وڃي۔۔۔ هي آهي پورٽيبل سولر پاور بينڪ۔۔ هن کي خاص طور ڊيزائين ڪيو ويو آهي۔۔ جنهن ڪري هي سج جي ڪرڻ کي پاڻ وٽ گڏ ڪري هائي انرجي ليٿيم بيٽري کي چارج ڪرڻ جي صلاحيت رکي ٿو۔۔۔ ان کانسواءِ۔۔ هن جي اندر به بلٽ ان بيٽري موجود ٿئي ٿي جنهن ذريعي ليپٽاپ يا موبائيل کي هلائي سگهجي ٿو۔۔۔ ڪابه موبائيل مڪمل چارج ڪرڻ ۾ ڪلاڪ کان ٻه ڪلاڪ جو وقت جڏهن ته هائي انرجي ليٿيم بيٽري کي ٻه کان ٽي ڪلاڪن ۾ چارج ڪري سگهي ٿو۔۔۔ هن ۾ سولر پينلس سان گڏو گڏ هڪ ايل اي ڊي پڻ لڳل آهي جنهن ذريعي آساني سان معلوم ڪري سگهبو ته بيٽري ڪيتري چارج ٿيل آهي ۽ وڌيڪ ڪيتري وقت ۾ مڪمل چارج ٿي ويندي۔۔۔ وزن ۾ هلڪو ۽ استعمال ۾ آسان سولر پاور بينڪ جي پيڪيٽ ۾شامل آهن ٻه ڪنيڪشن وائرز، ٻه آئوٽ پٽ پلگس، هڪ ايڊاپٽر، هڪ آپريشنل مينيوئل، هڪ رپيئر ڪارڊ ۽ ڪوالٽي ڪنٽرول پاس سرٽيفڪيٽ شامل آهن۔۔۔ ڪمپني جي اشتهار مطابق هن جي قيمت 8999 روپيه آهي۔۔۔ ته پو آهي ڪو ضرورت مند دوست۔۔۔۔۔۔۔۔۔؟
اڙي يار رشيد! اها شئي ته اصل نظر مان ٿڙي وئي ۔۔۔ واه واه ۔۔۔ پاڪستان ۾ ان شئي جي ته اهم ضرورت آهي ۔۔۔ سج جي روشني زنده آباد ۔۔۔ بجلي مرده آباد ڀلو ۽ ڪارائتو ونڊ
ها پر ڪجهه سستو ٿو لڳي ۔۔۔۔۔۔۔۔۔ ٻيو ته پنهنجي ليپ ٽاپ سان ڪانه پوي، بجلي جي انتظار ۾ هوندا آهيون ته ڊيسڪٽاپ تي ويهي دوستن سان حال احوال ڪجن۔
موبائيل چارجنگ لاء ته ريلاء ايبل ٿي سگهي ٿو باقي ليب ٽاپ لاء منهنجي خيال ۾ مناسب نه ٿو لڳي جو ان جي سائيز مان نظر اچي ٿو ته هي ايمپيئر صحيح نه ڪڍندوٍ نتيجي ۾ اڌ ۾ ڌڪ ڪڍندو بهرحال نيئن ٽيڪنالوجي آهستي آهستي ترقي ڪري آهي اميد ته اهو اڳتي هلي سستو به ٿيندو ته عام به ٿي ويندو۔
