السلام عليڪم دوستو! عرض آهي ته آ قيو بي ڪمپني جي انٽرنيٽ سروس استعمال ڪندو آهيان، جيڪا شٽل ڊوائيز يو ايس بي ذريعي نيٽ فراهم ڪري ٿي، منهنجو سوال هي آهي ته ڇا آ پنهنجي ليپ ٽاپ تان وائي فائي ذريعي پنهنجي موبائل ۾ جيڪا به وائي فائي سپورٽ ڪري ٿي ۾ انٽرنيٽ شيئر ڪري سگهان ٿو؟ ياد رهي ته آ ونڊوز ايڪس پي سروس پيڪ 2 استعمال ڪريان ٿو۔ ان سان گڏو گڏ جيڪڏهن ونڊوز 7 ۾ به اهڙو طريقو سمجهايو ته مهرباني ٿيندي۔ جن دوستن وٽ ان سلسلي ۾ ڄاڻ هجي ته مهرباني ڪري تصويرن سان سمجهائيندا ته شڪر گذار رهندس، خصوصي طور سائين جادوگر ذيشان رشيد صاحب جن کي گذارش آهي۔۔۔۔ مهربانيون۔۔۔
ان ڳالھ جي خوشي ته ضرور ٿي آهي جو هن وقت تائين 17 کن سڄڻن موضوع کي ڏٺو آهي پر وري افسوس ان ڳالھ جو ٿئي پيو ته سڄڻن مان ڪنهن به ڪو حل ته ڪونه ٻڌايو پر ڪا آٿٿ يا ڪا معمولي ڄاڻ به شيئر نه ڪئي!!!
يار طاهر ڪنهن اهڙي دوست جو انتظار آهي جيڪو ان جو ڪو حل ڳولهي سگهي۔ اسان کي ڪجهه لکڻ لاء چئو ته ڪتاب لکي وڃون، باقي ٽِڪنيڪل معاملن ۾ صفا ڍلا آهيون۔ ٻي ڳالهه ته اوهان شايد ڪيو بي ذريعي واء فاء استعمال نه ٿا ڪري سگهو۔ واء فاء لاء انٽرنيٽ ڪمپنيون الڳ ڊوائس ڏينديون آهن، جيڪو ٿي سگهي ڪيو بي وارا به آفر ڪندا هجن۔
سائين اهو ممڪن آهي اهو ته ڪنفرم آهي، صرف ڪنهن ٽينيڪل دوست جو انتظار آهي جيڪو تصويرن سان مسئلو آسان ڪري ڏئي، منهنجي هڪ دوست وٽ ائين نيٽ هلي ٿي پر فون تي ڳالھ سمجھ ۾ نه ايندي، ان ڪري ته جادوگر صاحب جن کي به عرض ڪيو اٿم۔۔۔
ادا موبائل جي ذريعي ليپٽاپ يا ڪمپيوٽر تي انٽرنيٽ هلائڻ جو طريقو ته پر ليپٽاپ تا موبائل تي انٽرنيٽ هلائٽ جو مشڪل سان ڪو طريقو موجود هجي۔ اسين به انتظار ٿا ڪريون ته شايد ڪنهن دوست کي ان جي باري ۾ خبر هجي۔
ادا عبد الرحيم اڄ جي دور ۾ ڪا به شي مشڪل نه آهي، اوهان شايد منهنجي مٿين تحرير غور سان نه پڙهي جنهن ۾ مون چيو ته منهنجو هڪ دوست ان طريقي سان پنهنجي ليپ ٽاپ تان پنهنجي موبائل ۾ وائرليس شيئر ڪرائي انٽرنيٽ استعمال ڪري پيو۔۔۔
جي ها دوستو جيڪڏهن توهان يو ايس بي يا لين ڪارڊ ذريعي نيٽ هلائي رهيا آهيو ته ان کي وائي فائي ذريعي ٻين ڊوائيسز لاءِ شيئر ڪري سگهو ٿا۔۔۔ ونڊوز ايڪس پي ۾ ان جو طريقي ڪار ڪجهه هن طرح آهي۔۔۔ ڪنٽرول پينل کوليو ۽ نيٽورڪ ڪنيڪشن فولڊر کوليو۔۔۔ جتي ڪنيڪٽ ٿيل لين ڪنيڪشن هيٺان موجود Wireless Network Connection تي مائوس سان ساڄي پاسي ڪلڪ ڪري Properties تي ڪلڪ ڪريو۔۔۔ ساڳيو ڪم سسٽم ٽري (جتي ٽائيم ٿيندو آهي) ۾ موجود Wireless Network Icon تي ڪلڪ ڪري View Available Wireless Networks تي ڪلڪ ڪندي کلندڙ ونڊوز منجهان Change advanced settings تي ڪلڪ ڪري به پورو ڪري سگهجي ٿو۔۔۔ هاڻي کلندڙ ڊائلاگ باڪس منجهان Network Connection ٽيب کوليو۔۔ هتي ان ڳالهه جي تصديق ڪريو ته using Windows to configure your wireless network settings ڀرسان چيڪ باڪس تي چيڪ لڳل هجي جنهن کان پوءِ هيٺ موجود Add بٽڻ تي ڪلڪ ڪريو۔۔۔ توهان اڳيان هڪ وڌيڪ ڊائلاگ باڪس کلندو۔۔۔ ان جي پهرين ٽيب يعني Association تي رهندي SSID تي نيئن نيٽورڪ جو نالو ڏيو۔۔۔ Authentication سيٽ ڪرڻ کان پوءِ پاسورڊ لکو ۽ هيٺ موجود جملي This is a computer-to-computer (ad hoc) network; wireless access points are not used جي اڳيان موجود چيڪ باڪس تي ڪلڪ ڪريو۔۔۔ چاهيو ته ان جي مٿان موجود جملي The key is provided for me automatically" if you want to input your network key manually جي اڳيان به چيڪ لڳايو ۽ اوڪي بٽڻ پريس ڪريو۔۔۔ اهڙي نموني ايڊهاڪ نيٽورڪ توهان جي اڳيان کلندڙ اڳ واري ڊائلاگ باڪس ۾ شامل ٿي ويندو جنهن کي به اوڪي پريس ڪندي بند ڪريو۔۔۔۔ هاڻي پنهنجي موبائيل جي وائي فائي آن ڪري سرچ ڪرايو توهان جو تيار ٿيل ڪنيڪشن توهان جو موبائيل ڳولي وٺندو جنهن کي ڪنيڪٽ ڪندي سيٽ ڪيل پاسورڊ لڳايو ۽ نيٽ هلايو۔۔۔ هي ساڳيو طريقي ڪار سمجهڻ لاءِ حاضر آهي وڊيو جنهن ۾ توهان ڪجهه اضافي سيٽنگس پڻ سمجهي سگهندو۔۔۔
جيئن ته هن وقت رات جا 3 وڄي رهيا آهن ۽ ننڊ اکيون بند ڪري آهي ان ڪري ونڊوز 7 استعمال ڪندڙ دوستن جي سکيا لاءِ في الحال مختصر وڊيو لڳائجي ٿي۔۔۔ اميد ته ان ذريعي ايڊهاڪ ڪنيڪشن سيٽ ڪرڻ سکي ويندا۔۔۔ جنهن جو تصويري طريقو ۽ هڪ سافٽويئر سان ايڊهاڪ ڪنيڪشن ٺاهڻ جو تصويري طريقو موقعو ملندي ئي پوسٽ ڪيو ويندو ۔۔۔
ادا ذيشان رشيد تمام بهترين حل ڳوليو ۽ اسان سان ونڊ ڪيو آهي۔ آهي اهو به طريقو آسان پر ٿورو ٽپيڪل يا مونجهائيندڙ آهي۔ آئون توهان لائي هڪ سافٽويئر کڻي آيو آهيان جنهن جو ڪم به اهو ساڳئو آهي مطلب هن سافٽويئر جي ذريعي توهان پنهنجي ليپ ٽاپ يا پي سي کي هڪ وائي فائي ڊيوائيس يا هوٽ اسپوٽ ٺاهي سگهو ٿا۔ طريقو تمام سولو آهي۔ سڀ کان پهرين سافٽويئر کي هن لنڪ تان ڊائونلوڊ ڪريو ۽ پنهنجي ڪمپيوٽر يا ليپ ٽاپ ۾ انسٽال ڪريو۔ هاڻ ان سافٽويئر کي ايڊمنسٽريٽر جي لاگ ان ۾ هلايو ۽ هيٺين تصوير وانگر سيٽنگ ڪريو۔ سيٽنگ ڪرڻ کان پوئي هيٺين پٽن تي ڪلڪ ڪريو سيٽ اينڊ اسٽارٽ هوٽ اسپوٽ۔ هاڻ توهان پنهنجي موبائل يا ليپٽاپ تي وائي فائي استعمال ڪري سگهو ٿا۔ وڌيڪ معلومات لائي منهنجي بلاگ جي هي لنڪ وزٽ ڪريو۔ http://techtipsfly.blogspot.com/2012/07/how-to-use-mypublickwifi.html
دوستن کي اهو به ٻُڌايو ته ڇا اِهو سافٽ ويئر صرف ان پي سي يا ليپ ٽاپ تي استعمال ٿي سگهي ٿوجنهن ۾ ونڊو 7 انسٽال ٿيل هُجي۔ يا هر ڪنهن ونڊو ۾ استعمال ڪري سگهجي ٿو۔
جي بلڪل ادا اهو سافٽويئر ونڊوز ايڪس پي کان وٺي ونڊوز 7 تائين سڀني ونڊوز ۾ هلي ٿو باقي ونڊوز 8 جي خبر نه آهي ته ان تي هلندو يا نه۔
سمجهه ۾ نه ٿو اچي ته هي عمل آسان هجڻ باوجود دوست سمجهي ڇو نه سگهيا آهن۔۔۔ ڪير اهو به ڪونه ٿو ٻڌائي ته آخر الجهن هنن کي ڪاٿي پئي اچي۔۔۔؟
سائين منهنجي سسٽم جي الجهن ته اوهان کي خبر هوندي، خير هاڻي نئين سر پارٽيشن ڪيون آهن، لڳي ٿو رات وري ٽيم تي ويهي اهو تجربو ٻيهر ڪرڻو پوندو۔ ٻي خوشيءَ جي خبر هيءَ آهي ته اڄ مون پهريون دفعو آئي ڊي ايم 11۔6 مڪمل پيچ سميت ڪاميابي سان انسٽال ڪري ورتو آهي، نه ته هميشه فري ٽرائل منجهائي وجهندو هو۔۔۔
ادا توهان مائي پبلڪ وائي فائي جي آفيشل ويب سائيٽ تي ڏسندا ته اتي صاف صاف اکرن ۾ لکيل آهي ته هي سافٽويئر ونڊوز 32 بٽ تي ڪم ڪندو آهي۔ اهو اسان کي خبر آهي ونڊوز ايڪس پي 32 بٽ آهي۔
ادا توهان مسعلو بيان ڪريو توهان سان ڪهڙو مسعلو اچي رهيو آهي يا منهنجي بلاگ تي ڪمنٽس لکو پنهنجو مسعلو مون ان تي ڪامياب تجربو ڪري هلايو آهي۔ ان ۾ ڪوبه مسعلو نه آهي۔
