سنڌ سلامت جي سڀني دوستن کي اسلام عليڪم، سنڌ سلامت سنڌ ڌرتي جي لاڙ جي هنج ۾ وسندڙ بدين شهر جي ننڍڙي ڳوٺ منٺار فقير رستماڻي ۾ جنم وٺندڙ مان شاهجهان سُميل، جنهن جو اصل نالو شاهجهان منٺار آهي ۽ سُميل تخلص طور استعمال ڪندو آهيان۔ مون سنڌ يونيورسٽي مان بي اي (انگريزي) 2005 ۾ ڪئي ۽ بعد ۾ اسلام آباد هليو آيس۔ 2007 کان اسلام آباد ۾ آهيان ۽ هائير ايجوڪيشن ڪميشن ۾ بطور انچارج (فارين فنڊيڊ اسڪالرشپس) ڪم ڪري رهيو آهيان۔ ادب سان چاهه ڪجهه لکڻ لاءِ اتساهيو ۽ دوستن جي رهنمائي ڪجهه لکڻ سيکاريو، جيتوڻيڪ گهڻي دلچسي شاعري سان رهي آهي ۽ پاڻ به ٿوري گهڻي ڪچي پڪي شاعري ڪندو آهيان، تنهن هوندي به نثر ۾ گهڻو ڪم ڪرڻ جي لاءِ دل چوندي آهي۔ مان سنڌ سلامت جو به ٿورائتو آهيان، جنهن اسان کي ايترو خوبصورت فورم ڏنو جتي اسان پنهنجي تحريرن سان گڏوگڏ پنهنجي ڏيهه واسي دوستن سان هڪ ڪٽنب جيان آن لائن گڏ رهون۔
ادا شاهجهان توهانکي سنڌ سلامت فورم تي دل جي گهرائين سان ڀليڪار چئجي ٿو۔ ادب ء شاعري سان چاهه مان اندازو لڳائي سگجي ٿو ته توهان با زوق ماڻهو آهي اميد ته سنڌ سلامت تي ساٿ سلامت رهندو اسان جو هڪڙو دوست جيڪو ڪراچيء ۾ اسان سان گڏ رهندو هيو اهو به هائير ايجوڪيشن ڪميشن اسلام آباد ۾ آهي ان کي (شمن علي ماڇي) ان کي سلام عرض ڪجو۔ وري به سنڌ سلامت تي ڀليڪار 251 اٽيچمينٽ ڏسو
لاڙ جا سهڻا دوست، بدين سان پنهنجيون ٻٽيهه دليون آهن جو سنڌ جو هڪ سهڻو ۽ سيبتو شهر آهي ۽ ڪيترائ دلبر به رهن ٿا ۔۔۔ اوهانکي دل جي گهراين سان ڀليڪار، اوهانجهڙي قابل ۽ ڏاهي دوست سان ملاقات هڪ شرف آهي۔ ۽ اميد آهي ته سنڌ سلامت جي دوستن سان اوهانجي دوستي خوب رهندي، ڇاڪاڻ ته هي ڳوٺ اوهانجهڙن سهڻن دوستن سان ئي آباد ٿيل آهي، اڳ آءُ هن فورم کي اوطاق چوندو هيس پر هاڻ هن کي ڳوٺ چوانٿو جو ايترن سهڻن دوستن اچي پنهنجيون جهوپڙيون اڏيون آهن جو هڪ سهڻو ٿري ڳوٺ لڳي ٿو ۔۔۔ هن ڳوٺ جا رهائش پذير دوست تمام قربائتا، اوطاقي مڙس ۽ دوستيون نڀائڻ وارا آهن، اوهانکي ڪا اوپرائپ محسوس ڪون ٿيندي ۔۔۔ نثر جا به سهڻا ليکڪ موجود آهن ۽ مواد موجود آهي ته شعر ۾ طبع آزمائي ڪندڙ جو به ماشآء الله موچارو تعداد آهي ۔۔۔ سنڌ سلامت جو هڪ ئي مول متو آهي ” سنڌ ۽ سنڌيت“ سنڌي ٻوليءَ کي انٽرنيٽ جي دنيا ۾ اڳ کان اڳرو ڪرڻ ۽ سنڌي ادب جي پٺڀرائي ڪرڻ ۽ سنڌ جي مسئلن تي هڪٻئي جي رهنمائي ڪرڻ ۔۔۔ اوهانکي به صلاح آهي ته هڪ جهوپو ٺاهي هن ڳوٺ ۾ رهي پئو۔ جي ايندي چوني آءُ، ويندي چني ويهه، ڇڏي سارو ڏيهه، اڱڻ اچج انهن جي۔ اميد ته ڀيرو نه ڀڃندا ۽ پنهنجي دوستيءَ سان هن اڱڻ کي روشن ڪندا رهندا ۔۔۔۔ هڪ دفعو ٻيهر ڀليڪار
ادا شاهجهان توهانکي سنڌ سلامت فورم تي دل جي گهرائين سان ڀليڪار چئجي ٿو۔ ادب ء شاعري سان چاهه مان اندازو لڳائي سگجي ٿو ته توهان با زوق ماڻهو آهي اميد ته سنڌ سلامت تي ساٿ سلامت رهندو ۽ توھان جي خوبصورت تحريرن جو شدت سان انتظار رھندو
ادا شاهجهان جو نالو ڪافي وقت کان نظر ۾ هيو۔۔۔ هڪ ته ڪجهه منفرد ۽ وري زبان کي مٺاس ڏيندڙ۔۔۔ دوست سليمان وساڻ ادا بابت ڪجهه آگاهي ته ڏني پر ڳالهه واضح تڏهن ئي ٿي جڏهن توهان جو اڄ جو موضوع سامهون آيو۔۔۔ توهان آيو۔۔۔ دل خوش ٿي۔۔۔ خوشي ان ڳالهه جي به ٿي ته سنڌي هاڻي رڳو سنڌ تائين ناهن۔۔۔ خوشي ان ڳالهه جي به ٿي ته وفاقي شهر ۾ موجود سنڌين نه پنهنجي ثقافت کي وساريو آهي ۽ نه وري ادب کي۔۔ بس پنهنجي قلم کي هلائڻ سان به حوصلن کي همت ملندي رهندي آهي۔۔۔ خوشي ان ڳالهه جي به ٿي ته اسان جي ساٿ ۾ انتهائي قابل دوست جو اضافو ٿيو آهي جيڪو سنڌ جي دردن کي به خوب سمجهي ۽ ان کي دور ڪرڻ جو به حوصلو رکي ٿو۔۔۔ پنهنجي دوست کي کلئين ٻانهين ڀليڪار۔۔۔
خوبصورت شاعر ۽ پياري ڀاء شاهجهان سُميل کي سنڌ سلامت جي محبتي ميڙ ۾ شامل ٿيڻ تي دلي ڀليڪار۔ دوستو شاهجهان سُميل سان فيسبوڪ ذريعي تمام سٺي دوستي رهي آهي، هڪ سلجهيل، سهڻن خيالن وارو خوبصورت شاعر آهي، پر هاڻي خبر پئي ته هو سٺو نثر به لکي ٿو۔ اسلام آباد جهڙي شهر ۾ رهندي سنڌ ، سنڌيت ۽ سنڌي ادب سان چاهه اهڙو اٿس جو هو سنڌي ادبي سنگت اسلام آباد شاخ جو سرگرم رڪن ۽ عهديدار آهي۔ قابل ۽ سٺن خيالن وارو دوست آهي۔ سندس شاعري مان هڪ چونڊ نظم مون گهڻو اڳ سنڌ سلامت تي وري آ جنوري جانا ۔۔۔۔۔ جي عنوان سان سنڌ سلامت تي شيئر ڪيو هو۔ تمام گهڻي خوشي ٿي جو اوهان سنڌ سلامت فورم جا ساٿي بڻيا آهيو جيڪو اسان سڀني سنڌين جو گڏيل فورم آهي ۽ اها اميد ته اوهان سٺا ليک ۽ نيون نيون ڳالهيون فورم تي شيئر ڪندا رهندا۔سنڌ سلامت انٽر نيٽ تي سنڌي ٻوليء جي ترقي لاء ڪوشان آهي۔ اوهان جو ساٿ سچ ته اسان لاء حوصلا افزائي ۽ اتساهه جو سبب بڻيو آهي۔۔۔ هڪ دفعو ٻيهر ڀليڪار ۔۔۔۔سنڌ سلامت ساٿ سلامت
وعليڪم اسلام۔۔۔۔۔ محترم شاهجهان سُميل صاحب۔۔۔۔۔سُٺن لفظن سان جُڙيل اوهان جو تعارُف پڙهي ڪري ڏاڍي دل خوش ٿي اها ته هڪ حقيقت آهي ته هن پياري ۽ مُحبتي ميڙاڪ واري فورم جي جيتري تعريف ڪجي اُها گهٽ آهي۔۔۔ ادل، اسين سڀ دوست هتي هڪ گهر جي ڪٽنب جيئان آهيون ۽ پنهنجا پنهنجا ڏک، سور، خوشيون هڪ تحرير جي صورت ۾ پيا ونڊ ڪندا رهندا آهيون، سو اوهان جا قُرب جو هن سنڌي فورم ””سنڌ سلامت”” جي اڱڻ تي آيا۔۔۔۔ مهربانيون دوست۔۔۔۔۔
سڀني دوست جا قرب ۔۔۔ اهو سڀ دوستن جو خلوص ۽ سندن محبت آهي جيڪا مونکي هن فورم تي وٺي آئي آهي۔ مونکي سچ م پهرين اهو اندازو ئي نه هو ته سنڌ سلامت ايتري قدر ڊجيٽلائزڊ آهي۔ مونکي ته هي سنڌ جي فيس بُڪ ٿي لڳي۔ دوستن جو بهترين ڪم ٻولي ۽ ادب لاءِ۔ الله شال سنڌڙي ۽ سنڌ واسين کي آباد رکي۔۔۔۔ آمين
ادا شاهجان کي هن محبتي اڱڻ تي ڀليڪار چئجي ٿو، ادا اسان کي اوهان جي نڪور لکڻين جو شدت سان انتظار رهندو۔۔۔ سدا سرها هجو۔۔
ادا شاهجهان سميل اسلام عليڪم۔ادا سائين اسان به اوهان کي دل جي گهرائين سان هن محبتي اڳڻ تي ڀليڪار ٿا چئون۔ادا هن فورم جو هر ميمبر چاهي مرد هجئي يا عورت محبت،خلوص ، عزت۽ وفادري جي سهڻي ڪڙين ۾ هڪ ٻئي سان ٍجڙيل آهن۔ توهان ماشاالله فيس بوڪ تي به ڪافي سرگرم رهندا هوندا پر هت اوهان کي جيڪو پهنجائپ جو احساس ٿيندو شايد اهو اوهان کي ڪنهن ٻئي فورم تي شايد نه ملي سگهي۔ هن فورم تي اوهان کي هر موضوع تي انيڪ ؤمعلومات سان لبريز ليک ملندا،جيڪي هن اڳڻ جي ميمبرن جي ڪاوشن جو نيتجو آهن۔ هي جيڪو دوستن محبت جو ٻوٽو لڳايو هو هاڻي وڌي تمام وڏي شاخن وارو وڻ ٿئي ويو آهي جنهن جي محبت ڀري ڇانو مان هر ڪو مستفيد ٿئي رهيو آهي۔توهانجهڙي شاعري جي دلداه ۽ فنون لطيفا جي ماهر انسان جي ميمبر ٿيڻ تي اسان کي يقين آهي ته هن اڳڻ جي زينت ۾ اضعافو ٿيندو ۽ اسان کي سٺي شاعري سان گڏ بهترين ۽ بامعني ليک اوهانجا پڙهڻ جو موقعو ملندو۔
توهان کي سڀني دوستن مُهنجي واتان ڇنل لفظن سان ڀليڪار ڪري ڇڏي آهي مون لا اضافي لفظ نه هُئڻ ڪري آئون به توهانکي مڙني جي مُرڪن سان ڀليڪار ڪريان ٿو
دوست شاهجهان سميل کي هن فورم تي ڀليڪار ڪريون ٿا۔ ميمبر ٿيڻ شرط ڀا تي لازمي ٿي پيو آهي ته پنهنجي ٽهي کي به هي گس ڏيکارين ته جيئن ملي جلي ڪري اونداهين ۾ گهيرجي ويل سست، ڪاهل، پاڻ پڏائڻ واري قوم لا ڪو دڳ ڳولي ڪڍون ۽ پاڻ به حقيقي معنائن ۾ ٻين قومن وانگر هڪ سولائيزڊ قوم سڏجون جيڪا پاڻ پڏائي پاڻ کي ست هزار سالن جو وارث ته سمجهي ٿي پر عملي ميدان ۾ هڪ نانگ وانگر پنهنجو پاڻ پنهنجا ٻچا کائي ٿي۔ اهو سمجهڻ لا ڀا کي مُهنجو هي چُڀندڙ مضمون پڙهڻو به پوندو ۽ ٻين کي به دعوت ڏئي پڙاهڻو پوندو جنهن جي جواب جو آئون طلبگار آهيان۔ مضمون پڙهڻ لا هتي ڪلڪ ڪريو۔
