بصرن کي ڇلهڻ يا ڪپڻ سان اکين ۾ ڳوڙها ڇو ايندا آهن؟ بصر (پياز) ڇلهڻ ۽ ڪپڻ جي وقت عمومن اکين مان ڳوڙها (پاڻي) وهڻ لڳندو آهي۔ان جي وجه آهي ته بصر(پياز) جي ڪجه خلين م اهڙا ڪميڪل اجزاء هوندا آهن جيڪي بصر ڪپڻ ۽ ڇلهڻ کانپوء هواء ۾ شامل ٿئي ويندا آهن۔انهن ۾ امائنو ايسڊ (Amino Acid) به شامل هوندو آهي، جيڪو گيس ۾ تبديل ٿئي ويندو آهي ،اها گيس اسانجي اکين تائين پهچندي آهي ۽ اکين ۾ موجود پاڻي سان ملي ڪيميائي عمل شروع ڪندي آهي۔اهو عمل ان گيس جي ڪيميائي حالت کي ٻيهر تبديل ڪندوآهي ،انهي طرح اها هلڪي سلفيورڪ ايسڊ ۾ تبديل ٿئي ويندي آهي۔ ان گيس جي ڪري اکين ۾ سوزش جو احساس ٿيندو آهي۔ اکين جو اعصابي حصو (Nerve Ending) بي حٍد حساس هوندو آهي ، انهڪري اتي سوزش جو احساس جلدي ۽ گهڻو ٿيندو آهي۔ دماغ هڪدم ڳوڙها وهائڻ وارين نلڪين کي حڪم ڏيندو آهي ته هو پاڻي تيار ڪري تاڪي اکين مان ايسڊ کي هڪدم ڌوتو وڃي ۽ انهن جي حفاظت ڪئي وڃي۔ اهائي وجه آهي جو بصر ڪٽيندي يا ڇلهيندي اسان جي اکين ۾ پاڻي اچي ويندو آهي ۽ اسان فوري ردعمل طور تي اکين کي مهٽيندا آهيون، جيڪڏهن اسان جي هٿن تي بصر جو عرق لڳل هوندو آهي ته سوزش گهٽجڻ جي بدران وڌي ويندي آهي۔ (بلال مصطفي جي جنرل ناليج واري ڊائري جو هڪ ورق اوهانجي لاء)
سائين بصر ڪٽڻ دوران اکين مان نڪرندڙ گوڙهن يا پاڻي کان بچا لا ڇري يا جنهن شي سان بصر ڪٽجي ان کي ٿوري ليمي جي رس هڻي ڪٽڻ سان اکين مان گوڙها نه نڪرندا ۔
اها ريسرچ ڪري ٻُڌايو وڃي ته ان پروسيس سان اکين کي ڇا ڪو فائدو يا نقصان رسندو آهي يا اکيون ڌوپجي صاف سُٿريون ٿي وينديون آهن
سٺي ڄاڻ واري شيئرنگ آهي۔ مون ڪٿي پڙهيو هو ته جيڪڏهن ٿورو پاڻي گرم ڪري ، ان پاڻيء ۾ بصر ڪٽجي ته پوء اها گيس پنهنجو اثر وڃائي ويهندي آهي ۽ اکين مان ڳوڙها ناهن وهندا۔ ها باقي مون ڪڏهن اهو تجربو ڪري ناهي ڏٺو، ڇو ته پاڻ کي ڪڏهن بصر ڪاٽڻا ناهن پيا۔
