اڄڪلهه انعامي اسڪيمون جيڪي سنڌ جي مختلف ضلعن ۾ عام آهن ماڻهو لالچ ۾ اچي پنهنجي هڙ وڃائي ٿا ويهن اهڙن ماڻهن ۾ شعور پيدا ڪرڻ جي ضرورت آهي۔ سڪرنڊ واسين کي انعامي اسڪيمن کان بچايو اسان جي شهر سڪرنڊ ۾ گذريل 12 مهينن کان عوام کي انعامي اسڪيمن جي آڙ ۾ ڪنگال بڻائڻ جو ڪاروبار جاري آهي. هي ڪاروبار ڪو عام ماڻهو نه، پر اهڙا ماڻهو هلائي رهيا آهن جيڪي سرڪاري ملازمتون به ڪن ٿا. جيڪي ماڻهن کي صرف 3 هزارن ۾ ڪار، موٽرسائيڪلون، فرج، دبئي جي ٽڪيٽ ۽ ٻين انعامن جو آسرو لالچ ڏئي ڪروڙين رپيا لُٽي رهيا آهن! واسطيدار انتظاميا کي گهرجي ته سڪرنڊ جي سادي عوام کي بچائڻ لاءِ جوڳا اپاءَ وٺي ڇو ته هن انعامي اسڪيم جي چڪر ۾ ماڻهن گهرن جي مسواڙ، سيڌي سامان جي رقم ۽ ٻارن جي اسڪول فيس کپائڻ شروع ڪري ڏني آهي. وسيم ايم/سڪرنڊ (ڪاوش)
چوندا آهن ته ”جت لوڀي هجن ات ٺوڳي بک نه مرن“ اهو ڪم سموري دنيا ۾ ٿيندو آهي، پر ائين نه جيئن شايد سڪرنڊ ۾ ۔۔۔ پر هاڻ انجو تدارڪ ماڻهن جو شعور آهي ۔۔۔ پوليس يا حڪومت پاڻ ماشاء الله ست ڪوئا کائي حج ڪرڻ ويندي آهي، انڪري ان مان آسرو ڪرڻ ائين آهي جيئن ٻلي کان گوشت جي حفاظت ڪرائڻ ۔۔۔ شعور بابا شعور ۔۔۔
تعليم۔ جڏهن سڪرنڊ جي 80 سيڪڙو عوام گريجوئيٽ هوندي، جڏهن اهي سڀ اوهان جا اهي ويغام فيس بوڪ يا سنڌ سلامت تي پڙهندا تڏنهن!
يار ڳالهه اها آهي ته اوهان انهن اسڪيمن ۾ حصو وٺڻ ڇڏي ڏيو، پاڻهي بند ٿي وينديون۔ پر اسان وٽ هر ڪو شارٽ ڪٽ جي چڪر ۾ اچي، خواب ڏسڻ ٿو شروع ڪري ۽ پوء نتيجو سڀني جي سامهون آهي۔
