302 اٽيچمينٽ ڏسو سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن متعارف ڪرائڻ جو جيڪو سسلو شروع ڪيو آهي، ان سلسلي جو پندرهون ڪتاب رشتن جو رقص اوهان اڳيان پيش ڪجي ٿو. هي ڪتاب هندستان جي برک سنڌي ليکڪا ريٽا شهاڻي جي ڪهاڻين تي مشتمل آهي. اسين ٿورائتا آهيون اسلاميه سائنس ڪاليج سکر جي اسٽنٽ پروفيسر محترم عبدالجبار شيخ صاحب جا، جنهن هي ڪتاب ڪمپوز ڪري سنڌ سلامت تي پيش ڪرڻ لاء موڪلي ڏنو آهي. هتي ڪلڪ ڪري ڪتاب ڊائونلوڊ ڪيو
واه هون ته سليمان وساڻ جي ڪاوشن جي تعريف ڪبي رهبي آهي پر اڄ هن ڪتاب کي پيرائتو ڏسي تمام گهڻي خوشي ٿي هر پيج تي سنڌ سلامت جو لوگوءِ سنڌ سلامت بيڪ گرائونڊ ۾ ڏسي اندازو ٿئي ٿو ته سليمان ڪيتري محنت ڪئي هوندي۔ ڪتاب سان گڏ پيش ڪرڻ واري جي وري تعريف نه ڪرڻ جڳائي نٿي۔۔۔۔۔۔۔۔۔۔ سليمان کي سلام لاجواب بهترين تمام خوبصورت
ڳالهه ڪتاب کي خوبصورت ڪري پيش ڪرڻ ۽ ان تي تبصرو ڪرڻ جي ناهي۔۔۔ ڀلو ٿئي جو ڪتاب کي پڙهي تبصرو ڪجي۔۔۔ انڊيا وارن وٽ سنڌي ڪتاب تمام گهٽ تعداد ۾ ڇپجن ٿا۔۔ ان هوندي به شابس اٿن جو ٻولي سان جڙيو رهندي هر سال هڪ ٻه ڪتاب ڇپايو وجهن۔۔۔ ان ڳالهه جو کين به شدت سان احساس آهي ته جي ڪتاب ۾ پڙهندڙ لاء ڪا دلچسپي نه رکبي ته شايد هر سال ۾ ڇپندڙ ڪتاب هڪ سال جو وڌيڪ عرصو نه لڳائين۔۔۔ مان سليمان کي ڪتاب سهيڙي پيش ڪرڻ جي سٺي انداز سان تعريف ڪرڻ سان گڏ محترم عبدالجبار شيخ جن جي محنت کي به سلام ڪندس۔۔۔ اڄ جي دور ۾ جتي نوجوان ۽ سنڌي سان لڳائو رکندڙ پڻ سنڌي ڪمپيوٽر تي نه لکي سگهڻ جي شرمندگي محسوس ڪندا آهن اسان جو محترم دوست عبدالجبار شيخ جيڪي پروفيسر هجڻ ڪري يقينن ڪافي مصروف پڻ هوندا ڪتابن کي ڊجيٽلائيز ڪرڻ جي جستجو ۾ اڪيلي ڪوشش ۾ رڌل آهن۔۔۔ هن ڪتاب کي لکي پيش ڪرڻ ۽ هن ڪتاب جي چونڊ ڪرڻ جو يقينن ڪو بهترين سبب رکندا هوندا۔۔۔ جي انهن جو هن ڪتاب تي جواب اچي يا ڪو بيان يا ڪتاب تي تبصرو اچي ته يقينن ڪتاب پڙهڻ جو اشتياق وڌي ويندو۔۔۔ ان باوجود موڪل دوران ڪتاب جي پرنٽ ڪڍي ڳوٺ ۾ پڙهڻ جو ارادو اٿم۔۔۔ اميد ته هي ڪتاب بهترين ساٿي ثابت ٿيندو۔۔۔
ڀاء عرس پريو جون مهربانيون جنهن کي منهنجي هي ڪاوش پسند آئي۔ ڪجهه ڪتاب ڪمپوزنگ جي مرحلي ۾ آهن، ڪاش ڪو دوست ساٿ ڏئي ۽ جيڪڏهن اسان جا 30 ميمبر صرف 10 صفحا به ڪمپوز ڪري ڏين ته جيڪر 300 صفحن جو ڪتاب ڪجهه ئي ڏينهن ۾ ڪمپوز ٿي وڃي ۔۔۔۔۔ اميد ته دوست اهڙي آفر پاڻ ئي ڏيندا ۔۔۔۔۔
