گل محمد شاه راشدي
سينيئر رڪن
ٿر ۾ وڌيڪ هڪ مور مري ويو،جهنگلي جيوت کاتي جي ٽيم مٺي پهتي،اڄ کان ڪئمپون قائم ڪرڻ جو اعلان مٺي (رپورٽ : ڀورا لال سنڌي) ٿر ۾ مورن جي بيماري تي ضابطو نه آيو، وڌيڪ هڪ مور ڳوٺ هوٿي جوتڙ ۾ مري ويو، ڪا به ميڊيڪل ٽيم ڳوٺن ۾ نه پهتي، ضلعي اسسٽنٽ ڪنزرويٽو ۽ گيم آفيسر جي معطلي بعد هلندڙ علاج به بند ٿي ويو آهي، ڪالهه سنڌ جي ڪنزرويٽو سعيد اختر بلوچ ٿر جي مورن ۾ بيماري وارن ڳوٺن جو دورو ڪيو ۽ ڳوٺاڻن سان ملاقاتون ڪيون، ڳوٺ ڀڪوئو، ناٿڙو، ڪنڊارو، قادر پور، ٻپوهار، وي، سينهار نانگڙ ۽ هوٿي جو تڙ ڳوٺن ۾ دورو ڪري بيمار مورن کي ڏٺو ۽ مري ويل مور ڏسي ۽ ٿيلهي ۾ بند ڪري ڪراچي کڻي ويو آهي، جتي ليبارٽري ٽيسٽ ڪرائي ويندي، دوري دوران ڳوٺاڻن انوپو ڀيل، نارو ميگهواڙ، حيدر نهڙي، رحيم علي، الفهيم نهڙي، عبدالغفور نهڙي ۽ ٻين ڳوٺاڻن مورن جي بيماري ۽ مري وڃڻ جون ڪنزرويٽو سنڌ اڳيان شڪايتون ڪيون ۽ چيو ته اسان وٽ گيم عملي جي ٽيم آئي هئي، دوائون ڏنيون، جيڪي اسان مورن کي پياريون آهن پر تنهن باوجود به بيمار مور ٺيڪ نه ٿيا آهن ۽ ڳوٺن ۾ به مورن جو اچڻ وڃڻ گهٽجي ويو آهي، ڪنزرويٽو سعيد اختر بلوچ اعتراف ڪندي چيو ته مورن ۾ هن دفعي ”نيو ڪيسل راني کيت“ جي بيماري آهي، جيڪا بيماري ڪڪڙن ۾ به موجود آهي، هن اعلان ڪيو ته ٿر ۾ مورن ۾ بيماري تي ڪنٽرول ۽ علاج لاءِ اڄ کان 5 ڏينهن جي مٺي ۾ ”مور بچايو“ ڪئمپ قائم ڪئي ويندي، جنهن ۾ ڊپٽي ڪنزرويٽو ميرپور خاص ۽ حيدرآباد اچي هتي ڊاڪٽرن جي ٽيم سان گڏ ويهندا ۽ علاج ڪندا ۽ آئون ڊائريڪٽر سان به ڳالهايان ٿو ۽ تر جي مورن جي بيماري جي متعلق مورن جا جزا ٽنڊو ڄام ليبارٽري ۾ ٽيسٽ لاءِ به اماڻي بيماري جي سڃاڻپ ڪرائي سگهون ٿا، هن چيو ته هر ڳوٺ ۾ وائيلڊ لائيف کاتي جي ٽيم ويندي ۽ جتي به دوائون نه مليون آهن اتي دوائون پهچائينداسين، هن چيو ته فرض ۾ ڪوتاهي جي ڪري مٺي جي اسسٽنٽ ڪنزرويٽو گيم آفيسر کي معطل ڪيو ويو آهي، هن وڌيڪ چيو ته ٿر ۾ وسيلن جي کوٽ نه آهي گاڏي به آهي ۽ عملو به آهي.
