سماجي رابطي ڪاري (سوشل نيٽ ورڪنڱ) وارين سائٽن جي ٺهڻ ۾ تمام گهڻي واڌ اچي وئي آهي. توڙي جو وڏيون سائٽون صرف فيس بڪ، ٽوِٽر، لنڪٽ-ان، گوگل پلس، ڊائسپَرا وغيره ئي آهن، پر ننڍيون وڏيون تہ بي انداز آهن. اهڙين ئي سائٽن ۾ سافٽويئر جي دنيا جو بادشاھ ادارو، مائڪروسافٽ پڻ لهي پيو آهي. اڄ ئي مائڪروسافٽ پنهنجي فس بڪ ۽ گوگل پلس جهڙي سماجي رابطي ڪاري واري سائٽ، ”سوشل“ لانچ ڪئي آهي. مائڪروسافٽ جو چوڻ آهي تہ هنن سوشل کي فيس بڪ جي مقابلي ۾ ناهي لاٿو جو، هنن چواڻي، ٻنهي سائٽن جي ڪم ڪرڻ ۾ وڏو فرق آهي. اهو ئي سبب آهي جو توهان پنهنجي فيس بڪ اڪاؤنٽ ذريعي پڻ سوشل ۾ لاگ ان ٿي سگهو ٿا. مان سفارش ڪريان ٿو تہ توهان بہ ان تي پروفائل ٺاهيو ۽ ان کي جانچيو. ائڊريس هي آهي: http://www.so.cl/
