احساسن کي آڳ لڳي وئي (وائي) نثاراحمدناز

[نثارناز]

دوستو السلام عليڪم جيئي سنڌ نمستي
هڪڙي وائي غم جانان کان وٺي غم دوران جي حوالي سرجي آهي توهان سان ونڊ ڪري رهيو آهيان ۽ سنڌ سلامت جي محبتي اڱڻ جو حصو بنائي رهيو آهيان

وائي​

نثاراحمدناز​

احساسن کي ، آڳ لڳِي وَئِي ..! ​

آڳ لَڳِي وئي.​

سجني تُنهنجي هيلا الا ڇو؟ سينگارن کي...!​

آڳ لَڳِي وَئِي.​

بدبُو بدبُو شهر سڄو هِي ، مَهڪارن کي...!​

آڳ لَڳِي وَئي.​

مالِيءَ جِي نا اهلِيءَ سببان ، باغاتن کي ...!​

آڳ لڳِي وَئِي.​

ننڊَ نُڀاڳَ جِي اهڙي آئِي ، اوڄاڳن کي ...!​

آڳ لَڳِي وَئِي.​

جرڳي ۾ حق ڳالهه چَوَڻَ تي ، سردارن کي ...!​

آڳ لَڳِي وَئِي .​

سنڌ جو سودو ڇو ؟ ته پُڇڻ تي، زردارن کي ..!​

آڳ لَڳِي وَئِي .​

هُو”ناز“ مڙيا جي مچ مٿان تن، پروانن کي ...!​

آڳ لَڳِي وَئِي .​