نيوزيلينڊ هڪ دفعو ٻيهر سپر اوور جو دٻاء سهي نه سگهيو ۽ ورلڊ ڪپ کان ٻاهر۔۔۔

نيوزيلينڊ اها ٽيم آهي جنهن ورلڊ ڪپ کي ٻه دلچسپ ترين مقابلا ڏنا۔۔ ۽ سپر اوور تائين وٺي وئي۔۔ پر هن دفعي واري ٻي سپر اوور شڪست سندس جا سپر 8 مان ترا ڪڍي ڇڏيا۔۔۔ اهڙي طرح سپر 8 اسٽيج تان نڪرندڙ پهرين ٽيم پڻ بڻجي وئي۔۔
”مرو يا ماريو“ جهڙي اهميت رکندڙ هي مقابلو آخر ڪار برابري تي وڃي ختم ٿيو۔۔۔ جڏهن ڪرس گائيل تي انحصار ڪندڙ ويسٽ انڊيز ڪرس گائيل جي 30 رنسن کان پوءِ زور لڳائيندي به رڳو 139 رنسون ٺاهيون ته مقابلي ۾ نيوزيلينڊ پنهنجي اننگ کي ڪافي بهتر کڻي آيو ۽ صاف ٿي لڳو ته مقابلو سندن جهولي ۾ هوندو۔۔۔ پر ٿيو ائين جنهن تي يقين ئي نه ٿي آيو۔۔۔ نيوزيلينڊ جي ڪپتان روز ٽيلر هوندي آخري اوور ۾ گهربل ڏکيون 14 رنسون هن ڇڪو هڻندي آسان ڪري ڇڏيون ۽ آخري بال تي گهربل 2 رنسون هيون پر هن دفعي ڪپتان ٻئي اينڊ تي هيو ۽ بريسيول وس ڪندي به هڪ ئي رنس بڻائي سگهيو۔۔۔ ۽ مقابلو ٽائي ٿي ويو۔۔۔
سپر اوور ۾ نيوزيلينڊ جي پهرين ميچ جو سينچري ميڪر ميڪ ملن ڪجهه نه ڪري سگهيو۔۔۔ هتي به شابس ڪپتان کي هجي جنهن ڇڪو ۽ چوڪو هڻي اوور 17 بڻائي ڇڏيو جيڪو سپر اوور جو وڏو سڪور سمجهيو ٿي ويو۔۔۔
ويسٽ کي ميچ کٽڻ لاءِ 6 بالن تي 18 رنسون گهربل هيون۔۔ ڪرس گيل پهرين ئي بال تي ڇڪو لڳائي سنسني پيدا ڪري ڇڏي۔۔۔ جڏهن 2 بالن تي 5 رنسن جي ضرورت هئي ته سيموئل اهو ڪم ڪيو جو ڏسندڙن کي ڏندين آڱريون اچي ويون۔۔۔ جي ها ڇڪو لڳائي بال به بچائي ڇڏيو۔۔۔
هائي ڙي نيوزيلينڊ تنهنجي قسمت ۔۔۔ هميشه وانگر آئي سي سي جي ايونٽس ۾ ٻاهر۔۔۔

​

​

​

ويسٽ انڊيز جي اننگ جون جهلڪيون​

نيوزيلينڊ جي اننگ جون جهلڪيون​

سپر اوورز جون جهلڪيون۔۔​

​