ننڍي بيبي جي ڊائري۔ 15 جون :_ مان پنهنجي والده جي جسم سان گڏ ٿيس۔ 17 جون :_ هاڻي مان هڪ ٽشو آهيان۔ 30 جون:_ منهنجي آمي منهنجي بابا کي چيوء ” توهان پي ٿيڻ وارا آهيو“ بابا ۽ آمان ڏاڍا خوش آهن۔ 15 جولائي:_ منهنجو کاڌو اهوشي آهي جيڪي منهنجي آمان کائيندي آهي۔ 15 سپٽمبر :_ مان پنهنجي دل جي دهڙڪن محسوس ڪري سگهان ٿي۔ 14 آڪٽوبر :_ مون کي ننڍڙاهٿ، ٽنگون ۔مٿو۽ پيٽ آهي۔ 13 نومبر :_ وه واها! اڄ ته منهنجي آمان جي پيٽ جو الٽراسائونڊ ڪري منهنجي جنس جي باري ۾ معلوم ڪيو ويو۔ اها خبر پئي ته مان ڇوڪري آهيان۔ 14 نومبر :_ مان مري ويس۔ منهنجي پي ء ماء مون کي پيٽ جي اندر ماري ڇڏيو،ڇاڪاڻ ته مان ڇوڪري هئس ۽ ڇوڪرو نه ! ڇوڪري هجڻ جي ڪري مون کي هن دنيا ۾ اچڻ نه ڏنو ويو۽ پنهنجي ئي والدين ماري ڇڏيو۔۔ان ۾ منهنجو ڪهڙو قصور هو! ماڻهون خوشي خوشي چاهيندا آهن ته هنن کي ماء،زال ۽ آف ڪورس گرل فرينڊ ته هجئي پر ڌي نه هجئي۔ ڇو؟ اچو ته گڏجي ان رشتي جو صحيحي ترجماني ڪري،ماڻهون جي دلين ۾ ڌيئن جي لاء به اوتري محبت بيدار ڪريون جيتري هو پٽ جي پيدا ٿيڻ تي خوشي جو اظهار ڪندا آهن۔اسان جي نظر ۾ ته نياڻي به الله پاڪ جي ڏنل تحفن مان هڪ عظيم تحفو آهي،ان جو قدر ڪرڻ گهرجي۔توهان جو ڇا خيال آهي؟ تفصيلي جواب جو انتظار رهندو،صرف پسند وغيره سان ڪم نه هلندو۔
وَإِذَا ٱلْمَوْءُۥدَةُ سُئِلَتْ بِأَىِّ ذَنۢبٍۢ قُتِلَتْ (القرآن) ۽ جڏھن جيئري پوريل نياڻي پڇبي ته. ڪھڙي ڏوھ ڪري ماري وئي. زماني جاهليت جي اها جهالت ماڊرين ٿي ڪري وري نروار ٿي آهي ، انسان ته ترقي ڪري ويو پر ماديت ۾ ۽ روحاني ۽ ديني لحاظ کان جهالت جي اونهائي ۾ وڃي گم ٿي ويو آهي ، الله تعالى صحيح ۽ پوري جو پوري دين ۾ اسان کي داخل ڪري ۽ اهڙي ڪڌي ۽جهالت جي رسمن ريتن کان ڇوٽارو نصيب فرماءِ ، سائين محترم غلام مصطفى بهترين ۽ اکيون کوليندڙ ! جزاڪم الله!
عجيب احساس آهن ۔۔۔ الائي ڇو ڪجهه لکڻ جي همت ئي ڪانه ٿي ٿئي ۔۔۔۔ ايڏو فرسوده رواج ڇا اڃان به جاري آهي؟
حضور عليه الصلوات والسلام جن جي هڪ فرمان مبارڪ جو مفهوم آهي ته جنهنکي ٽي نياڻيون هجن ۽ انهن جي صحيح ۽ سٺي نموني پرورش ڪيائين ته ان جي لا جنت آهي، پاڻ ڪريمن صلي الله عليه وسلم جن اهو به فرمايو ته گهر ۾ اگر ڪا شي آڻيو ته پهريان ڌي ، نياڻي کي ڏيو ، ڇو ته انهنجي دل حساس ، نازڪ هوندي آهي ، پٽ اگر الله پاڪ جي نعمت آهي ته نياڻي رحمت انسانن جي بقا نياڻي جي بقا ۾ آهي ، اسلام ۾ عورت جو به هڪ اهم مقام آهي ، قرآن ڪريم ۾ هڪ سڄي سورت نياڻي جي نالي آهي ۔ سورت النسا جن به ماڻهن کي ڌي کان نفرت آهي ۽ پيدا ٿيڻ کان اڳ ئي انکي موت جي منهن ۾ وڌو وڃي ٿو انهن ماڻهن جو وجود به ڪنهن ڌي جو سبب ئي آهي ۔
۽ الله لا ڌيئرون (مقرر) ڪندا آهن، اُهو پاڪ آهي، ۽ پاڻ لا جيڪي وڻندو اٿن (يعني پٽ) سو مقرر ڪندا آهن (57)۔ ۽ جڏهن منجهانئن ڪنهن هڪ کي ڌي (ڄمڻ) جي خبر ڏبي آهي (تڏهن) سندس منهن ڪارو ٿي ويندو آهي ۽ اُهو ڏک ڀريل ٿيندو آهي (58)۔ جيڪا کيس خراب خبر ڏني ويئي تنهن جي (ناراضپي) سببان قوم کان پيو لڪندو آهي _ (ڱڻتي ۾ پوندو آهي ته) اُن (ڌي جي ٻار) کي خواري هوندي (به زنده) رکي يا اُن کي مٽي ۾ دٻي ڇڏي _ خبردار اُهي جيڪو فيصلو ڪندا آهن سو بڇڙو آهي (59)۔ سورت النحل، آيتون: (57 کان 59)۔
