پيار جون پناهگاهون (ڊائري)

[سيد خادم سبحان ڏاڏاهي]

پيار جون پناهگاهون (ڊائري)​

جڏهن روز شام جو آسمان جي وشال سيني تي سفر ڪندي ٿڪجي پيل سج افق تان اڪثر خزائن جي ڪنهن زرد پتي وانگي ڇڻي پوندو آهي ۽ اونداهي جو ازدها ڌرتي جي چمڪندڙ گولي کي ڳيهڻ لڳندوآهي تڏهن تاريڪي جي اڀرندڙ ڀيانڪ پاڇن ۾ تنهنجي شهر جون آهسته آهسته روشن ٿيندڙ بتيون ڪنهن خونخوار جانور جي ٻرندڙ اکين وانگر مونکي تڪڻ لڳنديون آهن ۽ هن هيڻي ۽ هيڪل هانءُ کي هيڪاري هيسائي وجهنديون آهن.
تنهنجي مهتابي مک جو ديدار ڪندي جيئندڙ هي مھجور من، ڊنل هرڻي وانگر تنهنجي پيار جون پناھ گاھون ڳولهڻ لڳندو اهي.
اهو من جيڪو تنهنجي اکين جي آشيانن ۾ آباد رهيو،ڏڪاريل ٿر جي ٽاڪ منجهد جهڙي ٻرندڙ زندگي،تنهنجي وارن جي گهاٽن ڪڪرن جي ڇانوَ ۾ گذاريائين سو هاڻي هيڪل ٿي هيڪلائي جي هيبت ۾ اڌ مئو ۽ موڳو ٿي پيو آهي.
سياري جون سرد ۽ طويل راتون تنهنجي گرم ساهن جي سگرين تي سيڪجي سوين سج اڀاريندڙ منهنجو من ۽ تنهنجي سيني تي سر رکي تنهنجي دل جي ڌڪ ڌڪ جي مسرور ڪن موسيقي تي مدهوش ٿي مِٺي ننڊ سمهندڙ اکيون توکي تلاشي رهيون آهن.

سيد خادم سُبحان ڏاڏاهي
بُڪيرا شريف
skhadimdadahi@yahoo.com

 

[سليمان وساڻ]

سياري جون سرد ۽ طويل راتون تنهنجي گرم ساهن جي سگرين تي سيڪجي سوين سج اڀاريندڙ منهنجو من ۽ تنهنجي سيني تي سر رکي تنهنجي دل جي ڌڪ ڌڪ جي مسرور ڪن موسيقي تي مدهوش ٿي مِٺي ننڊ سمهندڙ اکيون توکي تلاشي رهيون آهن.

سائين خادم کي سلام قبول پوي

تمام خوبصورت لفظن جي چونڊ ۽ سهڻا احساس۔ الائي ڇو مونکي به اتر جي ٿڌڙي هير لڳندي ئي ڪي عجيب پور پوندا آهن، جن کي سمجهڻ باوجود سمجهي ناهيان سگهيو۔ جڏهن به سياري جي شروعات ٿيندي آهي ته لطيف سائين جو هيٺيون بيت هر هر پيو ورجائيندو آهيان:

سر نسريا پانڌ، اتر لڳا آء پرين
مون تو ڪارڻ ڪانڌ،
سهسين سکائون ڪيون

 

[عتيق الرحمان]

سياري جون سرد ۽ طويل راتون تنهنجي گرم ساهن جي سگرين تي سيڪجي سوين سج اڀاريندڙ منهنجو من ۽ تنهنجي سيني تي سر رکي تنهنجي دل جي ڌڪ ڌڪ جي مسرور ڪن موسيقي تي مدهوش ٿي مِٺي ننڊ سمهندڙ اکيون توکي تلاشي رهيون آهن.

سائين خادم کي سلام قبول پوي

تمام خوبصورت لفظن جي چونڊ ۽ سهڻا احساس۔ الائي ڇو مونکي به اتر جي ٿڌڙي هير لڳندي ئي ڪي عجيب پور پوندا آهن، جن کي سمجهڻ باوجود سمجهي ناهيان سگهيو۔ جڏهن به سياري جي شروعات ٿيندي آهي ته لطيف سائين جو هيٺيون بيت هر هر پيو ورجائيندو آهيان:

سر نسريا پانڌ، اتر لڳا آء پرين
مون تو ڪارڻ ڪانڌ،
سهسين سکائون ڪيون

سائين عشق جي آتش ۾ سڙيلن کي اهڙا سيڪ ايندا آهن،جڏهن به اهڙي موسم يا زڪر ڇڙندو آهي ته پوڙها به جوان ٿي ويندا آهن،سائين خادم صاحب جن به اٿاه گهراين جو اظهار ڪيو آهي۔سو کوڙ دردن جا دکيل آهون ڀريندا سائين خادم صاحب جا احساس پروڙي،انتظار ڪيو ڏسو ته ڪٿي ڪٿي باه لڳل آهي ،پر توهان وانگر مڃيندا ڪو نه۔

 

[عتيق الرحمان]

پيار جون پناهگاهون (ڊائري)​

جڏهن روز شام جو آسمان جي وشال سيني تي سفر ڪندي ٿڪجي پيل سج افق تان اڪثر خزائن جي ڪنهن زرد پتي وانگي ڇڻي پوندو آهي ۽ اونداهي جو ازدها ڌرتي جي چمڪندڙ گولي کي ڳيهڻ لڳندوآهي تڏهن تاريڪي جي اڀرندڙ ڀيانڪ پاڇن ۾ تنهنجي شهر جون آهسته آهسته روشن ٿيندڙ بتيون ڪنهن خونخوار جانور جي ٻرندڙ اکين وانگر مونکي تڪڻ لڳنديون آهن ۽ هن هيڻي ۽ هيڪل هانءُ کي هيڪاري هيسائي وجهنديون آهن.
تنهنجي مهتابي مک جو ديدار ڪندي جيئندڙ هي مھجور من، ڊنل هرڻي وانگر تنهنجي پيار جون پناھ گاھون ڳولهڻ لڳندو اهي.
اهو من جيڪو تنهنجي اکين جي آشيانن ۾ آباد رهيو،ڏڪاريل ٿر جي ٽاڪ منجهد جهڙي ٻرندڙ زندگي،تنهنجي وارن جي گهاٽن ڪڪرن جي ڇانوَ ۾ گذاريائين سو هاڻي هيڪل ٿي هيڪلائي جي هيبت ۾ اڌ مئو ۽ موڳو ٿي پيو آهي.
سياري جون سرد ۽ طويل راتون تنهنجي گرم ساهن جي سگرين تي سيڪجي سوين سج اڀاريندڙ منهنجو من ۽ تنهنجي سيني تي سر رکي تنهنجي دل جي ڌڪ ڌڪ جي مسرور ڪن موسيقي تي مدهوش ٿي مِٺي ننڊ سمهندڙ اکيون توکي تلاشي رهيون آهن.

سيد خادم سُبحان ڏاڏاهي
بُڪيرا شريف
skhadimdadahi@yahoo.com

تمام سهڻو لڳو پڙهندڙن کي پر اهي ڪيفيتون اوهان ئي پرکي سگهو ٿا جن کي سهندي ڪيئي سج لهي ۽ اڀري ويا۔ زندگي جا اهي لمحا به عجيب آهن جيڪي يادون بنجي رهجي ٿا وڃن ، جڏهن ته هيڏي حياتي ۾ انسان الائي ڪيتريون گهڙيون ٿو گهاري،انهن ۾ ڪي منظر تا حيات رونق يا روڳ بنجي ٿا وڃن،
سچ ته توهان جي ان دکايل دونهي ڪيترن ئي دردمندن کي جاڳايو هوندو ۽ يادون ڦٽن جيان اٿلي پيون هونديون ۽ هلڪي هلڪي درد جون ۽ پيار جون آهون من ۾ پيدا ٿي پيون هونديون،
آء ان لائق ته ڪو نه آهيان جو اوهان جي اهڙن خوبصورت جذبن کي لفظن ۾ بيان ڪري سگهان،پر اوهان جون لکيل سٽون دل کي بيقابو ڪري ڇڏيو آهي ۽ يادن جو طوفان من ۾ ڪاهي پيو آهي ۔تمام سهڻي ونڊ سنڌ سلامت جي ساٿين لاء

 

[سليمان وساڻ]

موبائل ذريعي سنڌ سلامت تي سنڌي ۾ لکيل پهريون پيغام
سڀني دوستن جي نانء

 

[سيد خادم سبحان ڏاڏاهي]

محترم محمد سليمان وساڻ ،۽ محترم عتيق الرحمان صاحب حوصلا افزائي لا ٿورائتو آهيان ۔لک قرب